Ruum 10:12 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹² Ourug ono so kiawi' lobuw, so' Tuhan-o yo po dai moominig, lobuw ka nu Yaudi intawa okon ko Yaudi. Ido-ido ya Kinoringan om Iyo yo su Tuhan nu kiawi' lobuw, om tobangon-a Niyo isai yo po mokitabang so Iyo.

Ruum 10:12 Iomraidhean Croise

Lagu 145:18

Ronian Niyo lobuw umarap, om mokiponobangon so Iyo maid nu otulid inawo.

Lagu 86:5

Ikau-o su owarong om moongampun, om sobana ko somodan Mu lobuw ototog mogdu'a so Ikau.

Pinongoorapan 7:59

Laid nosiro momilai-i, mogdu'aa yo si Stipanus nu, “Oo Yisus Tuhan ku, torimaa yo atod ku tu,” koo.

Pinongoorapan 9:14

Om linumoga' po iyo tuui maid nu kopogboya'an kiat so Imam Maayo, mongaakom nu kiawi' lobuw mongusaa' so Ikau,” koo.

Ruum 14:9

So' ono yo tomod ni Kristus musimaid potoyon om noluli'an, tayon ong kopogkuasa Iyo so toko lobuw poimaid, iri miau po intawa minatoi-o.

Ruum 15:12

Om nokosurat-a tangar ni Yisaya nu, “Lumoga' ido koyuwan kiat so solusuk ni Yisai. Mogkuasa Iyo nu lobuw okon ko Yaudi, om Iyo yo su pongoorapan nosiro,” koo ri.

Ruum 2:4

Ponontaman muyu gaam nu pagka owarong inawo nu Kinoringan nu otaan Iyo om dai osikap monginsaad, dai kou ya ukumon Niyo. Bang soko ono ponokodan muyu, dai yo olaid ukumon kou Niyo, om dai kou sono rumorogo momaal nu koraayan.

Ruum 3:22

ono yo, tokodon nu Kinoringan nu kopuwarong toko so Iyo ong poimaid toko so si Yisus Kristus. Isai yo po nga kopuwarong so Kinoringan ong poimaid so si Yisus Kristus, lobuw ka nu Yaudi ko' okon ko Yaudi, so' Kinoringan-o po dai mominig nu lobuw.

1 Kurintus 1:2

Surat iitu niloga' ku nai so kou, puimpugan so bandar Kurintus. Sinongapan kou yo nu Kinoringan so' nokoido kou yo dii si Yisus Kristus. Om soko ono ya kiawi' lobuw so siombo-ombo ya, iri mongusaa' so si Yisus Kristus, Tuhan nosiro om Tuhan toko no ya.

1 Kurintus 15:47

Adam nu timpuun winaal nu Kinoringan kiat so tana', nga Adam pomupusan, inungkiaton Niyo so surga.

2 Kurintus 8:9

Noilaan muyu yo nu maayo sobana koworongan ni Tuhan Yisus Kristus so kou. Pudi pona nosongapan Niyo onu-onu ya so surga, nga sinumiliw Iyo nu lobuw d'ado onu-onu songapan, tayon Niyo ong kotorima' kou nu kiawi' koworongan so surga.

Galatia 3:28

Suat nu ono, d'ado yo sono pusondiangan nu lobuw Yaudi om okon ko Yaudi, uripon om okon ko uripon, kusoi om woinoi. Kou kiawi' nokopuido yo dii si Yisus Kristus.

Ipisus 1:7

Soko ono yo ourug so' pagka sobana ko osamod Iyo so toko, linukat toko yo nu Kinoringan nu iri kinopotoyan ni Kristus, ono yo noidu' yo koraayan toko. Maid nu pongoorotian om koo'ilo nu Kinoringan

Ipisus 2:4

Nga sobana ko oluluudan om osamod Kinoringan so toko,

Ipisus 2:7

Winaal nu Kinoringan soko ono tayon ong osiowan ong wagu nu kiawi' lobuw nu sobana ko owarong Iyo, iri niintolang Niyo nu koosamod Niyo, ono yo sinuu' si Yisus Kristus monabang so toko.

Ipisus 3:16

Om mindamo aku so Kinoringan, su' monuu' nu Atod Niyo pobasag nu inawo muyu,

Ipisus 3:6

Orati yo po nu tomod nu Kinoringan, iri dai po niintolang Niyo nu gulu ri nga soko itu: Lobuw okon ko Yaudi nga kosongapan-a nu borakat kiat so Kinoringan, so' poimaid nosiro nu Abar Owarong iri nisuu' Niyo so si Kristus, om ourug nosiro nu ido puimpugan, soko koyuwan ni Kristus, om nosiro nga koompit-a nu janji nu Kinoringan so' kopuido nosiro so si Yisus Kristus.

Ipisus 3:8

Aku yo su sobana ko d'ado kosudaan om d'ado kinoinong-inongan so lobuw wokon songapan nu Kinoringan. Soko ono pona, pinongoorapan aku ya nu Kinoringan nu gogoma'on paabar nu Abar Owarong so lobuw okon ko Yaudi, suat nu koowarong ni Kristus nu d'ado ontob, iri otorima' toko ong poimaid toko so Iyo ri.

Pilipi 2:11

Nosiro kiawi' nga paabar nu si Yisus Kristus-o su Tuhan, om soko ono po obantug sono Kinoringan, iri Amo toko kiawi' ri.

Pilipi 4:19

Sobana ko doyaan ong Kinoringan ono usaa'on ku no, om kiat so kokoyaan Niyo, taakan kou Niyo nu kiawi' kosimpitan muyu, so' nokoido kou yo so si Yisus Kristus.

Kulusi 1:27

Om tinantu yo Niyo nu pointolangon orati nu tinongaran oono so lobuw okon ko Yaudi, ono yo mido-ido si Kristus so kou, indadi, kaarap kou nu taakan-a nu kobontugan nu Kinoringan.

Kulusi 3:11

Pagka soko ono, d'ado yo sono pusondiangan lobuw okon ko Yaudi om lobuw Yaudi. D'ado yo sono pusondiangan nu lobuw nosunatan om dai nosunatan. Muinong-a lobuw noboguru' om lobuw dai noboguru', uripon om okon ko uripon. Suat so toko lobuw ingwoguon nu Kinoringan, ido-ido ya si Yisus Kristus su oogot.

1 Timutius 2:5

Ido-ido ya Kinoringan om ido yo kodapat popuwarong so toko om Iyo, ono yo si Yisus Kristus, iri linumoga' so wonuo tu om sinumiliw nu lobuw.

Pinointolang 17:14

Mutuda' nosiro lumawan nu Anak nu Dumba, nga odoog-a nosiro nu Anak nu Dumba oono om mompomaid Niyo ototog, iri pinaau om pinili' Niyo ri. Iyo yo su Tuhan om Raja nu kiawi'.

Pinointolang 19:16

So sabung om so paa Niyo ri, kisurat nu ngaran, ono yo Raja om Tuhan nu Kiawi'-awi'.