2 Pitrus 2:12 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹² Nga moomontuduk owudut oono soko kulos-kulos orongit. Ono yo po kulos-kulos-o, d'ado pikiran om ono-ono ya su kosudaan so nosiro okomon om potoyon nu lobuw. Soko ono ya pudi moomontuduk owudut oono, d'ado pikiran nosiro om songkotangar-a. Mugogoma'on nosiro mongowaid nu koinginan kondiri om sumongkiwal nu onu yo po dai oorotian nosiro maid nu totongaron oraai. Pagka soko ono, oraag nosiro nu kogoyaan oraai oono, soko kulos-kulos orongit.

2 Pitrus 2:12 Iomraidhean Croise

Lagu 49:10

Noilaan-o nu kiawi' lobuw nu, kinomuro pona koilo nu lobuw tu nga matoi-a. Lobuw olowong om d'ado oilo-ilaan nga matoi-a. Koogol-a kiawi' orata' nosiro so sokag nosiro no.

Lagu 92:6

Lobuw olowong dai koilo, om lobuw oipak pikiran dai koorati nu itu, ono yo

Lagu 94:8

Oo su ongo bansa ku, otago muyu yo mongiro-kiro om adang-o olowong soko nosiro.

Pontudukan 14:32

Lobuw oraai opatoi nu gogoma'on niyo oraai, nga lobuw owarong miau om kuwai pokiingoligan ong matoi iyo.

Markus 7:22

lumapa', moinsolon, rumoraayan so lobuw, oropuk, mokimurindi, odouraka, musingkaaku-aku om olowong.

Yuanis 8:21

Mutongaro po si Yisus so nosiro nu, “Olaiwan Ku kou om diumon muyu sono Aku. Nga, matoi kou so koraayan muyu, om dai kou kologa' so ianan Ku no,” koo.

Galatia 6:8

Soko ono ya pudi lobuw mugogoma'on mongowaid nu kogoyaan niyo kondiri, koompusan kopotoyan. Nga bang dadan iyo mongowaid nu ponuu'an nu Atod nu Kinoringan, taakan iyo nu kowiawan musingkolaid kiat so Atod oono.

Kulusi 2:22

Adang kou yo mingkoyod momakai nu onu ya, so' koinginan nu Kinoringan pokayon muyu kiawi'. Om adang-o maid nu oturan intawa pontudukan nosiro, so' ono yo po ombo yo nu oturan om pontudukan winaal-waal nu lobuw.

2 Pitrus 1:4

Ono yo su gama' nu Kinoringan monaak so toko nu borakat sobana ko owarong, iri nijanji yo Niyo laid-i. Waalon Niyo soko ono tayon Niyo ong koidu' kou kiat so kiawi' koinginan sobana ko oraai om kopongoraag so wonuo tu, om koinsuw kou sono nu kogoyaan nu Kinoringan.

2 Pitrus 2:19

Mongojanji moomontuduk owudut oono so ongo lobuw nu, kodapat nosiro miau mongowaid nu koinginan kondiri, ampa nosiro kondiri nouripon nu ongo gogoma'on oraai kototoman, iri mongowit so nosiro so kopotoyan, so' onu yo po mongodoog nu lobuw, ono yo su monguripon nu lobuw oono.

Yudas 1:10

Nga moomontuduk owudut oono pokoraai nu susuu'on nu Kinoringan iri dai nosiro oorotian, om soko bana kulos-kulos nosiro, d'ado oilo-ilaan, so' ono-ono ya su oilaan nosiro mongowaid nu koinginan nu inawo kondiri, om ono yo su koraag so nosiro.