Galatia 3:18 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁸ So' bang kopuwarong lobuw so Kinoringan ong obinsuut nosiro nu Ukum ni Musa, borakat oono okon-a ko iri nijanji Niyo ri. Nga musuat-a ono so' Kinoringan-o su minongojanji nu borakat oono, om ono yo su nitaak Niyo so si Abraham.

Galatia 3:18 Iomraidhean Croise

Lagu 105:42

Inondom-a Niyo janji Niyo so si Abraham, uripon Niyo ri.

Ruum 8:17

Om pagka inonakan toko Niyo, kotorima' toko nu koworongan nijanji Niyo. Om okon ko ono ya, onu yo po nitaak Niyo so si Kristus, nga nitaak-a so toko, so' bang osonsara' toko nu kosiono tu soko koosonsara' ni Kristus nu laid po so wonuo tu, kowaid toko ya so Iyo orumaton ong wagu.

Galatia 2:21

Dai ku ya pokomaai-maayan koworongan nu Kinoringan so aku. Nga bang kopuwarong lobuw so Kinoringan ong ontob-a nu obinsuut nu Ukum ni Musa, d'ado kosudaan nu kinopotoyan ni Kristus oono!

Galatia 3:10

Iri yo po lobuw monokod nu kopuwarong nosiro nu Kinoringan ong mongowaid nu Ukum ni Musa, ukumon nosiro nu Kinoringan, so' nokosurat-o so Buuk nu Kinoringan nu, “Isai yo po dai obinsuut nu kiawi' Ukum, iri niposurat nu Kinoringan so buuk nu Ukum, ukumon Niyo,” koo ri.

Galatia 3:12

Nga bang mongowaid lobuw nu Ukum ni Musa, dai yo muru' iyo poimaid so Kinoringan, so' nokosurat-o so Buuk nu Kinoringan nu, “Lobuw obinsuut nu kiawi' ponuu'an so Ukum, kikowiawan iyo sono musingkolaid,” koo ri.

Galatia 3:16

Janji nu Kinoringan winaal Niyo nga suat so si Abraham om solusuk niyo. Ado nokosurat so Buuk nu Kinoringan nu, “Om suat so ongo solusuk ni Abraham,” koo, osuang lobuw. Ono-ono ya su nokosurat, “Om suat so solusuk mu,” koo, koorotian ido-ido ya koyuwan, ono yo si Kristus.

Galatia 3:26

Pagka poimaid kou yo so si Yisus Kristus, koido kou yo sono so Iyo, om osiliw kou nu inonakan nu Kinoringan.

Galatia 3:29

Pagka songapan kou yo ni Kristus, solusuk kou ya ni Abraham, om kotorima' kou nu onu yo po nijanji nu Kinoringan.