Pilipi 1:1 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹ Surat iitu kiat so aku, si Paulus om si Timutius, uripon ni Yisus Kristus, niloga' mai nai so kou, wowaidon om moonabang maid nu kiawi' lobuw songapan nu Kinoringan so bandar Pilipi, iri nokopuido yo dii si Yisus Kristus.

Pilipi 1:1 Iomraidhean Croise

Markus 13:34

Kogoyaan nu iya oono soko ido koyuwan poogol nu waloi niyo om mian so tontong orawu'. Suu'on niyo ongo kukumoraja niyo no nu gogoma'on musosondiang, om mongodau so minongipat nu pintu ri nu matag mingat-ingat.

Yuanis 12:26

Isai mugogoma'on suat so Aku, subai maid so Aku, su' siombo polakan ku no, nai ya polak niyo. Om isai mugogoma'on suat so Aku, orumaton iyo ni Amo Ku,” koo si Yisus.

Pinongoorapan 1:20

Mutongaro po si Pitrus nu, “Nokosurat-o so buuk Lagu so Buuk nu Kinoringan nu, ‘Olaiw-laiwan-o bosalag nosiro no, om insan ido po sono lobuw miau so bosalag oono,’ koo ri. Om nokosurat-a nu, ‘Lobuw sondiang su mongowaal nu gogoma'on niyo no,’ koo ri.

Pinongoorapan 20:28

Pusingipat kou yo om ipati muyu ya lobuw poimaid so si Yisus iri nitaak nu Atod nu Kinoringan so kou nu ipoipat-i, so' nosiliw kou yo nu moongipat so nosiro. Ipati muyu yo nosiro soko mongipat nu dumba, so' sinongapan-o nosiro nu Kinoringan nu kinopotoyan nu Anak Niyo pongolukat so nosiro.

Pinongoorapan 9:13

Nga sumombuto yo si Ananias nu, “Oo Tuhan, osuang lobuw nopokoilo so aku suat so lobuw iitu no, nu osuang gogoma'on niyo nu sobana ko oraai so lobuw poimaid so Ikau so Yirusalim.

Ruum 1:1

Oo su kosusulodan minolak so bandar Ruum, iri kosomodan nu Kinoringan om pinaau Niyo sumiliw nu lobuw songapan Niyo. Aku, si Paulus poowit nu surat iitu nai so kou. Aku yo po uripon ni Yisus Kristus, om pinili' aku yo nu Kinoringan ourug nu pinongoorapan potuturan nu Abar Owarong kiat so Iyo.

Ruum 1:7

Mindamo aku so Kinoringan, Amo toko, om so si Yisus Kristus, nu d'ado ya pupus mongoborakat so kou om posanang nu inawo muyu.

1 Kurintus 16:10

Bang kologa' si Timutius, torimaa muyu yo iyo nu owarong su' ososonangan iyo mido so kou, so' iyo nga soko aku ya nu mugogoma'on suat so Tuhan Yisus.

2 Kurintus 1:1

Surat-o po iitu kiat so aku, si Paulus, iri pinili' nu Kinoringan sumiliw nu pinongoorapan ni Yisus Kristus. Kai duo si Timutius sulod toko, pologa' nu surat iitu no nai so kou, lobuw nosongapan nu Kinoringan so Kurintus om so wonuo Akaya.

Galatia 1:10

Okon ko so lobuw-a su mokimuwarong aku, nga so Kinoringan po. Om dai ya su moingin mogkari'-kari' mongolimuuk nu lobuw-a tayon ong worongon aku nu lobuw. Bang mokimuwarong-warong aku so lobuw, okon ko uripon aku ni Kristus.

Galatia 3:26

Pagka poimaid kou yo so si Yisus Kristus, koido kou yo sono so Iyo, om osiliw kou nu inonakan nu Kinoringan.

Galatia 3:28

Suat nu ono, d'ado yo sono pusondiangan nu lobuw Yaudi om okon ko Yaudi, uripon om okon ko uripon, kusoi om woinoi. Kou kiawi' nokopuido yo dii si Yisus Kristus.

Ipisus 1:1

Oo su kosusulodan ku songapan nu Kinoringan nai so Ipisus, iri ototog poimaid so si Yisus Kristus, itu yo surat kiat tuui so aku, si Paulus, iri pinili' nu Kinoringan sumiliw nu pinongoorapan ni Yisus Kristus musuat nu koinginan Niyo.

