Matius 13:39 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

³⁹ Alod-alod nopopulo nu kutad-i, ono yo su Wowaidon nu Moinat. Iya poomoroyan, ono yo pongoowi'an nu wonuo tu, om kolobuwan momaroi iiri, ono yo susuu'on nu Kinoringan.

Matius 13:39 Iomraidhean Croise

Matius 12:32

Lobuw mutotongaron lumawan so Aku, Anak nu Riniba, oompunan-a, nga bang mutotongaron iyo mubaag nu Atod nu Kinoringan, dai iyo oompunan kiat kosiono tu sampai Runat Pongukuman,” koo.

Matius 13:22

Sampug nopitak so koruwian-i, soko lobuw kuwai yo po kogogawan suat so kokoyaan om koinginan so kowiawan nosiro, olupaan-o sono nosiro tinongaran nu Kinoringan, om gogoma'on nosiro dai yo sono musuat so koinginan Niyo.

Matius 13:25

Ido awi, nokoturuw-o po lobuw-i, lumogaa yo alod-alod nu moomutanom iiri, posasad nu linsou nu kutad so umo niyo ri, om mulaiwo yo.

Matius 13:28

Sumombuto yo iyo nu, ‘Ono yo po gogoma'on nu alod-alod toko no,’ koo. Mongoduato yo sono kolobuwan ginumaji oono nu, ‘Moingin ko ka ong okaton mai kutad-o?’ koo.

Matius 13:40

Soko gama' mongokat, mongongkos om monusul nu kutad-i, soko ono ya ong ologa' yo pongoowi'an nu wonuo tu.

Matius 13:49

Soko ono ya ong pongoowi'an-o nu wonuo tu. Popinigon nu susuu'on nu Kinoringan kolobuwan oraai kiat so kolobuwan mongowaid nu koinginan nu Kinoringan.

Matius 24:3

Nopupus iri, miano yo si Yisus so Bulud Jaitun om mogomo yo. Lumogaa yo sono mompomaid Niyo ri mokimutangar-tangar so Iyo nosiro ya siro nu, “Obari yo so kai ong sombiya runtu'on Waloi Maayo nu Kinoringan-o om onu ponondu'an mai nu lumoga' Ko yo koimbagu om pongoowi'an nu wonuo tu,” koo.

Matius 25:31

Mutongaro po si Yisus nu, “Bang mululi' Aku, Anak nu Riniba soko raja, maid nu ongo susuu'on Ku, Aku yo sono su mogkuasa.

Matius 28:20

Tuduki muyu yo nosiro momaal nu niongosuu' Ku so kou ri, om ondomo muyu yo nu maid-waid Aku so kou musingkologa' nu pongoowi'an nu wonuo tu,” koo si Yisus.

1 Kurintus 10:11

Nourug kiawi' oono so odu aki toko gulu ri, tayon ong oorotian toko onu ourug so toko ong maid-waid nu kogoyaan iiri. Om sinuu' si Musa nu Kinoringan monurat nu ono, pongoondoman toko nu ono sono tu, nu oduruk-o pongoowi'an nu wonuo tu.

2 Kurintus 11:3

Nga gumagau aku nu sumondiang-a sono inawo muyu, oboyayat nu lobuw montuduk nu owudut om dai yo sono otoroido inawo muyu maid so si Kristus, soko si Awa nu gulu ri su nointotayag nu koo'ilo nu lopung, ono yo Wowaidon nu Moinat.

2 Kurintus 2:17

Muinong kai nu kosuangan nu lobuw, iri mokigaji tomod paabar nu tinongaran nu Kinoringan. Nga pagka Kinoringan-o su minonuu' so kai, otulid-a inowoon mai mugogoma'on nu ono om d'ado ya sala' mai so Iyo, so' kopuido kai yo so si Kristus.

Ipisus 2:2

Iya iiri minaid kou nu poroodatan so wonuo tu, iri gogoma'on nu lobuw oraai. Mongusaa' kou nu komoinatan iri pinokokinoringan muyu nai so puola'an nu tana' om langit-o, mogkuasa nu lobuw dai mongkinongou nu tinongaran nu Kinoringan.

Ibrani 1:2

Nga ono sono tu, iya so pongoowi'an, minutangar Kinoringan so Anak Niyo ri, om nilombus so toko. Om Anak Niyo oono yo su sinuu' nu Kinoringan mongurug nu wonuo tu om kiawi' asuw-o. Om Anak Niyo oono yo su tinantu nu Kinoringan nu monongapan nu kiawi' so wonuo tu.

Ibrani 9:26

Bang soko ono dadan, koorotian kiat po so kinourugan nai' nu wonuo tu sampai kosiono, subai muuli'-uli' Iyo osonsara' matoi. Nga okon-a ko soko ono, so' insan-o Iyo linumoga' mongidu' nu koraayan toko, nu iri kinopotoyan om kinotuntugan nu raa' Niyo ri.

1 Pitrus 5:8

Mingat-ingat om kodosi muyu yo! Wowaidon nu Moinat oono yo alod-alod muyu. Mompanou iyo dii-tuui modium nu lobuw poimaid mongusiba' nu koimaidan nosiro, soko ingongansad witilon marom-garom modium nu kulos-kulos tompaan.

Yudas 1:14

Si Inuk, solusuk kointuru ni Adam, nokoputangar suat nu kolobuwan oono nu, “Siowi! Lumoga' Tuhan maid nu boribu-ribu susuu'on Niyo,

Pinointolang 12:9

Naga maayo iiri nga niratu yo sono so wonuo tu maid nu susuu'on niyo wokon-i. Ngaran-o po nu naga iiri, Wowaidon nu Moinat intawa Saitan, om paawon po iyo nu lopung otuo so' iyo yo su mongaakal nu lobuw so wonuo tu.

Pinointolang 13:14

Kiawi' lobuw so riniba tu inokalan niyo nu koiran-iran winaal niyo so tiningkuangon nu kulos-kulos togna ri. Om sinuu' niyo nosiro momaal nu tinindobuw pongorumat nu kulos-kulos nopilat nu karis-i om kakal-a miau.

Pinointolang 19:20

Naakom-o sono kulos-kulos iiri maid nu poo'abar moomudut niyo, iri minomaal nu koiran-iran so tiningkuangon nu kulos-kulos-i pinongaakal nu lobuw kitanda' nu kulos-kulos iiri, om lobuw mongusaa' nu tinindobuw nu kulos-kulos-i. Kiduo-duo nu kulos-kulos om poo'abar moomudut iiri niada' miau-wiau so raat nu apui om morirang nu sobana ko maamut.