Ipisus 1:14 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁴ Atod Niyo oono yo su ponopusan toko nu kaalap toko nu onu yo po nijanji nu Kinoringan nu itaak so inonakan Niyo ong wagu, om polobuson toko Niyo, lobuw songapan Niyo. Royowo toko yo koobantug Niyo.

Ipisus 1:14 Iomraidhean Croise

Lagu 74:2

Ondomo yo lobuw songapan pinili' Mu kiat nu gulu ri, bansa pinolabus Mu kiat so ponguriponan songopanon Mu. Ondomo yo Bulud Siun, iri polak Mu gulu ri.

Lagu 78:54

Inowit sono Niyo lobuw songapan Niyo ri so tana' pinotondiang Niyo, so kobubuludan sinolod Niyo kondiri.

Lukas 21:28

Koduung tumimpuun-o ono, undii om tingaa kou yo, so' oduruk Aku yo lumoga' monapul so kou,” koo si Yisus.

Pinongoorapan 20:28

Pusingipat kou yo om ipati muyu ya lobuw poimaid so si Yisus iri nitaak nu Atod nu Kinoringan so kou nu ipoipat-i, so' nosiliw kou yo nu moongipat so nosiro. Ipati muyu yo nosiro soko mongipat nu dumba, so' sinongapan-o nosiro nu Kinoringan nu kinopotoyan nu Anak Niyo pongolukat so nosiro.

Pinongoorapan 20:32

Kosiono nikomouli' ku kou so Kinoringan su' ipatan kou Niyo, om tumatap kou poimaid nu abar suat so koworongan Niyo. Iyo yo su kikuasa popiot nu koimaidan muyu om monaak so kou nu borakat iri nokosodia' yo suat so lobuw Niyo.

Ruum 8:23

Nga okon ko nosiro ya su mimat-imat, toko nga mimat-imat-a, iri nokotorima' yo nu Atod nu Kinoringan, ono yo ponondu'an nu kuwai po itaak so toko nu Kinoringan ong wagu. Mimat-imat toko nu ono so' moingin toko ong orumaton toko nu Kinoringan ong wagu, om urugon toko nu inonakan Niyo, om taakan toko Niyo nu koyuwan dai matoi.

1 Kurintus 1:30

Kinoringan-o su nopopuido so kou so si Kristus, om si Kristus-o su inungkiaton nu koo'ilo toko. Si Kristus-a su nopopuwarong so toko koimbagu so Kinoringan, minongurug so toko nu dadan maid nu koinginan nu Kinoringan, om polabus so toko kiat so koraayan.

2 Kurintus 1:22

Om sinuu' Niyo Atod Niyo maid-waid so toko ponondu'an nu songapan toko yo Niyo. Om pagka sinuu' Atod Niyo mogkuasa so toko, moingin Iyo ong oilaan toko nu tumanon-a kiawi' nokojanji Niyo so toko ong wagu.

2 Kurintus 5:5

Kinoringan-a su posodia' so toko nu ono, om taakan toko Niyo nu Atod Niyo mogkuasa so toko, su' oilaan toko nu bana-bana ya nu otuman ono.

Galatia 4:6

Pagka inonakan kou yo sono nu Kinoringan, sinuu' Niyo Atod nu Anak Niyo mogkuasa so inawo toko, om koponongAmo toko sono nu Kinoringan.

Ipisus 1:11

Dai po nowangun Niyo wonuo tu, pinili' toko yo nu Kinoringan ourug nu inonakan Niyo, so' kopuido toko so si Kristus. Kiawi' oono tumanon Niyo musuat nu notapus-o Niyo,

Ipisus 1:12

tayon ong kai lobuw Yaudi, iri nokopogulu yo mongaarap nu lumoga' si Kristus, mongorayou so Iyo nu sobana ko obantug.

Ipisus 4:30

Adang-o polunggui nu Atod nu Kinoringan nu gogoma'on muyu, so' nitaak-o Atod oono ponondu'an nu kou yo po inonakan Niyo, om osopulan kou kiat so koraayan muyu.

1 Pitrus 2:9

Nga suat so kou, kou yo su bansa pinili' nu Kinoringan. Kou yo su inurug nu soko puimpugan nu imam mugogoma'on so Kinoringan, Raja toko. Kou yo su puimpugan pinotondiang Niyo suat so Iyo. Kou yo su nosongapan nu Kinoringan. Pinili' kou yo paabar nu waalon Niyo ongo wowarong. Iyo yo su nopolabus so kou kiat so kotuongan om poian so koonawau Niyo, nu dai odapat potarang ong ontob-a nu totongaron.