Lukas 7:34 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

³⁴ Kologa' yo sono Aku, Anak nu Riniba, mongokan monginum soko lobuw suang, om tongaron-a nu lobuw nu, ‘Siowi muyu bo, oropuk Iyo om musingowukan. Momokimuuna'-una' Iyo nu moomumpung nu sukai om lobuw wokon kikoraayan,’ koo nosiro.

Lukas 7:34 Iomraidhean Croise

Matius 11:19

Nga nokologa' Aku po, Anak nu Riniba, mongokan monginum Aku soko lobuw suang om tongaron-a nu lobuw nu, ‘Siowi muyu bo, oropuk Iyo mongokan om musingowukan. Moomokimuuna'-una' Iyo nu moomumpung nu sukai om lobuw wokon iri dai mongimaid nu pontudukan nu ugama,’ koo. Soko ono pona, koo'ilo nu Kinoringan kointolang-a nu obana so gogoma'on nu lobuw poimaid so Iyo,” koo si Yisus.

Matius 5:46

Dai kou ya borokatan nu Kinoringan ong ono ya su koluluudan muyu lobuw oluluudan so kou no, so' pudi ong lobuw oraai, iri moomumpung nu sukai, momaal-a soko ono.

Matius 9:11

Nosiou iri nu lobuw Parisi ri, duato yo nosiro mompomaid Niyo ri nu, “Nokuro ka su murung Moomontuduk muyu no mongokan so moomumpung nu sukai om lobuw kikoraayan?” koo.

Lukas 11:37

Nopupus-a si Yisus montuduk, ido koyuwan kiat so puimpugan nu Parisi minongingol so Iyo muli' so waloi niyo ri mongokan. Mindokodo yo si Yisus so waloi oono, om mogomo yo mongokan.

Lukas 14:1

Ido Runat Pongintoronan, minian si Yisus mongokan so waloi nu ido wowaidon nu lobuw Parisi. Mobio yo sono dii si Yisus ido koyuwan pinolowon. Inatag si Yisus monoyinu nu lobuw-i nu momali' ka Iyo nu lobuw morosakit ko' dai.

Lukas 15:2

Minungot sono ongo lobuw Parisi om moomontuduk nu Ukum-i so si Yisus om minutangar nu, “Siowi muyu po bo nga mokimuuna'-una' Iyo nu lobuw oraai, om murung so nosiro mongokan,” koo.

Lukas 19:7

Kiawi' lobuw nokosiou nu iri minongolimut so si Yisus nu, “Nokuro su mintoron lobuw owarong iitu no so waloi nu lobuw oraai?” koo nosiro.

Lukas 5:29

Muromi-romio yo sono si Liwi so waloi niyo ri pinongorumat so si Yisus. Osuang moomumpung nu sukai om lobuw wokon songogoman so nosiro mongokan.

Lukas 7:33

Nokologa' si Yuanis, minupuasa iyo om dai minonginum nu anggur. Minutangar sono lobuw suang nu sinorungan iyo nu moinat.

Lukas 7:35

Soko ono pona, koo'ilo nu Kinoringan kointolang-a nu obana so gogoma'on nu lobuw poimaid so Iyo no,” koo si Yisus.

Lukas 7:36

Ido runat, sinogina si Yisus nu ido lobuw Parisi ingoranan so si Simun, poian so waloi niyo ri pookan. Nokologa' si Yisus so waloi niyo ri, mosuwo yo Iyo om mogomo yo mongokan.

Yuanis 12:2

Pookano yo nosiro si Yisus. Si Marta minomolak om si Lajarus minongurung mongokan.

Yuanis 2:2

Nosogina ya pudi si Yisus om mompomaid Niyo ri.