Lagu 48:1 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹ TUHAN-o su sobana ko obantug om otoop royowon, so bandar songapan nu Kinoringan toko, so timpak nu bulud nitaak so Iyo no.

Lagu 48:1 Iomraidhean Croise

Lagu 145:3

Obantug ong TUHAN om otoop royowon. Koo'ayo Niyo dai oorotian.

Lagu 147:5

Sobana ko obasag om aayo TUHAN toko no. Koo'ilo Niyo d'ado puontoban.

Lagu 2:6

“Dii so Siun, iri bulud nitaak so Aku, pinopangkat Ku raja pinili' Ku,” koo.

Lagu 30:1

Oo TUHAN, royowon ku Ikau so' sinopulan Mu ya aku, om dai Mu ya aku nipogoratak nu alod-alod ku.

Lagu 42:1

Oo su Kinoringan, oimpong aku sobana so Ikau, soko payou koondom sobana nu towud nu sungoi.

Lagu 46:1

Kinoringan-o su mongingolig om kobosagan toko. Dadan kosodia' Iyo monabang ong kikoogutan toko.

Lagu 46:4

Kuwai bowang lumuyu' koowit nu kosudu'an so ongo lobuw so bandar pongusaa'an nu Kinoringan, so tontong pinolakan nu Kinoringan Sobana ko Opangkat.

Lagu 47:8

Mogom-ogom Kinoringan so oogoman Niyo mogkuasa. Mogkuasa Iyo nu ongo bansa.

Lagu 65:1

Oo Kinoringan, otoop nu mongorayou kai so Ikau so Siun, om monuman nu janji mai so Ikau.

Lagu 78:68

Pinili' yo po Niyo nga bansa Yahuda, om Bulud Siun kosomodan Niyo.

Lagu 86:10

Obasag Ko sobana om owarong sobana pinuwaal Mu. Ido-ido Ko ya su Kinoringan.

Lagu 87:1

Minongowangun TUHAN nu bandar Niyo so timpak nu Bulud Siun, iri bulud nitaak so Iyo ri.

Lagu 87:3

Oo su lobuw so bandar polakan nu Kinoringan, rongowo yo kiawi' koworongan pinutangar Niyo suat so ikau nu,

Lagu 96:4

TUHAN-o su aayo, om otoop royowon. Otoop sobana ong kaalib koorumatan Niyo so kiawi' pinokokinoringan.

Lagu 99:9

Royowon-o TUHAN Kinoringan toko, om usaa'on-o Iyo so bulud nitaak so Iyo ri. TUHAN Kinoringan toko no yo su otoop usaa'on nu lobuw.

Matius 24:15

Mutongaro po si Yisus nu, “Kosiou kou kiawi' nu ‘Koobisigan nu Kinoringan’ iri tinangar ni Danil, poo'abar nu Kinoringan gulu ri. Nitou' ono so tontong nu sobana ko dai otoop so iyo, ono yo tontong d'ado koraayan. (Isai su mongobasa', otagon-o itu mongoorati!)

Ibrani 12:22

Nga okon ko soko ono ong lumoga' toko so Kinoringan. Toko yo po nokologa' yo so Bulud Siun om so bandar nu Kinoringan, iri miau musingkolaid, ono yo Yirusalim dii so surga, om nai yo puimpugan nu bolaksa-laksa susuu'on nu Kinoringan.

Pinointolang 19:5

Kuwai yo sono orongou ku bongut kiat so oogoman iiri nu, “Oo su uripon nu Kinoringan om lobuw obinsuut so Kinoringan maayo oworos, royowon-o Iyo!” koo.

Pinointolang 21:2

Om nosiou ku po bandar nu Kinoringan, ono yo Yirusalim Owagu, niuntiba Niyo kiat so surga nu naatag-atag-o soko pongantin woinoi nokopuatag-atag mongimat nu kologa' pongantin kusoi.