1 Pitrus 1:4 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁴ Kiat nu ono, umarap toko po nu kaalap nu koworongan nosodia' nu Kinoringan so lobuw songapan Niyo. Koworongan oono nitou' Niyo so surga su' dai ousiba', rumobuk intawa lumiong.

1 Pitrus 1:4 Iomraidhean Croise

Lagu 31:19

Sobana ko osuang koworongan nisodia' Mu so lobuw poimaid so Ikau. Oilaan nu kiawi' lobuw gogoma'on Mu owarong-o, om otatap Ko mongingolig nu lobuw mokiingolig so Ikau.

Lagu 47:4

Minomili' Iyo nu tana' pusaka suat so toko, tana' koondosan nu bansa sinomodan Niyo.

Matius 25:34

Mutangar Aku sono so lobuw umpak so wanan Ku no nu, ‘Tuui kou yo su lobuw binorokatan nu Kinoringan. Asuw kou yo so Pogkuosaan Niyo. Nopili' kou yo kiat nu nowangun wonuo tu ri nu poimaid so Aku,

Markus 10:17

Laid ni Yisus manou-panou-i, mundak-undak ido omulok lumogaa dii so Iyo. Sumurukudo yo iyo so tiningkuangon ni Yisus om mutongaro yo nu, “Oo Guru owarong, onu ka mupatut goma'on ku su' kikowiawan aku musingkolaid?” koo.

Pinongoorapan 20:32

Kosiono nikomouli' ku kou so Kinoringan su' ipatan kou Niyo, om tumatap kou poimaid nu abar suat so koworongan Niyo. Iyo yo su kikuasa popiot nu koimaidan muyu om monaak so kou nu borakat iri nokosodia' yo suat so lobuw Niyo.

Pinongoorapan 26:18

Suu'on Ku ikau potuturan su' otondu'an om poimaid nosiro so Aku om kopogkuasa sono Kinoringan so nosiro om okon ko moinat su mogkuasa. Bang poimaid nosiro s'Aku, oompunan koraayan nosiro om koido so lobuw pinili' nu Kinoringan,’ koo si Yisus s'aku.

Ruum 8:17

Om pagka inonakan toko Niyo, kotorima' toko nu koworongan nijanji Niyo. Om okon ko ono ya, onu yo po nitaak Niyo so si Kristus, nga nitaak-a so toko, so' bang osonsara' toko nu kosiono tu soko koosonsara' ni Kristus nu laid po so wonuo tu, kowaid toko ya so Iyo orumaton ong wagu.

1 Kurintus 9:25

Isai yo po mokimuimbas mundak, mongoopot po laid nu koyuwan niyo om kumodos nu onu-onu ya dai owarong so koyuwan. Waalon niyo soko ono su' kaalap iyo nu odia nu sontagal-a om lumiong. Nga toko yo po poimaid so si Yisus Kristus, mogkari'-kari' kaalap nu onu yo po dai lumiong musingkolaid.

Galatia 3:18

So' bang kopuwarong lobuw so Kinoringan ong obinsuut nosiro nu Ukum ni Musa, borakat oono okon-a ko iri nijanji Niyo ri. Nga musuat-a ono so' Kinoringan-o su minongojanji nu borakat oono, om ono yo su nitaak Niyo so si Abraham.

Ipisus 1:11

Dai po nowangun Niyo wonuo tu, pinili' toko yo nu Kinoringan ourug nu inonakan Niyo, so' kopuido toko so si Kristus. Kiawi' oono tumanon Niyo musuat nu notapus-o Niyo,

Ipisus 1:14

Atod Niyo oono yo su ponopusan toko nu kaalap toko nu onu yo po nijanji nu Kinoringan nu itaak so inonakan Niyo ong wagu, om polobuson toko Niyo, lobuw songapan Niyo. Royowo toko yo koobantug Niyo.

Ipisus 1:18

Mindamo aku so Kinoringan su' potoromon pomikiran muyu om oilaan muyu onu yo po kiat so Iyo, ono yo orap-orapon muyu so sunduron tu, iri kinopomaawan Niyo so kou, om koilo kou nu sobana ko owarong om osuang borakat nijanji Niyo so lobuw songapan Niyo,

Kulusi 1:5

Ono yo ko' poimaid kou so si Kristus om monamod kou nu lobuw songapan nu Kinoringan, so' umarap kou nu taakan kou nu nijanji yo laid nu Kinoringan so kou dii so surga. Norongou muyu janji nu Kinoringan oono iya nu nokorongou kou nu pontudukan obana nu gulu ri, ono yo Abar Owarong suat so si Kristus.

Kulusi 3:24

Ondomo muyu yo nu Tuhan-o su monuli' so kou, ono yo taakan kou Niyo nu nijanji Niyo so lobuw Niyo, so' si Kristus-o su tuan muyu sobana

2 Timutius 4:8

Om ono sono tu nokosodia' yo so surga odia kinomonangan ku so' gama' ku miau obana, iri nitaak nu Tuhan, Moongobisara' ooluk, nu runat intolangan Niyo koimbagu. Om okon ko aku ya su otaakan nu odia oono, nga iri pona kiawi' lobuw murosiou nu intolangan Niyo no.

Ibrani 10:34

Om kosimpor kou oluluudan nu lobuw nojiil. Om pudi pona nosolodan kou nu orata', osanang-a inawo muyu, so' oilaan muyu nu kuwai orata' muyu owarong po om otaan musingkolaid dii so surga.

Ibrani 9:15

Om ono yo ko' nourug si Kristus nu wowaidon toko lumoga' so Kinoringan mongowaid nu gama' so porojonjian wagu, su' toko nu pinaau nu Kinoringan ourug nu songapan Niyo, kotorima' nu kiawi' koworongan nijanji nu Kinoringan. Ourug soko ono, so' minatoi-o si Yisus mongidu' nu kosola'an toko iya nu maid-waid toko po nu porojonjian laid-i.

Yakubus 1:11

Iya nu musit su runat nu bana ko maamut, lumonot sono su rikut om tumontag wusak-o, om koowarong-o nga oidu'. Soko ono ya pudi lobuw doyaan, matoi iyo nu laid niyo mogkari'-kari' modium nu kokoyaan.

1 Pitrus 3:9

Bang raayon om poki'an kou nu lobuw, adang-o sumuli'. Ala' nai' pogdu'a kou yo so Kinoringan, mindamo nu borokatan lobuw mongoraai so kou no, so' ono yo su kinopomaawan nu Kinoringan so kou, su' kotorima' kou nu borakat nijanji Niyo.

1 Pitrus 5:4

Bang waalon muyu soko ono, kotorima' kou nu odia nu sobana ko owarong om dai musiba', iya nu kologa'an ni Yisus Kristus, ono yo Wowaidon nu kiawi' moongipat.

Pinointolang 21:27

Nga kiawi' gogoma'on osaim, koiyu'-iyu' om moomudut, dai poosuwon so bandar oono. Ono yo su poosuwon nai lobuw nokosurat ngaran nosiro so buuk nu Anak nu Dumba, ono yo buuk nu lobuw miau musingkolaid.