Lukas 12:17 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁷ Momikiro yo sono iyo so inawo nu, ‘D'ado ong itu korumposan nu pinumpung ku tu. Onu gaam itu waalon ku?

Lukas 12:17 Iomraidhean Croise

Matius 16:7

Norongou-o po nosiro tinangar Niyo ri, mutongar-tongaro yo nosiro nu, “Ono yo ko' mutangar Iyo nu soko ono, so' dai toko nokopongowit nu baang-baang,” koo.

Matius 5:42

“Bang mokitaak lobuw nu onu-onu ya so ikau, taaki yo, om bang mongidam lobuw nu onu-onu ya so ikau, poidamo yo,” koo.

Lukas 10:25

Ido runat, kininaman si Yisus nu moomontuduk nu Ukum nu, “Oo Guru, onu ka otoop waalon ku su' kikowiawan aku musingkolaid maid so Kinoringan?” koo.

Lukas 11:41

Nga potaako muyu yo asuw nu pinggan muyu no so lobuw omiskin. Bang soko ono waalon muyu, torima'on kou nai' nu Kinoringan.

Lukas 12:16

Musolig-soligo yo sono si Yisus montuduk nu lobuw suang-i nu, “Ido koyuwan doyaan so' kitana' nu owarong, om dadan osuang pinumpung niyo.

Lukas 12:18

Itu yo su waalon ku. Uyason ku waloi laid ku tu, om momuwaloi aku koimbagu nu maayo po ko' waloi laid ku tu, su' orumpos kiawi' pinumpung nu tonoman om orata' ku no.

Lukas 12:22

Mutongaro yo si Yisus so mompomaid Niyo ri nu, “Mongaabar Aku so kou nu ikod kou yo kigagau suat so ingkookan intawa pokakas muyu.

Lukas 12:29

Ikod kou yo dadan kigagau suat nu okanon inumon muyu.

Lukas 12:33

Wolii yo kiawi' orata' muyu no om toyad-toyado muyu siin-o so lobuw kikosimpitan. Bang waalon muyu ono, soko momaal kou nu poianan nu siin dai musiba', ono yo orata' nitou' so surga, so' dii yo po so surga d'ado yo lobuw monakou, om d'ado yo gagat mongoraag.

Lukas 16:3

Mutongaro yo sono moomogkoilo oono so inawo nu, ‘Onu koo sono gaam gama' ku? Pointoronon aku yo nu tuan ku no. Monangkul nga dai su kaabut, om mokisodaka nga oiyu'an aku ya.

Lukas 16:9

Mutongaro po si Yisus nu, “Rongowo muyu yo! Pokayo muyu yo kokoyaan muyu so wonuo tu modium nu una'-una', su' bang oliongan kou yo nu kokoyaan so wonuo tu, popolakon kou ya so surga musingkolaid.

Lukas 18:22

Norongou-o po ni Yisus sambut nu lobuw iiri, mutongaro yo Iyo nu, “Ido po mupatut waalon mu, ono yo wolii yo kiawi' orata' mu no om toyad-toyado orogo no so lobuw omiskin. Bang waalon mu ono, kikowiawan ko musingkolaid maid so Kinoringan. Owaal mu ono om maid ko nai' so Aku,” koo si Yisus.

Lukas 19:17

Sumombuto yo tuan oono nu, ‘Owarong! Ikau-o su uripon owarong. Pagka opongoorapan ko ya nu oworos, popogkuosaan ku ikau nu opulu bandar,’ koo.

Lukas 3:11

Sumombuto yo si Yuanis nu, “Bang kisabung ko duo, taaki ido no so lobuw d'ado no. Om isai kiookanon boogi'an-o lobuw d'ado ookanon-o,” koo.

Pinongoorapan 16:30

Owito yo sono niyo duo koyuwan iiri lumabus kiat so jiil-i om mutongaro yo nu, “Oo tuan, onu ka otoop goma'on ku su' kikowiawan aku musingkolaid?” koo.

Pinongoorapan 2:37

Norongou-o po iri nu lobuw suang-i, sobana ko noogutan nosiro, soko tobok-tobokon nu pais inawo nosiro ri, om mongoduato yo so si Pitrus om kouna'an niyo ri nu, “Oo su kosusulodan, onu ka su otoop goma'on mai?” koo.

Ruum 12:13

Tobango muyu yo inong toko poimaid kikosimpitan-o, om poindokodo muyu yo isai yo po lumoga' nai so kou no.

1 Timutius 6:17

Oo Timutius, pogoso yo lobuw doyaan, su' dai musingkaayo-ayo om dai umarap nu gonggamon nosiro dai otiru no. Ono ya nga, opatut ong umarap nosiro so Kinoringan, so' Iyo yo su koponukup nu onu-onu ya om dai mawi', su' osudu'an toko sono.

1 Yuanis 3:16

Itu yo koilaan toko ong nokuro su monamod toko nu wokon, ono yo nikomouli' yo ni Kristus koyuwan Niyo matoi suat so toko. Indadi, toko nga subai pokomouli' ya nu koyuwan toko suat so kosusulodan toko.