Matius 10:15 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁵ Ondomo muyu yo nu, ologa' yo Runat Pongukuman nu Kinoringan, ogaan po nai' ponginsaadan so lobuw so Sodom om Gumura ko' lobuw so bandar oono,” koo si Yisus.

Matius 10:15 Iomraidhean Croise

Matius 12:36

Indadi ondomo muyu yo, ong ologa' Kinoringan mongukum, kiawi' lobuw koirasa ya nu ukuman suat so totongaron nosiro nu d'ado kosudaan-o.

Matius 5:18

Ondomo muyu yo, ido pona urup om titik so Ukum nga dai oliong, ong kakal po tana' om langit tu, musingkotuman nu kiawi' tomod nu Ukum oono.

Matius 7:22

Ologa' yo Runat Pongukuman, osuang lobuw mutangar so Aku nu, ‘Oo Tuhan, maid nu kuasa Mu nobotuturan kai nu tinongaran Mu, minonusub kai nu ongo moinat, om minomaal kai nu koiran-iran,’ koo nosiro.

Markus 6:11

Bang dai kou pologa'on nu lobuw intawa mongkinongou so kou, laiwi muyu ya nosiro, om puyaso muyu koris so rompam muyu no, pongilaan nu insaadan nosiro nu Kinoringan,” koo si Yisus.

Yuanis 12:48

Isai dai monorima' so Aku om dai mongimaid nu totongaron Ku, ukumon ong wagu. Totongaron Ku no yo, pongukum Ku so iyo so pongoowi'an nu wonuo tu.

Yuanis 6:39

Itu yo koinginan Niyo, ono yo subai d'ado ido oliong so kiawi' lobuw nitaak Niyo so Aku no, ala' nai' luli'an Ku nosiro ong pongoowi'an-o nu wonuo tu.

Yuanis 6:40

Koinginan-o po ni Amo Ku, kiawi' lobuw poimaid so Aku taakan nu kowiawan musingkolaid, om luli'an Ku nosiro ong pongoowi'an-o nu wonuo tu,” koo.

Pinongoorapan 17:31

So' notatap-o Niyo iya pongukuman nu wonuo tu nu ooluk gama', om pinili' yo Niyo ido koyuwan nu popongukumon. Om niintolang-o nu Kinoringan nu obana ya ono nu pinongoluli'an Niyo nu lobuw oono kiat so kinopotoyan!” koo si Paulus.

1 Kurintus 3:13

Kiawi' gogoma'on ido soido nu lobuw, osiou-a ong kologa' yo koimbagu si Kristus, so' bang oompu' yo, osiou sono ombo su otaan. Soko ono ya ong kologa'an ni Kristus, osiou sono ombo gogoma'on owarong om oraai.

1 Tisalunika 5:4

Nga kou yo po su kosusulodan ku, okon ko soko lobuw miau so kotuongan. Dai opatut ong kotigog kou ong ologa' yo ponginsaadan nu Kinoringan nu lobuw dai poimaid, soko kotigog kou ong kuwai moonakou dai opongilaan lumoga',

Ibrani 10:25

Om sumundur toko yo owasa muimpug mongusaa' so Kinoringan. Adang-o minsuw nu wokon lobuw poimaid odoput mian mongusaa'. Ala' nai' muiingol toko yo muimpug mongusaa', so' oilaan toko nu dai yo olaid kologa'an koimbagu ni Tuhan Yisus.

2 Pitrus 2:6

Soko iri ya pudi bandar Sodom om Gomura inukum nu Kinoringan. Rinaag Niyo bandar iiri nu apui, tayon Niyo ong oilaan nu ongo lobuw nu kosiono om so sunduron tu, ong onu koompusan nu lobuw oraai kogoyaan.

2 Pitrus 2:9

Kiawi' nituturan ku sisuna iiri, oilaan toko yo gama' nu Kinoringan monapul nu lobuw kiat so ponginaman mongowaid nu koinginan Niyo, om gama' Niyo pokurung nu lobuw dai mongowaid nu koinginan Niyo, om sonsora'on nu Runat Pongukuman,

2 Pitrus 3:7

Nga langit om wonuo nu kosiono tu, tinatap soko itu nu Kinoringan, su' ompu'on-a Niyo ong ologa' yo Tuhan mongukum nu lobuw oraai, iri dai mongowaid nu koinginan nu Kinoringan.

1 Yuanis 4:17

Bang otoroido yo inawo toko osamod nu Kinoringan, dai toko sono lumaa' tumingkuang so Iyo nu Runat Pongukuman, so' laid toko po so wonuo tu, minsuw toko yo nu kogoyaan ni Kristus.

Yudas 1:6

Om ondomo muyu po ongo susuu'on minoglabi-labi kiat so ontob nu kuasa nitaak nu Kinoringan so nosiro ri, om minulaiw sono kiat so intoronan nosiro om kinogosan nu Kinoringan nu rantai dai owukat, om kinurung so uang otuong musingkologa' nu Runat Pongukuman Niyo so nosiro.

Yudas 1:7

Ondomo muyu yo bandar Sodom om Gomura om bandar so obi' ri. Lobuw so bandar oono minongowaal nu koraayan soko winaal nu ongo susuu'on iiri om sondiang ko ono, gumilat po nosiro. Bandar iiri om lobuw minolak-i inompu' nu apui dai moda' musingkolaid, pongilaan nu kiawi' lobuw nu ukumon soko ono lobuw kikoraayan.