Ipisus 1:15

Norongou ku yo po nu poimaid kou so si Yisus, Tuhan toko, om osamod kou nu kiawi' lobuw nosongapan nu Kinoringan,

Ipisus 6:24

Mindamo aku so Kinoringan nu d'ado ya pupus Niyo monamod nu kiawi' lobuw iri monamod so si Yisus Kristus, Tuhan toko.

Pilipi 2:19

Indadi, umarap aku nu tobangon aku ni Tuhan Yisus, su' osuu' ku osikap si Timutius mongondaa so kou, om osanang inawo ku no ong korongou nu abar muyu.

Pilipi 2:5

Owarong ong minsuw kou nu kogoyaan ni Yisus Kristus, ono yo,

Pilipi 3:12

Okon ko mutangar aku nu nokoinong aku yo sobana so si Kristus, intawa d'ado yo sono koraayan ku. Nga ono yo mogkari'-kari' aku miau maid so koinginan Niyo, orapan ku ourug aku nu lobuw kikogoyaan nu koinginan Niyo, so' ono yo su kinopongurugan Niyo so aku nu songapan Niyo.

Pilipi 3:3

Adang-o poimaid nu lobuw oono, so' okon ko nosiro su tokodon nu Kinoringan nu kopuwarong so Iyo. Toko yo su tokodon Niyo nu songapan Niyo so' mongusaa' toko so Iyo maid nu ponobangon nu Atod Niyo om sumudu'an toko nu pinuwaal ni Yisus Kristus so toko, om dai toko yo sono umarap nu oturan om adat.

Pilipi 3:8

Okon ko ono ya, nga pikiran ku sono nu kiawi' oono d'ado yo kosudaan. Songapan ku nu ono sono tu boorogo po, ono yo kotondu' aku so si Yisus Kristus, Tuhan ku. Pagka maid aku sono so Iyo, niada' ku yo kiawi' gogoma'on koopotan ku nu gulu ri, om tokodon ku kiawi' iiri soko sinupot-a, so' poimaid aku yo so Iyo.

1 Tisalunika 1:1

Surat iitu kiat tuui s'aku si Paulus, si Silas om si Timutius niloga' so puimpugan so bandar Tisalunika nu nosongapan-o nu Kinoringan, Amo so surga om Anak Niyo si Tuhan Yisus Kristus. Muda-mudaan ong d'ado pupus nu Kinoringan mongoborakat om posanang nu inawo muyu.

1 Tisalunika 2:2

Oilaan muyu nu dai po nokologa' kai so Tisalunika, sobana ko nosonsara' om inindoraai kai so Pilipi. Soko iri pona, tinaakan kai ya nu Kinoringan nu kopogian paabar nu Abar Owarong nai so kou.

2 Tisalunika 1:1

Aku si Paulus, si Silas, om si Timutius poowit nu surat iitu so puimpugan so bandar Tisalunika nu nosongapan-o nu Kinoringan, Amo so surga om si Yisus Kristus, Tuhan toko.

2 Tisalunika 1:10

Ourug ono ong kologa'an-o Niyo koimbagu. Tomod-o po Niyo mululi' so wonuo tu, tayon ong royowon om bontugon Iyo nu kiawi' lobuw poimaid so Iyo, om kou nga kowaid-a so nosiro, so' nopoimaid kou yo nu pontudukan mai so kou ri.

1 Timutius 3:8

Soko ono ya pudi moonabang nu puimpugan, subai oorumaton nu lobuw wokon, dai moonginum nu kaawuk, om okon ko oulou nu siin.

Titus 1:1

Oo Titus, itu yo surat kiat so aku si Paulus iloga' ku nai so ikau. Uripon aku nu Kinoringan om pinongoorapan ni Yisus Kristus. Pinili' om sinuu' aku montuduk nu lobuw pinili' Niyo, pobasag nu koimaidan nosiro, om potuduk nu pontudukan obana musuat so koinginan nu Kinoringan.

