Amosi 1:8 - Tonga Bible 1986

⁸ Ndiwiskenge ŵakuja mu Ashidodi, ndi yo wakoreze ndodo ya ufumu mu Ashikeloni; ndi ng'anamuwenge janjalangu kumikana ndi Ekroni; ndi ŵakujako ŵa ŵaFilisti ŵakamaranga,” atiti Ambuya Chiuta.

Amosi 1:8 Iomraidhean Croise

Ezekiele 25:16

chifukwa ichi Ambuya Chiuta atiti, Awona, ndikatambaluriyanga janja langu pa ŵaFilisti, ndikadumuwanga ŵaKereti, ndi kubwanganduwa ŵakujako ŵa mumphepeti mwa nyanja.

Zekariya 9:6

ŵana ŵamdondo ŵajenge mu Ashadodi; ndipo ndimarenge kujikuzga kwa ŵaFilisti.

Yesaya 20:1

Mu chirimika cho ndina yira ya nkhondo yo yingutumika ndi Sargoni karonga wa Asiriya, yinguza ku Ashidodi kurwa nkhondo ndi kuwuto,

Sumu 81:14

Ruŵi ndatinge ndithereskenge ŵarwani wawo ndi kupunda ŵakupindikana ŵawo.

2 Mikoka 26:6

Wanguruta ndi kurwa nkhondo ndi ŵaFilisti ndi wangubwanganduwa linga la Gati ndi linga la Yabine, ndi linga la Ashidodi ndi kunyake mu ŵaFilisti.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Amosi 3:9

Wandiskani mu malinga mu Asiriya ndi mu malinga mu charu cha Egipiti, kuti, “Unganani pa mapiri gha Samaria, ndi muwone vivurupi vikuru mukati mwake, ndi visuzgu mukati mwake.”

Yesaya 1:25

Nding'anamuliyenge janja langu paku imwe ndikaphotonga uloso winu uli ndi maji ghakuphoto ndi kutuzgako mthovu winu.

Yeremiya 47:1

Mazu gha Ambuya ghanguza kwaku Yeremiya mchimi ghapa ŵaFilisti, Farao wenga wandakoso Gaza.

Yoele 3:4

“Mwe ayani imwe kwaku ine, imwe Turo ndi Sidoni, ndi mphaka zose za ŵaFilisti? Kumbi mutindiwezge thayu? Asani mutindiwezge thayu ruŵi ndiwezgenge thayu linu, pa mutu winu.

Amosi 1:7

Viyo nditumenge moto pa linga la Gaza, ndipo wamukocha malinga ghake.

Obadiya 1:18

Nyumba yaku Yakobe yiŵenge moto, ndi nyumba yaku Yosefe mlipu; ndipo yaku Esau yiŵenge viputu; ŵakaviwochanga ndi kuvimara, ndipo paulengevi ŵakujapo ŵamu nyumba yaku Esau; chifukwa Ambuya akamba.

Zekariya 9:5

Ashikeloni wakauwonanga ndipo wopenge; Gaza nayo so wambwambwanthenge ukongwa; ndi Ekroni viyo chifukwa chigomekezgu chake chatondeka. Karonga wamarenge mu Gaza; Ashikeloni wajenge wambura ŵakujamo;

1 Samuele 6:17

Ivi ndi vitupatupa vya golide, vyo ŵaFilisti ŵanguwezge ku Ambuya nge ndi mpasku wa paulakwi: ku Ashidodi chimoza, ku Gaza chimoza, ku Ashikeloni chimoza, ku Gata chimoza, ndiku Ekroni chimoza;