Matius 10:40 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁴⁰ Mutongaro po si Yisus nu, “Isai moingin loga'an muyu, ono yo su loga'an Ku. Om isai pologa' so Aku, pologa' ya nu Kinoringan ono minonuu' so Aku no.

Matius 10:40 Iomraidhean Croise

Matius 18:5

Om isai monorima' om owarong inowoon so lobuw soko lolaing iitu, so' poimaid s'Aku, monorima' ya so Aku,” koo.

Matius 25:40

Sumambut Aku sono nu, ‘Ondomo muyu ya iya muyu monabang nu lobuw d'ado pangkat, koorotian nowaal muyu yo ono suat so Aku,’ k'Aku.

Matius 25:45

Sumambut Aku so nosiro nu, ‘Ondomo muyu ya iya muyu dai monabang nu lobuw d'ado pangkat, koorotian dai kou ya monabang so Aku,’ k'Aku.

Markus 9:37

“Isai monorima' nu lobuw soko lolaing iitu, so' poimaid so Aku, monorima' ya so Aku. Om lobuw monorima' so Aku, okon ko Aku ya su torima'on, nga monorima' po so Iyo ono minonuu' so Aku no,” koo si Yisus.

Lukas 10:16

Mutongaro po si Yisus so mompomaid Niyo ri nu, “Isai mongkinongou so kou, mongkinongou-a so Aku, om isai monulak so kou, monulak-a so Aku. Om isai monulak so Aku, monulak-a so Iyo, ono minonuu' so Aku no,” koo si Yisus.

Lukas 9:48

om mutongaro yo nu, “Isai monorima' nu lolaing iitu so' poimaid so Aku, monorima' ya so Aku. Om isai monorima' so Aku, monorima' ya so Iyo, ono minonuu' so Aku no. Isai so kou obaba' inawo, iyo yo su oogot,” koo si Yisus.

Yuanis 13:20

Bana ya tongaron Ku iitu nu, isai monorima' nu lobuw suu'on Ku no, monorima' ya so Aku. Om isai monorima' so Aku, monorima' ya nu Kinoringan, ono minonuu' so Aku no,” koo si Yisus.

Yuanis 20:21

Mutongaro po si Yisus nu, “Posonango yo inawo muyu no! Soko si Amo Ku minonuu' so Aku, soko ono ya monuu' Aku so kou,” koo.

Yuanis 5:23

Waalon Niyo soko ono tayon Niyo ong kiawi' lobuw mongorumat so Aku, soko poongorumat nosiro so Iyo. Isai dai mongorumat so Aku, dai ya mongorumat so Iyo, ono minonuu' so Aku no.

2 Kurintus 5:20

Pagka soko ono, kai yo po susuu'on ni Kristus, om kai yo su sinuu' nu Kinoringan polombus nu kodau Niyo. Indadi mindamo kai sobana so kou, nu posimaidi muyu yo Kinoringan mongurug so kou nu una'-una' Niyo.

Galatia 4:14

Iya iiri, dai kou ya ororaayan so aku, pudi kogoyaan nu koyuwan ku tu ri soko ido ponginaman maayo so kou. Ala' nai', tinorima' muyu ya aku soko monorima' nu susuu'on nu Kinoringan kiat so surga, intawa soko monorima' so si Yisus Kristus kondiri.

1 Tisalunika 4:8

Isai monangkis nu pontudukan oono, okon-a ko lobuw su tongkison, ono ya nga Kinoringan, iri monaak so toko nu Atod Niyo kondiri.

2 Yuanis 1:9

Isai dai mongowaid nu pontudukan ni Kristus, ala' nai' mominda nu pontudukan oono, dai iyo kosongapan nu Kinoringan. Isai tumatap mongowaid nu pontudukan ni Kristus, kosongapan nu Kinoringan Amo, om Anak Niyo, si Yisus Kristus.