1 Timutius 1:1 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

^1-2 Surat iitu kiat so aku, si Paulus, pinongoorapan ni Kristus mongowaid nu koinginan nu Kinoringan, iri Poowiau so toko, om si Yisus Kristus, iri orap-orapon toko ri. Iloga' ku surat iitu so ikau, Timutius, pinokaanak ku sobana so' muido koimaidan to so si Kristus. Mindamo aku so Kinoringan, Amo toko, om Tuhan toko si Yisus Kristus su' d'ado pupus mongoborakat so ikau, oluluudan so ikau, om posanang nu inawo mu no.

1 Timutius 1:1 Iomraidhean Croise

Lagu 106:21

Linupaan nosiro Kinoringan minonapul so nosiro, iri minomaal nu obantug dii so Masir.

Lukas 1:47

Osanang inawo ku no nu minonaak Kinoringan nu kowiawan so aku.

Lukas 2:11

Awi tu opuanak ido Raja so Baitlahim, iri paawon nu bandar ni Raja Daud silaid-i. Iyo yo Raja Nijanji nu Kinoringan, Tuhan toko, koponapul nu ongo lobuw.

Pinongoorapan 9:15

Nga mutongaro yo Tuhan so iyo nu, “Panou-a, so' pinili' Ku yo iyo mugogoma'on paabar suat so Aku so ongo bansa okon ko Yaudi, ongo raja om so lobuw Israil ono yo lobuw Yaudi.

Ruum 1:1

Oo su kosusulodan minolak so bandar Ruum, iri kosomodan nu Kinoringan om pinaau Niyo sumiliw nu lobuw songapan Niyo. Aku, si Paulus poowit nu surat iitu nai so kou. Aku yo po uripon ni Yisus Kristus, om pinili' aku yo nu Kinoringan ourug nu pinongoorapan potuturan nu Abar Owarong kiat so Iyo.

1 Kurintus 1:1

Surat iitu kiat so aku, si Paulus, iri pinili' nu Kinoringan sumiliw nu pinongoorapan ni Yisus Kristus, musuat nu koinginan Niyo, om kiat so sulod toko si Sustinis.

1 Kurintus 9:17

Bang aku su minindamo nu gogoma'on oono, opatut nu mokigaji aku. Nga ono yo su nisuu' so aku nu Kinoringan, om niarap-o Niyo nu aku yo su pootuturan nu Abar Owarong oono.

2 Kurintus 1:1

Surat-o po iitu kiat so aku, si Paulus, iri pinili' nu Kinoringan sumiliw nu pinongoorapan ni Yisus Kristus. Kai duo si Timutius sulod toko, pologa' nu surat iitu no nai so kou, lobuw nosongapan nu Kinoringan so Kurintus om so wonuo Akaya.

Galatia 1:1

Oo su kosusulodan ku inong poimaid so wonuo nu Galatia, itu yo surat kiat so aku si Paulus, niloga' ku nai so kou. Aku om kiawi' kosusulodan inong poimaid tuui mindamo so Kinoringan Amo toko om si Yisus Kristus Tuhan toko, su' d'ado ya pupus mongoborakat om posanang nu inawo muyu. Aku yo po pinaau sumiliw nu pinongoorapan ni Yisus. Nga okon-a ko lobuw su inungkiaton nu kopogboya'an ku oono, om okon-a ko lobuw su minomili' so aku, nga si Yisus Kristus om Kinoringan, iri minongoluli' so si Yisus Kristus kiat so pinotoyan su minomili' so aku.

Galatia 1:11

Moingin aku ong oilaan muyu nu, okon-a ko winaal-waal nu lobuw Abar Owarong suat so si Yisus nituturan ku oono.

Kulusi 1:27

Om tinantu yo Niyo nu pointolangon orati nu tinongaran oono so lobuw okon ko Yaudi, ono yo mido-ido si Kristus so kou, indadi, kaarap kou nu taakan-a nu kobontugan nu Kinoringan.

