Matius 15:36 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

³⁶ Olapo yo Niyo turu nowatu baang-baang om gontir nu pait-i, om mongunsopoto yo so Kinoringan. Nopupus iri, kobi-kobio yo Niyo baang-baang om pait-i, om taaki yo Niyo so mompomaid Niyo ri, nu toyad-toyadon so lobuw-i.

Matius 15:36 Iomraidhean Croise

Matius 14:19

Suuo yo sono Niyo poogom kolobuwan iiri so korikutan-i, om olapo yo Niyo limo nowatu baang-baang om duo nokayu pait-i, om tumingaa'o yo mongunsopot so Kinoringan. Nopupus Iyo mongunsopot, kobi-kobio yo Niyo baang-baang om pait-i, om taaki yo so mompomaid Niyo ri ipotayad-tayad so kolobuwan-i.

Matius 15:35

Suuo yo sono Niyo kolobuwan iiri poogom so tana' ri.

Lukas 22:17

Kuyuti yo Niyo sawan kiasuw nu anggur-i om mongunsopoto yo so Kinoringan, om mutongaro yo so mompomaid Niyo ri nu, “Olapo muyu yo itu no om pususulang kou monginum,

Lukas 22:19

Noopod iri, olapo yo Niyo baang-baang-i om mongunsopoto yo so Kinoringan. Kobi-kobio yo Niyo baang-baang iiri om taaki yo Niyo so nosiro maid nu mutangar nu, “Itu yo su koyuwan Ku, nitaak gumanti' so kou. Waalo muyu yo soko itu pongoondoman muyu so Aku,” koo.

Lukas 24:30

Mogom-ogom nosiro mongokan-i, monomito yo si Yisus nu baang-baang om mongunsopoto yo so Kinoringan. Kobi-kobio yo Niyo, om taaki yo Niyo so duo koyuwan-i.

Yuanis 6:11

Olapo yo Niyo baang-baang-i om mongunsopoto yo so Kinoringan, om suuo yo Niyo mompomaid Niyo ri potayad-tayad so lobuw-i. Soko iri ya gama' Niyo nu pait-i, om kiawi' lobuw-i nga minongokan-o sono sampai nowasug.

Yuanis 6:23

Kuwai yo sono tinu-tinu alud sinokoyan nu lobuw linumoga' kiat so Tiborias dumudul so obi' nu pinongunsopotan ni Yisus so Kinoringan nu baang-baang nipookan so lobuw suang iiri.

Pinongoorapan 27:35

Mongolapo yo sono iyo nu baang-baang, om mongunsopoto yo so Tuhan so tiningkuangon nosiro ri. Noopod iri, boogio yo sono niyo baang-baang-i, om mongokano yo.

Ruum 14:6

Iri lobuw monokod nu ido yo runat su oogot, waalon niyo soko ono so' moingin iyo poinsanang nu inawo nu Kinoringan. Iri lobuw mongokan nu onu-onu ri ya, waalon niyo soko ono so' moingin iyo poinsanang nu inawo nu Kinoringan, om mongunsopot-a iyo so Kinoringan nu ookanon niyo oono. Om soko ono ya pudi lobuw umbus-a su okanon, nu waalon niyo soko ono so' moingin iyo poinsanang nu inawo nu Kinoringan, om mongunsopot-a iyo so Kinoringan suat so ookanon niyo oono.

1 Kurintus 10:31

Indadi, itu yo su oogot ondomon muyu nu, onu-onu ya goma'on muyu, mongokan ka intawa monginum kou, gomaa muyu yo nu pongorumat nu Kinoringan.

1 Kurintus 14:16

Owarong ong waalon toko soko ono, so' bang inawo toko no ya su' mongunsopot so Kinoringan, om lobuw wokon dai koorati nu musosondiang totongaron toko nitaak nu Atod nu Kinoringan oono, dai kotaayun lobuw oono nu du'a pongunsopotan toko oono, so' dai oorotian niyo.