2 Kurintus 12:9 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁹ Nga, sinumambut nai' Iyo nu, “Monabang aku so ikau su' kotaan ko, om muuma' ko yo nu ono so' bang dai ko kopomaal nu onu-onu ya, kointolang sono nu obasag po kuasa Ku suat so ikau,” koo. Ono yo ko', moingin aku po mongondos nu dai aku kopomaal kondiri nu onu-onu ya, su' pobosagon aku sono nu kuasa ni Kristus mongingolig so aku.

2 Kurintus 12:9 Iomraidhean Croise

Lagu 8:2

Ongo lolaing oworos po om iri tumiti' po tinudukan Mu yo mongorayou so Ikau, om rorayou oono yo su poodog nu alod-alod Mu mokimulawan so aku ri.

Matius 28:18

Mobio yo sono si Yisus dii so nosiro om mutongaro yo nu, “Tinaakan Aku nu kopogboya'an nu onu-onu ya so riniba tu om so surga.

Matius 28:20

Tuduki muyu yo nosiro momaal nu niongosuu' Ku so kou ri, om ondomo muyu yo nu maid-waid Aku so kou musingkologa' nu pongoowi'an nu wonuo tu,” koo si Yisus.

Lukas 21:15

so' Aku ya su montuduk so kou nu isambut muyu, su' d'ado ido ya nu alod-alod muyu kopongodoog so kou, om d'ado ido kosambut nu totongaron muyu no.

1 Kurintus 10:13

Bang kinaman kou mokipopomaal nu oraai, ondomo muyu yo nu ono yo po noirosaan-a nu lobuw wokon nu gulu ri. Nga opongoorapan ong Kinoringan. Dai kou ya posimaidan Niyo kinaman nu dai ogoosan muyu. Nga iya nu kinaman kou, taakan kou ya nu kobosagan, su' dai kou kopomaal nu koraayan.

1 Kurintus 15:10

Nga pagka owarong sobana Kinoringan so aku, siniliw aku ya Niyo nu poimaid so Iyo om pinongoorapan Niyo. Om sobana ko kikoompusan koworongan Niyo oono. Tanda' nu ono, mogkari'-kari' aku po mugogoma'on ko' pinongoorapan wokon. Om ono yo po okon ko pinogkori'-kori'an ku, nga ponobangon nu Kinoringan, minonamod so aku ri.

1 Kurintus 2:3

Laid ku po mido-ido so kou ri, okugui om mikip-kikip aku lumaa'.

1 Kurintus 2:5

Winaal ku soko ono, tayon ku ong poimaid kou nu kuasa nu Kinoringan, om okon ko koo'ilo nu lobuw.

2 Kurintus 11:30

Dai su moingin mongondos, nga bang ologos-o, mongondos aku ya, onu ko po suat so kosonsora'an nololagan ku, so' aku kondiri dai kopomaal nu onu-onu ya.

2 Kurintus 12:1

D'ado ya nai' kosudaan nu musingondos-o, nga opatut aku ya monuturan so kou nu nosorou om niintolang nu Tuhan so aku ri.

2 Kurintus 12:10

Indadi, ono yo ko' sumudu'an aku nu dai aku kopomaal nu onu-onu ya, om sindoraayon nu lobuw, om osuang kosusaan om koogutan ku maid so si Kristus. So' oilaan ku nu bang dai su kopomaal nu onu-onu ya, iya yo oono pobosagon aku nu Kinoringan.

2 Kurintus 12:15

Osanang bana inawo ku ong koponaak aku nu onu yo po koponabang so kou, nokuro ong matoi aku. Nga pudi pona osamod aku so kou, soko dai kou ya osamod so aku.

2 Kurintus 12:5

Om aku yo, si Paulus su kuanon ku nu nokosiou nu niposiou oono. Om opatut nu mongondos aku nu ono, nga dai ya su musingondos nu ono. Ono-ono ya su pongondosan ku pointolang nu kookugui ku no, ono yo kosonsora'an nololagan ku no.

Ipisus 3:16

Om mindamo aku so Kinoringan, su' monuu' nu Atod Niyo pobasag nu inawo muyu,

Pilipi 4:13

Maid nu kuasa nitaak ni Kristus so aku, kogoos aku sono moningkuang nu onu-onu ya ololagan ku.

Kulusi 1:11

Mindamo kai ya so Kinoringan su' popioton Niyo koimaidan muyu nu kuasa maayo Niyo, om kotaan kou sono mongirasa nu kosonsora'an. Maid nu osudu'an, pongunsopot kou yo so Kinoringan, Amo, iri nopotoop so toko koompit nu onu-onu ya nijanji Niyo so ongo lobuw songapan Niyo so Pogkuosaan Niyo so surga, iri polak Niyo kibinaang-i.

1 Timutius 1:14

Sobana ko sinomodan aku ni Tuhan Yisus Kristus, nu nopoimaid aku sono so Iyo, om osamod aku so sondad una'. Soko ono ya gama' nu Kinoringan so kiawi' lobuw kopuido yo so si Yisus Kristus.

Ibrani 11:34

Kuwai so nosiro nisubo so apui, nga dai ya noompu', om kuwai ya so nosiro dai nopatoi nu alod-alod nosiro. Kuwai ya so nosiro okugui, nga obasag sono so' kikoimaidan nosiro. Om kuwai nu sobana ko opogi, sampai kopongodoog nu ongo soujar kiat so wonuo sondiang.

Ibrani 4:16

Ono yo ko', adang toko yo maa'-laa' mogdu'a so Kinoringan, iri obingluluud nu lobuw mokiponobangon so Iyo. Om iya nu osimpitan toko, oluluudan-a Iyo so toko om tobangon toko ya Niyo.