Titus 1:7

Ono yo po wowaidon nu puimpugan nu lobuw poimaid nga pinongoorapan nu Kinoringan. Indadi dai mutoop ong kuwai pounayan nu lobuw wokon pokosala' so iyo, dai kowasa musingkaayo-ayo, dai obingungot, okon ko moomuinum, dai kowasa mokimualod, om dai oulou nu siin.

Pilimun 1:1

Oo sulod ku Pilimun, una' mai om songinong gogoma'on, Aku, si Paulus, iri nojiil so' polongkop nu abar suat so si Yisus Kristus, monurat nu itu kai si Timutius, sulod toko, niloga' nai so ikau, om so lobuw poimaid moomuimpug sumombaayang so waloi mu, om so si Apia, sulod toko woinoi om so si Arkipus iri una' toko mugogoma'on suat so si Kristus.

Ibrani 13:23

Om moingin aku pokoilo so kou nu nokolabus-o sulod toko si Timutius kiat so jiil. Bang kologa' yo iyo tuui so aku, owiton ku ya iyo mongondaa so kou.

Yakubus 1:1

Oo su kosusulodan inong ku poimaid so opulu om duo bansa lobuw Yaudi, iri noias so pilolongkop nu wonuo tu! Itu yo surat kiat s'aku, si Yakubus, uripon nu Kinoringan om ni Tuhan Yisus Kristus.

1 Pitrus 2:25

Gulu ri nopalid kou soko dumba, nga kosiono inowit toko yo sono mululi' so Moongipat so toko ri.

2 Pitrus 1:1

Surat iitu kiat so aku, si Simun Pitrus, uripon om pinongoorapan ni Yisus Kristus. Poowit aku nu surat iitu no so kou, inong poimaid so si Yisus Kristus, so' maid nu kobonaan nu Kinoringan om si Yisus Kristus, Poowiau so toko, nitaak-o so kou koimaidan iri sobana ko boorogo, ono yo koimaidan nitaak so kai ri.

Yudas 1:1

Surat iitu kiat so aku, si Yudas, uripon ni Yisus Kristus, om sulod ni Yakubus, niloga' so kosulodan pinaau om sobana ko sinomodan nu Kinoringan Amo toko, om inipatan ni Yisus Kristus.

Pinointolang 1:1

Onsi yo po nu surat iitu no nga suat so onu yo po ourug ong wagu. Gulu po nopokoilo Kinoringan nu ono so si Yisus, su' niposiou Niyo so ongo susuu'on Niyo. Minonuu' yo sono si Yisus nu susuu'on Niyo mian dii so aku si Yuanis uripon Niyo, pokoilo nu ono,

Pinointolang 1:20

Itu yo su orati nu turu korombituon nosiou mu so longon wanan Ku ri, om potimpakan nu politaan omas winaal-i. Turu korombituon-i, ono yo susuu'on so koturu-turu nu puimpugan, om turu potimpakan nu politaan-i, ono yo turu puimpugan,” koo.

Pinointolang 19:10

Nokosurukud aku sono so tiningkuangon niyo mongusaa' so iyo. Nga mutongaro yo iyo so aku nu, “Adang! Adang mongusaa' so aku. Kinoringan-o su usaa'on so' aku nga uripon-a soko ikau om kosusulodan mu iri tumotog mongowaid nu pontudukan obana ni Yisus,” koo. Onu yo po pontudukan obana ni Yisus, iri yo su nituduk nu Kinoringan so ongo poo'abar, iri polombus nu tinongaran Niyo.

Pinointolang 2:12

Mutongaro po si Yisus nu, “Surato yo itu so susuu'on nu puimpugan so Pirgamus nu, Itu yo su kodau kiat so Aku, si Yisus, iri minongkuyut nu karis otarom musompodi ri.

Pinointolang 2:8

Mutongaro po si Yisus nu, “Surato yo itu so susuu'on nu puimpugan so Somirna nu, Itu yo kodau kiat so Aku si Yisus, iri ponimpuunan om pongoowi'an-i, iri minatoi-o om miniau koimbagu ri.

Pinointolang 22:9

Nga mutongaro yo iyo s'aku nu, “Adang! Adang mongusaa' so aku. Kinoringan-o su usaa'on, so' aku nga uripon-a soko ikau om kosusulodan mu, iri poo'abar nu Kinoringan, om soko kiawi' lobuw mongowaid nu tinongaran so buuk iitu,” koo.