Pinongurugan 8:20 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

²⁰ Momaalo yo sono si Nuu nu ranggar watu, pongusaa'an so TUHAN, om mongolapo yo iyo nu bombolog om kulos-kulos naanid su ginis kowasa okanon, om tunui yo niyo so timpak nu ranggar-i, niusaa' so Kinoringan.

Pinongurugan 8:20 Iomraidhean Croise

Pinongurugan 13:18

Soko iri po, mindaa yo sono si Abram nu pubosolagan, om tumotogo yo molak so obi' nu ongo puun nu Mamri so Ibrun. Om dii yo pinomaalan niyo nu ranggar pongusaa'an so TUHAN.

Pinongurugan 13:4

om pinongusaa'an niyo gulu ri. Mongusaa'o yo iyo nu TUHAN dii.

Pinongurugan 22:2

Mutongaro po Kinoringan nu, “Ian-o so tana' Muria maid so si Isak, anak tunggal mu, nu kosomodan mu sobana no. Kuwai ido bulud dii nituduk ku ya so ikau. Goraso yo anak mu oono nai, niusaa' mu s'Aku,” koo.

Pinongurugan 22:9

Nokologa' yo po nosiro so tontong kinuan nu Kinoringan so si Abraham, momaalo yo iyo nu ranggar watu, om suduo yo niyo kayu ri so timpak-i. Kogosi yo sono niyo anak niyo ri, om gilii yo so timpak nu kayu so ranggar-i.

Pinongurugan 26:25

Momaalo yo si Isak nu ranggar dii om mongusaa'o yo so TUHAN. Mubosolago yo iyo dii om mongungkudo yo kouriponan niyo ri nu porigi.

Pinongurugan 33:20

Soko iri po momaalo yo iyo nu ranggar, om ingorani yo niyo nu Iil, ono yo Kinoringan nu Israil.

Pinongurugan 35:1

Mutongaro yo Kinoringan so si Yakub nu, “Aku yo Kinoringan iri minintolang so ikau, nu linaiwan mu kiat so ongko mu ri, si Isau. Ian-o so Bitil, polak-o dii om pomaal-o nu ranggar pongusaa'an mu so Aku,” koo.

Pinongurugan 35:7

Momaalo yo si Yakub nu ranggar pongusaa'an niyo dii, om ingorani yo niyo tontong iiri nu Kinoringan nu Bitil so' dii yo inintolangan nu Kinoringan so iyo, nu linaiwan niyo kiat so ongko niyo ri.

Pinongurugan 4:4

Si Abil nga mongolapo ya nu anak togna uyog po so baanan nu dumba niyo ri om goraso yo niyo, om pousaa'o yo niyo iri onsi owarong sobana ri so TUHAN. Owoworongan TUHAN so si Abil om niusaa' niyo ri,

Pinongurugan 7:2

Pongowit-o turu nopasang nu soro ido-ido ginis nu bombolog om kulos-kulos kowasa okanon-o, nga ono kulos-kulos dai kowasa okanon-o, soro sompasang-pasang-a nu kiawi' ginis. Waalo yo soko ono su' kiawi' ginis nu kulos-kulos dai oluwus matoi om rumayat sono koimbagu so wonuo tu.

Pinongurugan 8:19

Kiawi' bombolog om kulos-kulos so tindal linumabus-o kiat so kapal-i soro songginis-ginis.

Ruum 12:1

Oo su kosusulodan ku, pagka sobana ko oluluudan Kinoringan so toko, mindamo aku so kou nu miau kou yo nu otoroido inawo suat so Iyo. Bang soko ono waalon muyu, sobana ko osanang inawo Niyo so kou. Om soko ono yo su musuat poongusaa' so Iyo.

Ibrani 13:10

Nga toko yo po poimaid so si Yisus Kristus, iri insan-o minatoi soko niusaa' so Kinoringan poidu' nu koraayan toko, nga ong lobuw Yaudi iri kakal po mongowaid nu oturan gulu ri, dai koompit nu koworongan nu kinopotoyan Niyo ri.

1 Pitrus 2:5

Kou nga soko watu ya miau. Pagka soko ono, wiau kou yo nu owarong su' pokayon kou nu Kinoringan, soko watu pokayon nu moomuwaloi. Pinili' kou Niyo osiliw nu moomugogoma'on suat so Iyo, om gogoma'on oono yo su soko niusaa' muyu so Kinoringan sobana ko koinsanang nu inawo Niyo, maid nu gogoma'on ni Yisus Kristus so kou.

1 Pitrus 2:9

Nga suat so kou, kou yo su bansa pinili' nu Kinoringan. Kou yo su inurug nu soko puimpugan nu imam mugogoma'on so Kinoringan, Raja toko. Kou yo su puimpugan pinotondiang Niyo suat so Iyo. Kou yo su nosongapan nu Kinoringan. Pinili' kou yo paabar nu waalon Niyo ongo wowarong. Iyo yo su nopolabus so kou kiat so kotuongan om poian so koonawau Niyo, nu dai odapat potarang ong ontob-a nu totongaron.