Matius 23:26 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

²⁶ Oo su lobuw Parisi bolou! Otago muyu po mongugas rinuang nu pinggan om mangkuk muyu no, om dirimbou-o nga oborisi ya.

Matius 23:26 Iomraidhean Croise

Matius 12:33

Mutongaro po si Yisus nu, “Bang owarong puun-o, owarong-a bua' no, nga bang oraai puun-o, oraai-a bua' no. Oraai owarong puun-o, otondu'an-a ungkiat so bua' no.

Matius 14:8

Pagka biniatan roraa ri nu ino niyo ri, mutongaro yo sono iyo nu, “Pokitaakon ku ulu ni Yuanis Moongodiu' nu ono sono tu ya, om nisakoi so talam,” koo roraa ri.

Markus 7:4

Kuwai po adat nosiro nu dai kookan nu onu-onu ya wolion so pasar ong dai po ougasan, om osuang adat wokon soko gama' mongugas nu sangkir, mangkuk, om gonggamon tombaga winaal.

Lukas 11:39

Nga noilaan-a ni Yisus nu noiranan lobuw Parisi ri, mutongaro yo sono Iyo nu, “Kou yo po lobuw Parisi, ono ya su ugasan muyu dirimbou nu pinggan om mangkuk muyu no, nga rinuang-o noponu' nu sinaim om koraayan.

Lukas 6:45

Lobuw owarong, owarong-a gogoma'on, so' owarong inawo niyo. Nga lobuw oraai, oraai-a gogoma'on, so' oraai inowoon niyo. Onu yo po kiro-kiroon so inawo, ono ya su otangar toko,” koo si Yisus.

2 Kurintus 7:1

Oo su kosulodan kosomodan ku, pagka nojanji yo nu Kinoringan nu waalon Niyo kiawi' oono suat so toko, otoop ong mingkoyod toko yo mugogoma'on koinsaim nu pomikiran nu inawo toko. Pagka lumaa' toko poinsakit nu inawo nu Kinoringan, subai owarong pogokalan toko.

Ibrani 10:22

Pagka soko ono, rumani toko yo so Kinoringan maid nu owarong inawo om opiot koimaidan, so' noilaan toko yo nu noborisi toko yo nu Kinoringan nu kinopotoyan ni Yisus, ono yo noidu' yo koraayan toko, om nodiu' toko yo, ponondu'an nu nougasan toko yo nu Kinoringan.

Yakubus 4:8

Rani yo so Kinoringan om rumani ya Iyo so kou. Oo su lobuw kikoraayan, ogoli yo kogoyaan muyu oraai-o! Oo su lobuw mupiduo inawo, posimaidi yo Kinoringan mongimbarong nu pikiran om inawo muyu no.