2 Kurintus 3:5 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁵ Okon ko kai kondiri kopomaal nu ono, nga maid nu kuasa nu Kinoringan so kowiawan mai.

2 Kurintus 3:5 Iomraidhean Croise

Pinongurugan 41:16

Sumombuto yo si Yusup nu, “Dai ya ong aku su oilo. Kinoringan-o su oilo poorati nu osuat,” koo.

Lukas 21:15

so' Aku ya su montuduk so kou nu isambut muyu, su' d'ado ido ya nu alod-alod muyu kopongodoog so kou, om d'ado ido kosambut nu totongaron muyu no.

Lukas 24:49

Om aku yo su pologa' tuui so kou nu Atod nu Kinoringan, iri nijanji ni Amo Ku so kou ri. Nga subai indadan muyu po so Yirusalim tu nu kuosaan kou nu Atod nu Kinoringan nitaak Niyo so kou no,” koo si Yisus.

Yuanis 15:5

Aku yo soko puun nu anggur, om kou yo su soko raan. Isai tumotog mido so Aku, lobuw oono osuang kogoyaan nu otoop, soko raan osampuw bua', so' bang d'ado Aku, dai kou kopomaal nu onu-onu ya kikosudaan.

Ruum 15:18

So' dai su kooku' mutangar nu onu yo po, sondiang ko onu yo po niarap ni Kristus nu nipogama' so aku no, ono yo montuduk nu ongo lobuw okon ko Yaudi nu gama' mongowaid nu tinongaran nu Kinoringan. Totongaron om gogoma'on ku no yo su pontuduk ku so nosiro popongowaid nu tinongaran nu Kinoringan,

1 Kurintus 15:10

Nga pagka owarong sobana Kinoringan so aku, siniliw aku ya Niyo nu poimaid so Iyo om pinongoorapan Niyo. Om sobana ko kikoompusan koworongan Niyo oono. Tanda' nu ono, mogkari'-kari' aku po mugogoma'on ko' pinongoorapan wokon. Om ono yo po okon ko pinogkori'-kori'an ku, nga ponobangon nu Kinoringan, minonamod so aku ri.

1 Kurintus 3:10

Maid nu koo'ilo nitaak nu Kinoringan so aku, aku yo su togna minontuduk so kou nu abar nu Kinoringan, soko moomuwaloi powansuk nu pasok, impuunon nu waloi. Om lobuw wokon sumundur montuduk so kou, soko lobuw moningompus momaal nu waloi oono. Isai-isai ya subai mongiro-kiro ong onu koo iyo montuduk, soko mongiro-kiro ong onu koo momaal nu waloi oono.

1 Kurintus 3:6

Aku yo su soko populo, om si Apulus soko monuntug nu sungoi, nga Kinoringan-o su potuu' nu ono.

2 Kurintus 12:9

Nga, sinumambut nai' Iyo nu, “Monabang aku so ikau su' kotaan ko, om muuma' ko yo nu ono so' bang dai ko kopomaal nu onu-onu ya, kointolang sono nu obasag po kuasa Ku suat so ikau,” koo. Ono yo ko', moingin aku po mongondos nu dai aku kopomaal kondiri nu onu-onu ya, su' pobosagon aku sono nu kuasa ni Kristus mongingolig so aku.

2 Kurintus 4:7

Nga kai yo po iitu koinong-inong nu montaya dokuton winaal, nu kiorata' boorogo tuui so kai, ono yo koilaan mai nu Abar Owarong kiat so si Kristus. Om pinongoorapan kai nu Kinoringan potuturan nu Abar Owarong oono, su' bang poimaid lobuw nu ono, oilaan nu lobuw wokon nu gogoma'on mai oono maid so kuasa nu Kinoringan, om okon ko kai kondiri.

Pilipi 2:13

so' Iyo yo su mugogoma'on so kowiawan muyu, sampai olila' kou mugogoma'on nu koinsanang nu inawo Niyo.

Pilipi 4:13

Maid nu kuasa nitaak ni Kristus so aku, kogoos aku sono moningkuang nu onu-onu ya ololagan ku.

2 Timutius 2:2

Om onu yo po norongou mu kiat so aku nu laid ku montuduk so lobuw suang-i, polombuso yo potuduk so lobuw wokon opongoorapan mu, om oilo potuduk nu ono.

Yakubus 1:17

so' kiawi' nitaak nu owarong om odia owarong sobana no kiat-a so surga, nitaak nu Kinoringan, iri minomaal nu kiawi' mongonawau so langit. Iyo yo Kinoringan dai mupinda-pinda.