Galatia 3:16 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁶ Janji nu Kinoringan winaal Niyo nga suat so si Abraham om solusuk niyo. Ado nokosurat so Buuk nu Kinoringan nu, “Om suat so ongo solusuk ni Abraham,” koo, osuang lobuw. Ono-ono ya su nokosurat, “Om suat so solusuk mu,” koo, koorotian ido-ido ya koyuwan, ono yo si Kristus.

Galatia 3:16 Iomraidhean Croise

Pinongurugan 12:3

Borokatan Ku lobuw mongoborakat so ikau. Om sumpaan Ku lobuw monumpa so ikau. Om mokiborakat sono kiawi' bansa so Aku, soko poongoborakat Ku so ikau,” koo.

Pinongurugan 12:7

Mokisiowo yo sono TUHAN so si Abram, om mutongaro yo nu, “Tontong iitu yo su itaak Ku so solusuk mu,” koo. Momaalo yo si Abram nu ranggar dii suat so TUHAN, iri minokisiou so iyo ri.

Pinongurugan 15:5

Owito yo nu TUHAN si Abram lumabus om mutongaro yo nu, “Ponsiou-o so langit, om kinami mongiap korombituon-o. Solusuk mu no muinong kosuang nu korombituon oono ong wagu,” koo.

Pinongurugan 21:12

Nga mutongaro yo Kinoringan so si Abraham nu, “Ikod-o kaagut suat so uripon mu oono om anak niyo no. Waid-o ya tangar ni Sara no, so' solusuk-a ni Isak su bana-bana yo nu solusuk mu.

Pinongurugan 49:10

Si Yahuda yo su kopogkuasa om solusuk niyo no yo su mogkuasa musingkologa' nu ido koyuwan pinili' mogkuasa, om kiawi' bansa mongimaid nu totongaron niyo.

Matius 1:1

Itu yo su daptar nu porookian ni Yisus Kristus, mongkupu ni Raja Daud, iri yo mongkupu ni Abraham.

Lukas 1:55

Oondoman-a Niyo janji Niyo so si Abraham om solusuk niyo ri musingkolaid,” koo si Maria.

Pinongoorapan 3:25

Kou yo su nokaalap nu kiawi' janji nu Kinoringan, iri nituturan nu poo'abar nu Kinoringan gulu ri. Minujanji Kinoringan so aki rumpungan muyu ri si Abraham nu, ‘Kiat so solusuk mu no, kiawi' bansa so wonuo tu oborokatan,’ koo ri.

Ruum 12:5

Soko ono ya pudi toko lobuw poimaid so si Kristus, soko koyuwan Niyo, om toko yo su soko boogian nu koyuwan Niyo. Ido soido so toko mutotabang soko boogian nu koyuwan.

Ruum 4:13

Minongojanji Kinoringan so si Abraham om solusuk niyo nu nosiro yo su kosongapan nu wonuo tu. Minongojanji Kinoringan soko ono, okon ko iri gama' ni Abraham mongowaid nu Ukum ni Musa, nga iri yo koimaidan niyo ri sampai tinorima' iyo nu Kinoringan nu kopuwarong so Iyo.

Ruum 4:16

Indadi, nitaak nu Kinoringan kiawi' nijanji Niyo so lobuw poimaid so Iyo, su' kiat so koworongan Niyo, obana ya nu solusuk toko ni Abraham om kotorima' toko nu nijanji nu Kinoringan. Om okon ko lobuw-a nu Yaudi su kotorima' nu janji oono, nga kiawi' ya lobuw poimaid, so' si Abraham-o su aki rumpungan nu kiawi' lobuw poimaid.

Ruum 9:4

Nosiro yo po solusuk nu Israil. Nosiliw-o nosiro nu inonakan nu Kinoringan om niintolang-o Niyo so nosiro kobontugan Niyo nu owarong sobana. Minongojanji Iyo nu oborokatan nosiro, tinaakan nosiro nu Ukum, om tinudukan-o Niyo nosiro nu poongusaa' so Iyo nu musuat. Om osuang po janji Niyo so nosiro.

1 Kurintus 12:12

Si Kristus-o po soko ido koyuwan nu osuang boogian. Osuang pona boogian, nga ido yo koyuwan.

1 Kurintus 12:27

Nadi, kou yo soko koyuwan ni Kristus, om ido soido so kou nga boogian nu koyuwan oono.

2 Kurintus 11:22

Mutangar nosiro nu nosiro yo po lobuw pinili' nu Kinoringan so' bansa nosiro Yaudi, solusuk nosiro nu lobuw Israil, om mongkupu ni Abraham. Aku nga solusuk-a nu lobuw Israil, om mongkupu ya ni Abraham.

Galatia 3:19

Bang soko ono, onu ka tomod nu Kinoringan monaak nu Ukum ni Musa ong taakan toko ya nu kowiawan kiat so janji Niyo? Tomod-o po Niyo monaak nu Ukum oono, nga pokoilo so lobuw nu kikoraayan nosiro. Ukum iiri kikosudaan musingkologa' nu ido koyuwan solusuk ni Abraham, iri notangar so janji nu Kinoringan so si Abraham. Om Ukum-o po iiri pinolombus nu susuu'on so si Musa, so' iyo yo su poolombus nu tinongaran nu Kinoringan so ongo lobuw Israil.

Galatia 3:8

Nokosurat-o nu gulu ri so Buuk nu Kinoringan nu, “Kopuwarong lobuw okon ko Yaudi so Kinoringan ong poimaid nosiro so Iyo,” koo ri. Iri yo ko' inobaran laid nu Kinoringan si Abraham nu Abar Owarong nu, “Pokayon Ku ikau mongoborakat nu kiawi' bansa so wonuo tu,” koo ri.

Ipisus 5:32

Kiat nu ono pointolang Kinoringan nu ido pontudukan dai oorotian nu lobuw, om boyo-boyoon ku si Kristus-o om lobuw songapan Niyo su kuanon nu ono.

Kulusi 2:19

Om dai yo sono iyo potuduk nu pontudukan obana suat so si Kristus, iri wowaidon nu lobuw poimaid nosongapan nu Kinoringan. Soko koyuwan nu lobuw pinoputanong su ongo uat om puungolan, soko ono yo popuido si Kristus nu lobuw songapan Niyo om miau sono nosiro musuat so koinginan nu Kinoringan.

Kulusi 3:11

Pagka soko ono, d'ado yo sono pusondiangan lobuw okon ko Yaudi om lobuw Yaudi. D'ado yo sono pusondiangan nu lobuw nosunatan om dai nosunatan. Muinong-a lobuw noboguru' om lobuw dai noboguru', uripon om okon ko uripon. Suat so toko lobuw ingwoguon nu Kinoringan, ido-ido ya si Yisus Kristus su oogot.