Pinongoorapan 3:25 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

²⁵ Kou yo su nokaalap nu kiawi' janji nu Kinoringan, iri nituturan nu poo'abar nu Kinoringan gulu ri. Minujanji Kinoringan so aki rumpungan muyu ri si Abraham nu, ‘Kiat so solusuk mu no, kiawi' bansa so wonuo tu oborokatan,’ koo ri.

Pinongoorapan 3:25 Iomraidhean Croise

Pinongurugan 12:3

Borokatan Ku lobuw mongoborakat so ikau. Om sumpaan Ku lobuw monumpa so ikau. Om mokiborakat sono kiawi' bansa so Aku, soko poongoborakat Ku so ikau,” koo.

Pinongurugan 17:19

Nga sumombuto yo Kinoringan nu, “Dai! Muanak-a ono si Sara nu kusoi om ingoranan mu so si Isak. Otatap Aku ya mongoondom nu janji Ku so anak oono om solusuk niyo musingkolaid.

Pinongurugan 18:18

Pagka solusuk niyo no osiliw nu bansa obantug om kopogkuasa, om binorokatan Ku ya iyo, kiawi' bansa nga mokiborakat-a so Aku.

Pinongurugan 20:7

Nga kosiono poulio yo iyo so sawo niyo no. Sawo niyo oono poo'abar nu Kinoringan. Mogdu'a iyo so ikau su' dai ko matoi. Nga bang dai mu iuli' woinoi oono, ikau om poranak mu oluwus matoi,” koo.

Pinongurugan 22:18

Kiawi' bansa so wonuo tu mokiborakat so Aku soko poongoborakat Ku nu solusuk mu no, kiat so pinongosipan mu nu pinonuu'an Ku no,” koo

Pinongurugan 26:4

Posuangon Ku komongkupuan mu soko koosuang nu korombituon, om pilolongkop nu tontong iitu nitaak Ku so nosiro. Kiawi' bansa so wonuo tu mokiborakat nu soko poongoborakat Ku nu solusuk mu.

Pinongurugan 28:14

Posuangon Ku solusuk mu muinong nu koris. Lumongkop nosiro so tana' iitu, om pagka borokatan Ku ikau om solusuk mu, kiawi' bansa so wonuo tu oborokatan.

Lagu 22:27

Kiawi' bansa so wonuo tu mongondom nu TUHAN. Lobuw so pilolongkop nu wonuo tu mululi' so TUHAN. Usaa'on Iyo nu kiawi' bansa.

Lagu 96:7

Oo su kiawi' lobuw so wonuo tu, royowo muyu yo si TUHAN. Royowo muyu yo koobantug om koobasag Niyo no!

Lukas 1:72

Nopointolang Iyo nu koluluudan so odu aki toko ri, om noondoman Niyo janji owarong so porookian toko ri.

Pinongoorapan 13:26

Oo su kosusulodan ku solusuk ni Abraham, om kiawi' kosusulodan okon ko Yaudi, iri ototog poimaid so Kinoringan! Nokotaak-o nu Kinoringan so toko abar nu gama' Niyo monapul nu lobuw.

Pinongoorapan 2:39

Minongojanji Kinoringan nu waalon Niyo soko ono, okon ko so kou ya, nga suat po so inonakan om solusuk muyu, om lobuw kiat so dirawu', iri paawon nu Tuhan, Kinoringan usaa'on toko no,” koo.

Ruum 15:8

Bana ya tongaron ku iitu nu, nosiliw-o si Kristus nu soko uripon nu lobuw Yaudi su' kointolang Niyo so nosiro nu tumanon-a nu Kinoringan janji Niyo gulu ri so odu aki nosiro ri.

Ruum 4:13

Minongojanji Kinoringan so si Abraham om solusuk niyo nu nosiro yo su kosongapan nu wonuo tu. Minongojanji Kinoringan soko ono, okon ko iri gama' ni Abraham mongowaid nu Ukum ni Musa, nga iri yo koimaidan niyo ri sampai tinorima' iyo nu Kinoringan nu kopuwarong so Iyo.

Galatia 3:16

Janji nu Kinoringan winaal Niyo nga suat so si Abraham om solusuk niyo. Ado nokosurat so Buuk nu Kinoringan nu, “Om suat so ongo solusuk ni Abraham,” koo, osuang lobuw. Ono-ono ya su nokosurat, “Om suat so solusuk mu,” koo, koorotian ido-ido ya koyuwan, ono yo si Kristus.

Galatia 3:29

Pagka songapan kou yo ni Kristus, solusuk kou ya ni Abraham, om kotorima' kou nu onu yo po nijanji nu Kinoringan.

Galatia 3:8

Nokosurat-o nu gulu ri so Buuk nu Kinoringan nu, “Kopuwarong lobuw okon ko Yaudi so Kinoringan ong poimaid nosiro so Iyo,” koo ri. Iri yo ko' inobaran laid nu Kinoringan si Abraham nu Abar Owarong nu, “Pokayon Ku ikau mongoborakat nu kiawi' bansa so wonuo tu,” koo ri.

Pinointolang 14:6

Nokosiou aku sono nu ido susuu'on wokon mulud-tulud so dilanggau. Minongowit susuu'on oono nu Abar Owarong musingkolaid, nituturan so lobuw so wonuo tu, so kiawi' bansa, solusuk, musosondiang nu tangar, om kiawi' tontong so wonuo tu.

Pinointolang 5:9

Muloguo yo nosiro nu lagu owagu nu, “Ikau-o su otoop mongalap nu buuk iitu om mongolongkab nu poongapit-o, so' pinatoi ko yo, om kiat so kinopotoyan mu oono, nolukat mu yo kiawi' bansa so wonuo tu, ourug nu lobuw songapan nu Kinoringan.

Pinointolang 7:9

Noopod iri, nosiou ku ido impug nu lobuw, nu dai oiap koosuang. Nosiro oono kiat so kiawi' bansa, kiawi' solusuk, kiawi' tontong so wonuo tu, om kiawi' tinongaran. Minupokakas nosiro nu sabung olanggau oputi' om kikinuyut nu raan ingoranan nu palma. Lobuw oono minundii so tiningkuangon nu oogoman nu Kinoringan mogkuasa om so tiningkuangon nu Anak nu Dumba ri.