Ruum 11:32 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

³² Nga pinosimaidan nu Kinoringan kiawi' lobuw dai mongowaid so Iyo om otoop insaadan, tayon Niyo ong kointolang sono koluluudan Niyo so lobuw Yaudi om okon ko Yaudi.

Ruum 11:32 Iomraidhean Croise

Yuanis 1:7

linumoga' paabar so lobuw suat nu onawau oono, tayon ong kiawi' lobuw korongou om poimaid.

Yuanis 12:32

Nga suat so Aku, bang kosalib Aku yo, ingolan Ku kiawi' lobuw su' poimaid so Aku,” koo.

Ruum 11:31

Soko ono ya pudi lobuw Yaudi, so' pudi pona dai nosiro mongowaid nu Kinoringan kosiono tu, nga kiat so poongoluluud Niyo so kou, oluluudan-a sono Iyo so nosiro ong wagu.

Ruum 3:22

ono yo, tokodon nu Kinoringan nu kopuwarong toko so Iyo ong poimaid toko so si Yisus Kristus. Isai yo po nga kopuwarong so Kinoringan ong poimaid so si Yisus Kristus, lobuw ka nu Yaudi ko' okon ko Yaudi, so' Kinoringan-o po dai mominig nu lobuw.

Ruum 3:9

Monokod kou gaam nu toko lobuw Yaudi, worongon po nu Kinoringan ko' lobuw wokon. Dai musuat ono. Tinudukan ku yo kou nu, kiawi' lobuw, kiat-o so lobuw Yaudi kumoo yo so okon ko Yaudi nga kinuasa nu koraayan.

Ruum 5:19

Koompusan nu kosola'an nu ido yo koyuwan, ono yo si Adam, kiawi' lobuw nga kikoraayan. Nga koompusan nu gogoma'on nu ido yo koyuwan, ono yo si Yisus Kristus iri minongowaid nu kiawi' koinginan nu Kinoringan, osuang sono lobuw kopuwarong so Kinoringan.

Galatia 3:22

Nga nokosurat-o so Buuk nu Kinoringan nu, kiawi' lobuw, koinginan oraai yo po su mogkuasa so nosiro. Ono yo ko', iri koworongan nijanji nu Kinoringan ong poimaid so si Yisus Kristus, nitaak so lobuw poimaid so Iyo.

Galatia 3:23

Dai po nokologa' si Kristus, ono imaidon toko nu kosiono tu, nokuasa toko nu Ukum ni Musa, soko nokurung toko musingkologa' nu pointolangan nu Kinoringan nu nokolabus toko kiat so pogkuosaan nu Ukum ni Musa, ono yo iya nu poimaid toko so si Yisus.