Yuanis 12:48 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁴⁸ Isai dai monorima' so Aku om dai mongimaid nu totongaron Ku, ukumon ong wagu. Totongaron Ku no yo, pongukum Ku so iyo so pongoowi'an nu wonuo tu.

Yuanis 12:48 Iomraidhean Croise

Matius 10:15

Ondomo muyu yo nu, ologa' yo Runat Pongukuman nu Kinoringan, ogaan po nai' ponginsaadan so lobuw so Sodom om Gumura ko' lobuw so bandar oono,” koo si Yisus.

Matius 21:42

Mutongaro yo sono si Yisus so nosiro nu, “Tantu nokobasa' kou nu nokosurat so Buuk nu Kinoringan nu, ‘Iri watu niada' nu moomuwaloi, oogot po nai' kosudaan ko' kiawi' watu so waloi oono. Itu yo su gogoma'on nu TUHAN nu sobana ko owarong,’ koo ri.

Matius 25:31

Mutongaro po si Yisus nu, “Bang mululi' Aku, Anak nu Riniba soko raja, maid nu ongo susuu'on Ku, Aku yo sono su mogkuasa.

Markus 12:10

Tantu nokobasa' kou yo so Buuk nu Kinoringan nu, ‘Iri watu niada' nu moomuwaloi, oogot po nai' kosudaan ko' kiawi' watu so waloi oono.

Markus 16:16

Lobuw poimaid osopulan om diu'on, nga lobuw dai poimaid ukumon.

Markus 8:31

Tumugulo yo si Yisus montuduk nu mompomaid Niyo ri nu, “Aku yo Anak nu Riniba om subai osuang kosonsora'an oirosaan Ku kiat so kotutuaan, wowaidon nu imam, om moomontuduk nu Ukum. Potoyon Aku, nga oluli'an-a so kotolu no,” koo.

Lukas 10:16

Mutongaro po si Yisus so mompomaid Niyo ri nu, “Isai mongkinongou so kou, mongkinongou-a so Aku, om isai monulak so kou, monulak-a so Aku. Om isai monulak so Aku, monulak-a so Iyo, ono minonuu' so Aku no,” koo si Yisus.

Lukas 17:25

Nga dai po ologa' ono, koirasa Aku po laid nu osuang kosonsora'an, om tulakon Aku nu lobuw nu kosiono tu.

Lukas 20:17

Siowi yo ni Yisus nosiro om mutongaro yo nu, “Subai ourug ono, so' ono yo su orati nu totongaron nokosurat so Buuk nu Kinoringan nu, ‘Iri watu niada' nu moomuwaloi, oogot po nai' kosudaan ko' kiawi' watu so waloi oono,’ koo ri.

Lukas 7:30

Nga lobuw Parisi om moomontuduk nu Ukum-i, minonulak nu padu-padu nu Kinoringan so nosiro, om dai minokidiu' so si Yuanis.

Lukas 9:22

Mutongaro po si Yisus nu, “Aku, Anak nu Riniba, subai osuang kosonsora'an. Tulakon Aku nu kotutuaan, wowaidon nu imam, om moomontuduk nu Ukum. Potoyon Aku, nga oluli'an Aku so kotolu no,” koo.

Lukas 9:26

Om isai oiyu'an nu mongowaid so Aku om pontudukan Ku no, Aku, Anak nu Riniba nga moiyu'an-a mongakun nu lobuw oono ong lumoga' Aku yo mogkuasa soko raja. Iya oono kibinaang kiat so Kinoringan om susuu'on Niyo maid so Aku kiat so surga ri.

Yuanis 11:24

Mutongaro yo si Marta nu, “Oilaan ku ya nai' nu oluli'an-a iyo ong pongoluli'an-o nu lobuw minatoi so pongoowi'an nu wonuo tu,” koo.

Yuanis 5:45

Ikod kou yo ponokod nu insola'on Ku kou so tiningkuangon nu Amo Ku. Nga si Musa, iri pongoorapan muyu ri su monginsala' so kou ong wagu.

