2 Timutius 4:17 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁷ Soko iri pona, waid-waidon aku ya nu Tuhan monaak nu kobosagan, om nokoponuturan aku sono nu Abar Owarong so lobuw okon ko Yaudi. Iyo ya su nopolabus s'aku kiat so poomatoi.

2 Timutius 4:17 Iomraidhean Croise

Lagu 109:31

so' tinapan-a Niyo lobuw osonsara', om sinopulan Niyo nosiro kiat so lobuw mongukum so nosiro nu potoyon.

Lagu 22:21

Sopuli aku yo kiat so nosiro oono, iri soko kulos-kulos ongo rorongit. D'ado orapan ku so tiningkuangon nosiro no.

Pontudukan 20:2

Koo'ungot nu raja soko pongogarom nu singa. Isai poungot so iyo moingin matoi.

Pontudukan 28:15

Lobuw oraai mogkuasa nu lobuw omiskin, soko singa mongogarom intawa boluot mokipoponampo.

Matius 10:19

Bang owiton kou so poongobisora'an, ikod kou yo kigagau ong onu tongaron muyu. Tudukan kou ya nu ono ong ologa' yo putongaran muyu,

Lukas 1:1

Oo sulod ku Tiupilus, aku yo si Lukas monurat nu itu so ikau. Osuang-o lobuw nokoponurat nu tuturan suat so si Yisus om kiawi' winaal Niyo ri tuui so toko.

Lukas 21:15

so' Aku ya su montuduk so kou nu isambut muyu, su' d'ado ido ya nu alod-alod muyu kopongodoog so kou, om d'ado ido kosambut nu totongaron muyu no.

Pinongoorapan 23:11

Awi ri, minintolang sono si Tuhan Yisus so obi' ni Paulus om minutangar nu, “Pototapo yo inawo mu no. Nokaabar mu yo abar suat so Aku tuui so Yirusalim, om subai iabar mu ya ono pudi so Ruum,” koo.

Pinongoorapan 9:15

Nga mutongaro yo Tuhan so iyo nu, “Panou-a, so' pinili' Ku yo iyo mugogoma'on paabar suat so Aku so ongo bansa okon ko Yaudi, ongo raja om so lobuw Israil ono yo lobuw Yaudi.

Ruum 15:31

su' dai aku okomon nu lobuw dai poimaid dii so Yudia orani so Yirusalim, om pogdu'a kou ya su' osudu'an lobuw poimaid dii so Yirusalim nu siin niapit ku no.

2 Kurintus 12:9

Nga, sinumambut nai' Iyo nu, “Monabang aku so ikau su' kotaan ko, om muuma' ko yo nu ono so' bang dai ko kopomaal nu onu-onu ya, kointolang sono nu obasag po kuasa Ku suat so ikau,” koo. Ono yo ko', moingin aku po mongondos nu dai aku kopomaal kondiri nu onu-onu ya, su' pobosagon aku sono nu kuasa ni Kristus mongingolig so aku.

Ipisus 3:8

Aku yo su sobana ko d'ado kosudaan om d'ado kinoinong-inongan so lobuw wokon songapan nu Kinoringan. Soko ono pona, pinongoorapan aku ya nu Kinoringan nu gogoma'on paabar nu Abar Owarong so lobuw okon ko Yaudi, suat nu koowarong ni Kristus nu d'ado ontob, iri otorima' toko ong poimaid toko so Iyo ri.

1 Timutius 1:12

Mongunsopot aku so si Tuhan Yisus Kristus so' pinobasag aku Niyo mugogoma'on suat so Iyo, om tinokod-o Niyo nu otoop aku mugogoma'on suat so Iyo, om ono yo ko' pinili' aku Niyo nu uripon Niyo.

2 Timutius 2:1

Oo anak ku Timutius, kooku' ko yo posundur nu gogoma'on mu nu wowaidon, so' iri yo borakat nu Kinoringan kiat dii si Yisus Kristus su pooku' so ikau.

2 Timutius 2:9

Om ono yo pinonuturanan ku nu Abar Owarong oono su kinosonsora'an ku, sampai nokogosan nu rantai soko bana lobuw raai aku. Nga soko ono pona, d'ado ido ya koponginkoyod potuturan nu tinongaran nu Kinoringan.

2 Timutius 3:11

Ikau-o kondiri nokosiou nu kosusaan om kosonsora'an ku. Noilaan mu yo poongindoraai so aku dii so bandar Antiukia, so Ikunium om so Listra, nga sinopulan aku ya nu Tuhan kiat so kiawi' oono.

2 Timutius 4:5

Nga ikau-o po Timutius, kodosi ya inawo mu no, om taani ya onu yo po kosusaan, om sundur-o potuturan nu Abar Owarong so lobuw dai po nokorongou, om gomaa yo kowarong-warong gogoma'on mu soko uripon nu Kinoringan.

Titus 1:3

Iya nu notatap-o laid Niyo, niintolang-o Niyo so aku janji oono, ono yo si Yisus Kristus. Om ono yo su nipongaarap om nisuu' so aku nu Kinoringan, Poowiau so toko, polombus so ongo lobuw.

Ibrani 11:33

Pagka kikoimaidan nosiro, kuwai so nosiro nokopongodoog nu pogkuosaan nu raja so wonuo wokon, om nokopogkuasa sono nu ooluk. Om kuwai ya so nosiro nokotorima' nu nijanji nu Kinoringan so nosiro ri, om kuwai ya so nosiro nokoponuyu' nu singa nga dai nopatoi.

1 Pitrus 5:8

Mingat-ingat om kodosi muyu yo! Wowaidon nu Moinat oono yo alod-alod muyu. Mompanou iyo dii-tuui modium nu lobuw poimaid mongusiba' nu koimaidan nosiro, soko ingongansad witilon marom-garom modium nu kulos-kulos tompaan.

2 Pitrus 2:9

Kiawi' nituturan ku sisuna iiri, oilaan toko yo gama' nu Kinoringan monapul nu lobuw kiat so ponginaman mongowaid nu koinginan Niyo, om gama' Niyo pokurung nu lobuw dai mongowaid nu koinginan Niyo, om sonsora'on nu Runat Pongukuman,