Ruum 15:7 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁷ Ono yo ko', torimaa muyu yo inong lobuw poimaid nu soko kosusulodan muyu sobana, so' tinorima' kou yo ni Kristus. Bang waalon muyu soko ono, royowon sono Kinoringan.

Ruum 15:7 Iomraidhean Croise

Matius 10:40

Mutongaro po si Yisus nu, “Isai moingin loga'an muyu, ono yo su loga'an Ku. Om isai pologa' so Aku, pologa' ya nu Kinoringan ono minonuu' so Aku no.

Markus 9:37

“Isai monorima' nu lobuw soko lolaing iitu, so' poimaid so Aku, monorima' ya so Aku. Om lobuw monorima' so Aku, okon ko Aku ya su torima'on, nga monorima' po so Iyo ono minonuu' so Aku no,” koo si Yisus.

Lukas 15:2

Minungot sono ongo lobuw Parisi om moomontuduk nu Ukum-i so si Yisus om minutangar nu, “Siowi muyu po bo nga mokimuuna'-una' Iyo nu lobuw oraai, om murung so nosiro mongokan,” koo.

Lukas 9:48

om mutongaro yo nu, “Isai monorima' nu lolaing iitu so' poimaid so Aku, monorima' ya so Aku. Om isai monorima' so Aku, monorima' ya so Iyo, ono minonuu' so Aku no. Isai so kou obaba' inawo, iyo yo su oogot,” koo si Yisus.

Yuanis 13:34

Itu yo su ponuu'an wagu nituduk Ku so kou, ono yo pusosamod kou yo. Pagka sinomodan Ku kou, kou nga subai monamod-a nu lobuw wokon.

Yuanis 6:37

Kiawi' lobuw nitaak ni Amo Ku so Aku no, nosiro yo su poimaid so Aku, om isai poimaid, torima'on Ku ya.

Ruum 15:9

Om ido po tomod Niyo sumiliw nu soko uripon, ono yo tayon Niyo ong kiawi' lobuw okon ko Yaudi luluudan-a nu Kinoringan, om royowon sono Iyo nosiro. Soko iri tinangar ni Kristus so Kinoringan-i nu, “Sobana ko mongunsopot om mongorayou Aku so Ikau, om mulagu Aku maid nu lobuw okon ko Yaudi,” koo ri.

Ruum 5:2

Pagka poimaid toko so si Yisus Kristus, niintolang sono nu Kinoringan koworongan Niyo so toko, om sobana ko osudu'an om umarap toko nu orumaton toko maid so Iyo ong wagu.

Ipisus 1:12

tayon ong kai lobuw Yaudi, iri nokopogulu yo mongaarap nu lumoga' si Kristus, mongorayou so Iyo nu sobana ko obantug.

Ipisus 1:18

Mindamo aku so Kinoringan su' potoromon pomikiran muyu om oilaan muyu onu yo po kiat so Iyo, ono yo orap-orapon muyu so sunduron tu, iri kinopomaawan Niyo so kou, om koilo kou nu sobana ko owarong om osuang borakat nijanji Niyo so lobuw songapan Niyo,

Kulusi 3:13

Subai otaan kou so sondad una', om puaampun-ampun kou yo ong kuwai kororaayan muyu, so' Tuhan nga minongampun-a so kou.