2 Tisalunika 2:16

Osamod Kinoringan Amo so toko om pagka owarong Iyo, polulut Iyo so toko umarap nu onu yo po owarong. Muda-mudaan ong si Tuhan Yisus Kristus om Amo toko oono monginsosamod om pobasag so kou su' dadan kou mugogoma'on om paabar nu onu yo po owarong.

1 Timutius 1:12

Mongunsopot aku so si Tuhan Yisus Kristus so' pinobasag aku Niyo mugogoma'on suat so Iyo, om tinokod-o Niyo nu otoop aku mugogoma'on suat so Iyo, om ono yo ko' pinili' aku Niyo nu uripon Niyo.

1 Timutius 2:3

so' ono yo su owarong om kosanang nu inawo nu Kinoringan, iri Poowiau so toko ri.

1 Timutius 2:7

Ono yo ko' pinili' aku nu Kinoringan ourug nu pinongoorapan, om sinuu' aku Niyo montuduk nu kodau oono. Kiawi' tinangar ku oono bana ya. Pinili' aku Niyo tayon ong mian aku montuduk so lobuw okon ko Yaudi om poimaid nosiro sono nu pontudukan oono.

1 Timutius 4:10

Ono yo su tomod to mogkari'-kari' potuturan nu Abar Owarong, umarap Kinoringan, iri miau, so' Iyo yo su Poowiau nu kiawi' lobuw, gulu po lobuw poimaid so Iyo.

Titus 1:3

Iya nu notatap-o laid Niyo, niintolang-o Niyo so aku janji oono, ono yo si Yisus Kristus. Om ono yo su nipongaarap om nisuu' so aku nu Kinoringan, Poowiau so toko, polombus so ongo lobuw.

Titus 2:10

intawa monakou, ala' nai' opatong om ototog. Bang dadan soko ono, oilaan sono nu lobuw wokon nu owarong sobana pontudukan suat so Kinoringan, Poowiau so toko.

Titus 2:13

Patut miau toko soko ono su' osanang toko mongindad nu runat kologa'an koimbagu ni Yisus Kristus, iri Kinoringan Obantug om Poowiau so toko.

Titus 3:4

Nga, iya nu pinointolangan nu Kinoringan, iri Moonapul so toko, nu osamod om owarong Iyo so toko,

Titus 3:6

Poorati aku po sabat suat nu itu nu, si Yisus Kristus, iri Moonapul so toko ri su minonuu' nu Atod nu Kinoringan mogkuasa so toko.

1 Pitrus 1:21

Si Kristus-o su lalan muyu poimaid so Kinoringan, iri minongoluli' so Iyo kiat so pinotoyan om nopobantug so Iyo. Indadi, kosiono poimaid kou yo sono nu Kinoringan om otoroido umarap so Iyo.

1 Pitrus 1:3

Mongunsopot toko yo so Kinoringan, Amo ni Yisus Kristus, iri Tuhan toko! Otoop ong mongunsopot toko, so' pagka sobana ko oluluudan Iyo so toko, tinaakan toko yo Niyo nu kowiawan wagu. Om ono yo su orapan toko nu oluli'an toko ong wagu, so' noluli'an-o Niyo si Yisus Kristus.

2 Pitrus 1:1

Surat iitu kiat so aku, si Simun Pitrus, uripon om pinongoorapan ni Yisus Kristus. Poowit aku nu surat iitu no so kou, inong poimaid so si Yisus Kristus, so' maid nu kobonaan nu Kinoringan om si Yisus Kristus, Poowiau so toko, nitaak-o so kou koimaidan iri sobana ko boorogo, ono yo koimaidan nitaak so kai ri.

1 Yuanis 4:14

Nosiou mai yo kondiri Anak nu Kinoringan, om obaran mai kou nu Iyo yo su sinuu' nu Kinoringan Amo sumiliw nu Poowiau nu lobuw so wonuo tu.

Yudas 1:25

Royowo toko yo Iyo so' Iyo yo su Poowiau so toko kiat so gogoma'on obantug ni Yisus Kristus. Otoop orumaton Iyo. Kobontugan Niyo kaalib po ko' kiawi', om maayo kuasa Niyo nu gulu ri, kosiono tu om musingkolaid! Amin.