1 Yuanis 2:25 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

²⁵ Itu yo su nijanji ni Kristus kondiri so toko, ono yo kowiawan musingkolaid.

1 Yuanis 2:25 Iomraidhean Croise

Lukas 18:30

lobuw oono kaalap nu osuang po ko' ono nu ono sono tu, om bang ologa' Runat Pongukuman, kikowiawan iyo musingkolaid maid so Kinoringan,” koo si Yisus.

Yuanis 10:28

Taakan Ku nosiro nu kowiawan musingkolaid, om dai yo sono matoi orawu' so Kinoringan musingkolaid. Om ado yo koponolod so nosiro ungkiat so pogkuosaan Ku.

Yuanis 12:50

Om oilaan Ku yo nu kiawi' nisuu' Niyo koponaak nu kowiawan musingkolaid. Ono yo ko' ombo yo po nikodau ni Amo so Aku no, ono yo su nituturan Ku so kou,” koo si Yisus.

Yuanis 3:15

Waalon soko ono tayon ong kiawi' lobuw poimaid so Aku no otaakan nu kowiawan musingkolaid.

Yuanis 5:39

Om ido po kointolangan suat so Aku, ono yo Buuk nu Kinoringan. Moguru' kou nu Buuk oono so' ponontaman muyu nu kiat nu ono kikowiawan kou musingkolaid. Nga pudi pona pointolang Buuk oono suat so Aku,

Yuanis 6:27

Ikod kou yo pogkari'-kari' modium nu ingkookan nu osikap-a munos, nga pogkari'-kari' kou yo modium nu ingkookan dai munos om koponaak nu kowiawan obana om musingkolaid. Aku, Anak nu Riniba su monaak nu ingkookan oono so kou, so' tinaakan Aku nu Kinoringan nu kuasa monaak nu kowiawan oono,” koo.

Yuanis 6:40

Koinginan-o po ni Amo Ku, kiawi' lobuw poimaid so Aku taakan nu kowiawan musingkolaid, om luli'an Ku nosiro ong pongoowi'an-o nu wonuo tu,” koo.

Yuanis 6:47

Bana ya tongaron ku iitu nu, isai poimaid, taakan nu kowiawan musingkolaid.

Yuanis 6:54

Isai mongokan nu onsi nu koyuwan Ku om monginum nu raa' Ku no, taakan nu kowiawan musingkolaid, om luli'an Ku iyo ong pongoowi'an-o nu wonuo tu,

Yuanis 6:68

Sumombuto yo si Simun Pitrus nu, “Oo Tuhan, isai po ka otoop waidon mai? Tinongaran Mu no yo su monaak nu kowiawan musingkolaid.

Ruum 2:7

Iri yo po lobuw sumundur momaal nu owarong, so' dadan umarap nosiro nu royowon om orumaton nu Kinoringan ong wagu om kaalap nu kowiawan musingkolaid so surga.

Ruum 5:21

Indadi, dai toko kopongowaid nu kiawi' ponuu'an nu Ukum ni Musa, om matoi toko sono. Nga pagka osamod Kinoringan so toko, nopointolang Iyo nu koworongan Niyo tayon Niyo ong kopuwarong toko so Iyo, om taakan toko nu kowiawan musingkolaid kiat dii si Yisus Kristus, Tuhan toko.

Ruum 6:23

Bang kuwai lobuw pokomouli' nu kowiawan niyo sampai kuosaan iyo nu oraai, koompusan kopotoyan orawu' so Kinoringan musingkolaid. Nga ong lobuw poimaid so si Yisus Kristus, Tuhan toko, taakan nu Kinoringan nu kowiawan musingkolaid maid so Iyo.

Galatia 6:8

Soko ono ya pudi lobuw mugogoma'on mongowaid nu kogoyaan niyo kondiri, koompusan kopotoyan. Nga bang dadan iyo mongowaid nu ponuu'an nu Atod nu Kinoringan, taakan iyo nu kowiawan musingkolaid kiat so Atod oono.

1 Timutius 1:16

Nga pagka osuang sobana koraayan ku, ono yo ko' linuluudan aku nu Kinoringan, tayon Niyo ong kointolang so lobuw kootaan nu inawo ni Yisus Kristus, mongidu' nu koraayan suang ku ri. Winaal Niyo soko ono tayon Niyo ong ourug aku nu insuwon nu lobuw moingin poimaid so Iyo ong wagu, om kikowiawan sono nu obana om musingkolaid.

1 Timutius 6:12

Soko lobuw muimbas mundak mokimomanang su' kaalap nu odia, soko ono ya pogkari'-kari' yo miau mongimaid bana so si Kristus, su' kikowiawan ko musingkolaid, so' ono yo su kinopomaawan nu Kinoringan so ikau poimaid so Iyo, iya nu nopaabar ko nu poimaid so si Kristus so tiningkuangon nu lobuw.

1 Timutius 6:19

Bang soko ono waalon nosiro, soko mongimpug nosiro nu gonggamon kiorogo, om ourug ono nu impuunon nu kowiawan nosiro so surga, om kikowiawan sono nosiro musingkolaid maid so Kinoringan.

Titus 1:2

Kiat so pontudukan obana oono, umarap toko sono nu miau toko musingkolaid, so' ono yo su nijanji nu Kinoringan nu dai po nowaal wonuo tu ri, om dai momudut ong Kinoringan.

Titus 3:7

Pagka osamod Iyo so toko, winaal Niyo soko ono, tayon ong kopuwarong toko koimbagu so Kinoringan om kikowiawan toko musingkolaid, iri orap-orapon toko ri.

1 Yuanis 1:2

Nokointolang-o Iyo so wonuo tu om nosiou mai yo. Ono yo ko' niabar mai so kou suat so si Kristus. Om Iyo yo su Tinongaran kowiau musingkolaid, nokoido so Kinoringan, Amo Niyo om nokointolang-o tuui so toko.

1 Yuanis 5:20

Om noilaan toko nu nokologa' yo Anak nu Kinoringan poorati so toko, su' kotondu' toko nu Kinoringan obana. Nokoido yo kowiawan toko so Iyo om nokoido toko yo so Anak Niyo si Yisus Kristus. Iyo yo su Kinoringan obana, om Iyo yo su impuunon nu kowiawan musingkolaid.

Yudas 1:21

Sundur kou yo miau maid so samod nu Kinoringan nu laid muyu mongimat nu kologa'an ni Yisus Kristus, Tuhan toko, iri monaak so kou nu kowiawan musingkolaid-i.