Chivumbuzi 1:7 - Tonga Bible 1986

⁷ Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Chivumbuzi 1:7 Iomraidhean Croise

Jobu 33:26

Viyo munthu waromba kwaku Chiuta, ndipo watimuronde, watuza pa maso ghake ndi chimwemwe. Wanene ŵanthu ndi kutaskika kwake,

Sumu 22:16

Inya, ŵagaru ŵandizingirizga; mpingu wa ŵakuchita uheni wandikwetere; ŵarasa manja ghangu ndi marundi ghangu.

Sumu 68:1

Wasoke Chiuta, ŵambininike ŵamawongo ŵake; ndipo ŵakutinkha iyo ŵathaŵe paurongo pake!

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Nahumu 1:3

Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Zekariya 12:11

Mu zuŵa lo muŵenge chitenje chikuru mu Yerusalemu nge nchitenje cha Hadadirimoni mu dambo la Megido.

Maŵerengedu 24:17

nditumuwona, kweni sono cha; nditumlereska, kweni pafupi cha: nyenyezi yikatuliyanga mwaku Yakobe, ndipo ndodo ya ufumu yikayukanga mwaku Yisraele; yikaphwanyanga pa maso paku Moabu, ndi kuswa ŵana ŵanthurumi wose ŵaku Seti.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Mateyu 16:28

Ndikuneneskiyani, Alipo ŵanyake ŵaku wo ŵatuma panu, wo kuti ŵesenge nyifwa cha, mpaka po ŵawona Mwana wa munthu wachiza mu ufumu wake.”

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Mateyu 26:64

Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.”

Marko 13:26

Ndipo sono ŵakawonanga Mwana wa munthu wakuziya mu mitambo ndi nthazi yikuru ndi unkhankhu.

Marko 14:62

Ndipo Yesu wanguti, “Ndine: ndipo mukawonanga Mwana wa munthu kuja ku janja la marghe la Nthazi, ndi kuza pa mitambo ya kuchanya.”

Luka 21:27

Ndipo sono ŵakamuwonanga Mwana wa munthu wakuza mu mtambo ndi nthazi ndi unkhankhu ukuru.

Yohane 19:34

Kweni yumoza wa wankhondu wo wangugwaza mbaghara yake ndi mkondu, ndipo sosonukweni kungutuwa ndopa ndi maji.

Yohane 19:37

Ndipo so lembo linyake lititi, “Wazamlereska paku mweniyo ŵangugwaza.”

1 ŴaTesalonika 1:10

ndi kwachilindizga Mwana wake wachisoromoka kuchanya, mweniyo wangumyuska ku ŵakufwa Yesu, mweniyo ngwakutitaska ku kandundu ko katuza.

1 ŴaTesalonika 4:17

pavuli pake ifwe taŵamoyo, taŵakujaririya, tikakwamphulikiyanga pamoza nawo mu mitambo, kwachikumana ndi Ambuya mude; ndipo viyo tikaŵanga muyaya pamoza ndi Ambuya.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

ŴaHebere 6:6

ndipo mbakudezukako, nkhwakutondeka kuŵawerezge so ku chipe; mwakuti ŵajipayikiya so Mwana yo waku Chiuta, ndi kumlengeska pakweru.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

Yuda 1:14

Ndipo mphaku ŵenaŵa po wanguloske Hanoke, wachinkhonde ndi chiŵi kutuwa kwaku Adamu, wakuti, “Awonani, ŵanguza Ambuya ndi ŵakupaturika ŵaŵo vikwi chumi.

Chivumbuzi 22:20

Mweniyo wasimikizga vyenivi watiti, “Inya nthuza ruŵi.” Ameni. Zaninge, Ambuya Yesu.

Chivumbuzi 22:4

ndipo ŵawonenge chisku chake: zina lake liŵenge pa mphumi zawo.

Ŵeruzgi 5:31

“Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.