Markus 16:15 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁵ Mutongaro yo Iyo so nosiro nu, “Panou kou yo so pilolongkop nu wonuo tu, paabar nu Abar Owarong kiat so Kinoringan oono so kiawi' lobuw.

Markus 16:15 Iomraidhean Croise

Lagu 22:27

Kiawi' bansa so wonuo tu mongondom nu TUHAN. Lobuw so pilolongkop nu wonuo tu mululi' so TUHAN. Usaa'on Iyo nu kiawi' bansa.

Lagu 96:3

Tuturani muyu yo so ongo bansa kobontugan Niyo no, om gogoma'on Niyo ongo aayo no so kiawi' lobuw.

Lagu 98:3

Notuman-o Niyo janji Niyo ri so nosiro nu dadan somodan Niyo nosiro, om otatap tumabang so nosiro. Nopointolang Kinoringan so kiawi' lobuw Israil so siombo-ombo ya, nu sopulan lobuw songapan Niyo.

Matius 28:19

Indadi, panou kou yo paabar nu tinongaran Ku, su' kiawi' bansa so wonuo tu poimaid so Aku, om diu'on muyu nosiro mongorait nu ngaran nu Amo, ngaran Ku Anak Niyo, om Atod nu Kinoringan.

Markus 13:10

Subai niabar po Abar Owarong oono so kiawi' bansa.

Yuanis 15:16

Okon-a ko kou su minomili' so Aku, nga Aku yo su minomili' so kou, om monuu' so kou mugogoma'on nu owarong, om gogoma'on muyu oono musisinundur. Om soko ono po, taakan kou ni Amo Ku nu onu-onu ya indomoon muyu, iri inindamo muyu so' poimaid kou so Aku.

Yuanis 20:21

Mutongaro po si Yisus nu, “Posonango yo inawo muyu no! Soko si Amo Ku minonuu' so Aku, soko ono ya monuu' Aku so kou,” koo.

Pinongoorapan 1:2

sampai runat kinoindokodan Niyo so surga ri. Dai po nokoindakod Iyo so surga ri, maid nu kuasa nu Atod nu Kinoringan, sinuu' Niyo pinongoorapan Niyo ri potuturan so lobuw wokon suat so Iyo.

Pinongoorapan 1:8

Nga otoop ong oilaan muyu nu bang lumoga' yo Atod nu Kinoringan mogkuasa so kou, taakan kou Niyo nu kuasa mugogoma'on suat so Iyo, om paabar kou sono so lobuw wokon suat so Aku so Yirusalim, so tontong wokon so Yudia, so Samaria, om so pilolongkop nu wonuo tu,” koo.

Ruum 10:18

Kuwai gaam lobuw mutangar nu, “Dai nopoimaid ongo lobuw Yaudi so' dai insan opirongou nosiro Abar Owarong oono,” koo, nga nokorongou-o bo nosiro, so' nokosurat-o so Buuk nu Kinoringan nu, “Nokolongkop-o so wonuo tu tinongaran nosiro, om pontudukan nosiro no nga nokologa' yo so isan nu tana' tu,” koo ri.

Ruum 16:26

Om iri yo po dai po niintolang nu gulu ri, nga niintolang-o sono sobana nu kosiono tu, iri sinurat nu ongo poo'abar. Om mongowaid nu ponuu'an nu Kinoringan, iri miau musingkolaid, abar oono nilombus potuturan so kiawi' bansa su' poimaid nosiro so Iyo om mongowaid nu tinongaran Niyo.

Ipisus 2:17

Ono yo ko' linumoga' si Kristus paabar nu Abar Owarong suat nu kopusulutan toko so Kinoringan, kiat-o so kou lobuw okon ko Yaudi nu gulu ri nokorawu' so Kinoringan, kumoo yo so lobuw Yaudi iri nokorani yo so Kinoringan.

Kulusi 1:23

Indadi, sumundur kou yo poimaid nu kodau obana kiat so Kinoringan, ono yo subai otatap kou poimaid so si Kristus, om sumundur kou yo umarap nu koworongan Niyo, iri norongou muyu so lobuw nopaabar nu Abar Owarong suat so si Yisus Kristus so kou ri. Abar Owarong oono norongou-o nu lobuw suang so siombo-ombo ya, om aku, si Paulus nga nourug-a nu moomugogoma'on polongkop potuturan nu Abar Owarong oono.

Kulusi 1:6

Abar Owarong nokotuduk so kou oono, nokolongkop-o so wonuo tu, om kiat nu ono, muririnuang sono kogoyaan owarong nu lobuw. Om kou nga soko ono ya kiat nu nokorongou om nokoilo kou nu gama' nu Kinoringan osamod so kou.

1 Yuanis 4:14

Nosiou mai yo kondiri Anak nu Kinoringan, om obaran mai kou nu Iyo yo su sinuu' nu Kinoringan Amo sumiliw nu Poowiau nu lobuw so wonuo tu.

Pinointolang 14:6

Nokosiou aku sono nu ido susuu'on wokon mulud-tulud so dilanggau. Minongowit susuu'on oono nu Abar Owarong musingkolaid, nituturan so lobuw so wonuo tu, so kiawi' bansa, solusuk, musosondiang nu tangar, om kiawi' tontong so wonuo tu.