Yuanis 6:39

Itu yo koinginan Niyo, ono yo subai d'ado ido oliong so kiawi' lobuw nitaak Niyo so Aku no, ala' nai' luli'an Ku nosiro ong pongoowi'an-o nu wonuo tu.

Yuanis 8:47

Isai yo po ungkiat so Kinoringan, mongowaid nu totongaron Niyo. Nga kou yo po okon ko ungkiat so Kinoringan. Ono yo ko' dai kou mongimaid so Iyo,” koo si Yisus.

Pinongoorapan 17:31

So' notatap-o Niyo iya pongukuman nu wonuo tu nu ooluk gama', om pinili' yo Niyo ido koyuwan nu popongukumon. Om niintolang-o nu Kinoringan nu obana ya ono nu pinongoluli'an Niyo nu lobuw oono kiat so kinopotoyan!” koo si Paulus.

Pinongoorapan 3:23

Isai dai mongorongou so Iyo, potondiangon kiat so lobuw nu Kinoringan, om oraag,’ koo.

Ruum 2:16

Om dai lupaan ono nu Kinoringan ong mongobisara' yo si Yisus Kristus ong wagu suat so gogoma'on nu lobuw, pudi pomikiran osusut so inawo nosiro.

2 Kurintus 4:3

Bang kakal-a dai koorati lobuw nu Abar Owarong nituturan mai oono, ono-ono ya lobuw sundur so kopotoyan musingkolaid orawu' so Kinoringan-o su dai koorati.

2 Tisalunika 1:8

Iya oono insaadan Niyo lobuw dai kotondu' so Iyo om dai poimaid nu Abar Owarong suat so si Yisus, Tuhan toko.

Ibrani 10:25

Om sumundur toko yo owasa muimpug mongusaa' so Kinoringan. Adang-o minsuw nu wokon lobuw poimaid odoput mian mongusaa'. Ala' nai' muiingol toko yo muimpug mongusaa', so' oilaan toko nu dai yo olaid kologa'an koimbagu ni Tuhan Yisus.

Ibrani 12:25

Oo su kosusulodan, pagka soko ono, kimato muyu yo, kodi muyu yo tulako iri tinongaran nu Kinoringan so toko ri, so' bang iri lobuw Israil-i nga dai ya kolaiw kiat so ukuman nu Kinoringan iya nu minonulak nosiro so si Musa, tantu toko nga dai ya kolaiw kiat so ukuman nu Kinoringan ong tulakon toko si Yisus, iri montuduk so toko kiat so surga.

Ibrani 2:3

Indadi bang dai toko yo sono poimaid nu pontudukan suat nu kosopulan oono, insaadan toko nu Kinoringan, so' si Tuhan Yisus-o su togna nopaabar nu kosopulan oono. Om kolobuwan togna nokorongou-i, nopoorati yo so toko nu obana ya ono.

Ibrani 4:12

Sobana ko kikuasa om kopomiau nu lobuw tinongaran nu Kinoringan. Tinongaran nu Kinoringan otarom po ko' karis kitarom musompodi. Tinongaran nu Kinoringan kosondot so inawo sampai so atod toko om pointolang nu kiawi' pomikiran, tomodon om koinginan toko.

1 Pitrus 1:5

Kiawi' oono nosongapan muyu so' nopoimaid kou yo so si Kristus. Kosiono ipatan kou nu kuasa nu Kinoringan, su' bang pongoowi'an-o nu wonuo tu, kotorima' kou nu kowiawan musingkolaid nosodia' yo nu Kinoringan.

2 Pitrus 3:3

Togna po, subai oorotian muyu nu, runat kologa'an ni Yisus, musit ongo lobuw kinuasa nu koinginan kondiri nu oraai. Mubaag nosiro so kou,

2 Pitrus 3:7

Nga langit om wonuo nu kosiono tu, tinatap soko itu nu Kinoringan, su' ompu'on-a Niyo ong ologa' yo Tuhan mongukum nu lobuw oraai, iri dai mongowaid nu koinginan nu Kinoringan.