Lukas 5:29 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

²⁹ Muromi-romio yo sono si Liwi so waloi niyo ri pinongorumat so si Yisus. Osuang moomumpung nu sukai om lobuw wokon songogoman so nosiro mongokan.

Lukas 5:29 Iomraidhean Croise

Matius 11:19

Nga nokologa' Aku po, Anak nu Riniba, mongokan monginum Aku soko lobuw suang om tongaron-a nu lobuw nu, ‘Siowi muyu bo, oropuk Iyo mongokan om musingowukan. Moomokimuuna'-una' Iyo nu moomumpung nu sukai om lobuw wokon iri dai mongimaid nu pontudukan nu ugama,’ koo. Soko ono pona, koo'ilo nu Kinoringan kointolang-a nu obana so gogoma'on nu lobuw poimaid so Iyo,” koo si Yisus.

Matius 5:46

Dai kou ya borokatan nu Kinoringan ong ono ya su koluluudan muyu lobuw oluluudan so kou no, so' pudi ong lobuw oraai, iri moomumpung nu sukai, momaal-a soko ono.

Matius 9:10

Nokologa' yo po si Yisus om kai ongo mompomaid Niyo ri so waloi ku, pookano ku yo sono nosiro. Laid mai mongokan-i, lumogaa yo sono moomumpung nu sukai wokon, om lobuw kikoraayan maid so kai mongokan.

Matius 9:9

Nopupus iri, mulaiwo yo si Yisus so tontong iiri. Nokolombus-lombus-a Iyo, nosiou aku sono Niyo mogom-ogom so ponorima'an ku nu sukai. Ngaran ku yo po si Matius. Tongaro aku yo ni Yisus nu, “Waid-o so aku,” koo. Mundiio aku yo om maido aku yo so Iyo.

Markus 2:15

Nokologa' yo po si Yisus om mompomaid Niyo ri so waloi ni Liwi, pookano yo sono niyo nosiro. Osuang moomumpung nu sukai om wokon lobuw kikoraayan minaid so si Yisus om kosuangan so nosiro songogoman so Iyo om mompomaid Niyo ri mongokan.

Lukas 15:1

Ido runat, osuang lobuw kikoraayan, ono yo moomumpung nu sukai om lobuw dai poimaid nu oturan nu ugama Yaudi linumoga' dii si Yisus mongkinongou nu pontudukan Niyo.

Yuanis 12:2

Pookano yo nosiro si Yisus. Si Marta minomolak om si Lajarus minongurung mongokan.

1 Kurintus 10:27

Bang soginaan kou nu lobuw okon ko poimaid mongokan so waloi niyo, om moingin kou ya, okano muyu ya onu yo po nipolak so kou no. Dai muru' mongoduat po ong siombo kiat nu ookanon oono, su' d'ado pukodong surutan so inawo muyu.