Pinongoorapan 22:21 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

²¹ Nga minutangar po Tuhan so aku nu, ‘Panou-a! Suu'on Ku ikau mian so ongo lobuw okon ko Yaudi orawu' tuui,’ koo,” koo si Paulus.

Pinongoorapan 22:21 Iomraidhean Croise

Pinongoorapan 9:15

Nga mutongaro yo Tuhan so iyo nu, “Panou-a, so' pinili' Ku yo iyo mugogoma'on paabar suat so Aku so ongo bansa okon ko Yaudi, ongo raja om so lobuw Israil ono yo lobuw Yaudi.

1 Timutius 2:7

Ono yo ko' pinili' aku nu Kinoringan ourug nu pinongoorapan, om sinuu' aku Niyo montuduk nu kodau oono. Kiawi' tinangar ku oono bana ya. Pinili' aku Niyo tayon ong mian aku montuduk so lobuw okon ko Yaudi om poimaid nosiro sono nu pontudukan oono.

Ruum 15:16

Indadi inurug aku Niyo nu uripon ni Yisus Kristus monabang nu lobuw okon ko Yaudi. Soko ido imam ototog mugogoma'on suat so Kinoringan, soko ono ya pudi aku ototog potuturan nu Abar Owarong kiat so Iyo so ongo lobuw okon ko Yaudi. Om nosiro yo po soko ponaak niusaa' ku so Kinoringan poinsanang nu inawo Niyo, om songapan sono Niyo nosiro, so' maid-waid Atod nu Kinoringan so nosiro.

Ruum 11:13

Mongaabar aku so kou ongo lobuw okon ko Yaudi, nu aku yo su pinongoorapan pinili' nu Kinoringan potuturan nu tinongaran Niyo nai so kou. Om sobana ko mongowaid aku nu gogoma'on nisuu' Niyo s'aku oono,

2 Timutius 1:11

Ono yo ko' pinili' aku nu Kinoringan sumiliw nu pinongoorapan om moomontuduk paabar nu Abar Owarong,

Ruum 16:26

Om iri yo po dai po niintolang nu gulu ri, nga niintolang-o sono sobana nu kosiono tu, iri sinurat nu ongo poo'abar. Om mongowaid nu ponuu'an nu Kinoringan, iri miau musingkolaid, abar oono nilombus potuturan so kiawi' bansa su' poimaid nosiro so Iyo om mongowaid nu tinongaran Niyo.

Ruum 1:5

Kinoringan-o su minonuu' so si Yisus nu mongurug so aku nu pinongoorapan Niyo. Moingin Iyo ong mutangar aku maid nu kuasa kiat so Iyo mongingol nu lobuw okon ko Yaudi poimaid so si Kristus om mongowaid nu pontudukan Niyo.

Pinongoorapan 18:6

Nga pagka mongimbuali om monginsala' nosiro so iyo, tontago yo sono niyo koris so sabung niyo ri, pongilaan nosiro nu kikosola'an nosiro, om mutongaro yo nu, “Bang insaadan kou nu Kinoringan, dikou ya so sala'. Ado yo ilo-ilo ku. Kiat kosiono mian aku mongaabar so lobuw okon ko Yaudi,” koo.

Pinongoorapan 13:2

Laid nosiro mongusaa' nu Kinoringan om mupuasa, tongaro yo nosiro nu Atod nu Kinoringan nu, “Pilio muyu yo si Barnabas om si Saulus mugogoma'on nu nipogama' Ku so nosiro,” koo.

Ipisus 3:3

Kosiono tu niintolang-o nu Kinoringan so aku, onu notantu yo Niyo suat so kou, iri dai po niintolang Niyo so lobuw silaid-i, soko iri notangar ku yo so kou sisuna ri.