Pinongoorapan 26:16 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁶ Undii yo. Minokisiou Aku so ikau, tomod Ku mongurug so ikau nu uripon Ku, potuturan so lobuw wokon suat so Aku, iri nosiou mu nu runat tu, om suat nu onu yo po niintolang Ku so ikau ong wagu.

Pinongoorapan 26:16 Iomraidhean Croise

Lukas 1:2

Nisurat-o nosiro ombo norongou nosiro nu nituturan nu lobuw nokokondiri kosiou nu noongourug suat so si Yisus ungkiat nu tumimpuun Iyo montuduk nu kolobuwan.

Pinongoorapan 1:17

Si Yudas oono una' toko ya nu gulu ri, pinili' ni Yisus mugogoma'on maid-waid so toko,” koo si Pitrus.

Pinongoorapan 1:25

su' kopugogoma'on iyo maid so kai, sumulang so si Yudas, pinongoorapan Mu minatoi-i om nokoian so tontong mutoop so iyo,” koo.

Pinongoorapan 20:24

Nga dai ku ya poduli'on onu kourugan nu kowiawan ku. Ono yo su koinginan ku mongaawi' nu gogoma'on nipongaarap ni Tuhan Yisus so aku, potuturan nu Abar Owarong suat nu koworongan nu Kinoringan.

Pinongoorapan 21:19

Nokosogina kai yo po so nosiro, monuturano yo si Paulus nu kiawi' ginama' nu Kinoringan so iyo, iri nobomboran niyo so lobuw okon ko Yaudi ri.

Pinongoorapan 22:10

Mutongaro aku yo koimbagu nu, ‘Oo Tuhan, onu su mupatut waalon ku?’ k'aku. Sumombuto yo Iyo nu, ‘Tungag-o om lombus-o so Damsik. Pokoiloon ko ya dii nu kiawi' nipogama' nu Kinoringan so ikau,’ koo.

Pinongoorapan 23:11

Awi ri, minintolang sono si Tuhan Yisus so obi' ni Paulus om minutangar nu, “Pototapo yo inawo mu no. Nokaabar mu yo abar suat so Aku tuui so Yirusalim, om subai iabar mu ya ono pudi so Ruum,” koo.

Pinongoorapan 26:15

Mutongaro aku yo sono nu, ‘Isai ko ka Tuhan?’ k'aku. Sumombuto yo Tuhan nu, ‘Aku yo si Yisus, sindoraayon mu no.

Pinongoorapan 6:4

Bang soko ono, kotoroido kai sono mogdu'a om paabar nu tinongaran nu Kinoringan,” koo.

Ruum 1:5

Kinoringan-o su minonuu' so si Yisus nu mongurug so aku nu pinongoorapan Niyo. Moingin Iyo ong mutangar aku maid nu kuasa kiat so Iyo mongingol nu lobuw okon ko Yaudi poimaid so si Kristus om mongowaid nu pontudukan Niyo.

Ruum 15:16

Indadi inurug aku Niyo nu uripon ni Yisus Kristus monabang nu lobuw okon ko Yaudi. Soko ido imam ototog mugogoma'on suat so Kinoringan, soko ono ya pudi aku ototog potuturan nu Abar Owarong kiat so Iyo so ongo lobuw okon ko Yaudi. Om nosiro yo po soko ponaak niusaa' ku so Kinoringan poinsanang nu inawo Niyo, om songapan sono Niyo nosiro, so' maid-waid Atod nu Kinoringan so nosiro.

2 Kurintus 4:1

Pagka luluudan kai nu Kinoringan, ono yo ko' sinuu' kai Niyo mugogoma'on suat so Iyo om dai kai ya oiman-iman.

2 Kurintus 5:18

Kinoringan-o su minomaal nu kiawi' oono maid nu gogoma'on ni Kristus so toko. Okon-o sono ko alod-alod toko Niyo, nga una'-una' Niyo. Om suu'on toko Niyo mongingol nu wokon su' ourug nosiro nu una'-una' Niyo.

Galatia 1:12

Okon-a ko so lobuw kinorongowan ku nu Abar Owarong oono om d'ado ya lobuw minontuduk so aku nu ono, nga si Yisus Kristus kondiri su nopointolang nu Abar Owarong oono so aku.

Galatia 2:2

Minian aku dii so' iri yo su ponuu'an nu Kinoringan so aku. Sinumambat aku nu wowaidon nu lobuw poimaid dii, potarang so nosiro nu Abar Owarong nituturan ku so lobuw okon ko Yaudi, so' dai su moingin ong d'ado koompusan nu gogoma'on ku nu gulu ri om kosiono tu.

Ipisus 3:3

Kosiono tu niintolang-o nu Kinoringan so aku, onu notantu yo Niyo suat so kou, iri dai po niintolang Niyo so lobuw silaid-i, soko iri notangar ku yo so kou sisuna ri.

Kulusi 1:23

Indadi, sumundur kou yo poimaid nu kodau obana kiat so Kinoringan, ono yo subai otatap kou poimaid so si Kristus, om sumundur kou yo umarap nu koworongan Niyo, iri norongou muyu so lobuw nopaabar nu Abar Owarong suat so si Yisus Kristus so kou ri. Abar Owarong oono norongou-o nu lobuw suang so siombo-ombo ya, om aku, si Paulus nga nourug-a nu moomugogoma'on polongkop potuturan nu Abar Owarong oono.

Kulusi 1:25

Om nourug aku yo nu moomoriara' nu puimpugan nu lobuw poimaid, musuat nu nisuu' nu Kinoringan so aku posisid sobana potuduk nu tinongaran Niyo so kou, lobuw okon ko Yaudi.

Kulusi 1:7

Ono yo su nituduk so kou ni Ipapras, una' mai mugogoma'on om kosomodan mai. Iyo yo po nga moomugogoma'on suat so si Kristus, om ototog monabang so kou.

1 Tisalunika 3:2

om suu'on mai si Timutius, sulod toko mian nai so kou. Iyo yo po uripon nu Kinoringan om una' mai ya polongkop nu Abar Owarong suat so si Kristus. Tomod mai yo po monuu' so iyo, nga pobasag om popiot nu koimaidan muyu om montuduk so kou,

1 Timutius 1:12

Mongunsopot aku so si Tuhan Yisus Kristus so' pinobasag aku Niyo mugogoma'on suat so Iyo, om tinokod-o Niyo nu otoop aku mugogoma'on suat so Iyo, om ono yo ko' pinili' aku Niyo nu uripon Niyo.

1 Timutius 4:6

Oo Timutius, bang nituduk mu pontudukan ku iitu so lobuw wokon poimaid, ourug ko sono nu moonabang owarong so si Yisus Kristus, om ikau kondiri sumundur koilo nu tinongaran nu Kinoringan iri imaidon toko, om pontudukan obana, iri winaid mu nu laid iiri.

2 Timutius 4:5

Nga ikau-o po Timutius, kodosi ya inawo mu no, om taani ya onu yo po kosusaan, om sundur-o potuturan nu Abar Owarong so lobuw dai po nokorongou, om gomaa yo kowarong-warong gogoma'on mu soko uripon nu Kinoringan.