1 Kurintus 9:1 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹ Kuwai mutangar nu okon-a ko pinongoorapan aku ni Yisus, nga itu yo sambut ku. Kopugogoma'on aku so si Kristus om dai yo su okuasa nu oturan nu lobuw Yaudi. Aku yo su pinongoorapan ni Yisus so' nosiou ku yo kondiri Iyo, Tuhan toko, om iri yo gogoma'on ku paabar nu Abar Owarong so kou su kinopoimaidan muyu so Iyo.

1 Kurintus 9:1 Iomraidhean Croise

Pinongoorapan 13:2

Laid nosiro mongusaa' nu Kinoringan om mupuasa, tongaro yo nosiro nu Atod nu Kinoringan nu, “Pilio muyu yo si Barnabas om si Saulus mugogoma'on nu nipogama' Ku so nosiro,” koo.

Pinongoorapan 14:14

Norongou-o po ni Paulus om ni Barnabas padu-padu nu lobuw suang iiri, pisi'-pisio yo nosiro pokakas nosiro ri nu dai kotaayun, maid nu mundak so isop nu lobuw suang-i, om lumuap nu,

Pinongoorapan 14:4

Minupinig sono lobuw dii ri, ono yo sombaagi' minaid nu lobuw Yaudi dai poimaid so si Yisus, om wokon-i minaid so duo pinongoorapan-i.

Pinongoorapan 23:11

Awi ri, minintolang sono si Tuhan Yisus so obi' ni Paulus om minutangar nu, “Pototapo yo inawo mu no. Nokaabar mu yo abar suat so Aku tuui so Yirusalim, om subai iabar mu ya ono pudi so Ruum,” koo.

Pinongoorapan 9:15

Nga mutongaro yo Tuhan so iyo nu, “Panou-a, so' pinili' Ku yo iyo mugogoma'on paabar suat so Aku so ongo bansa okon ko Yaudi, ongo raja om so lobuw Israil ono yo lobuw Yaudi.

Pinongoorapan 9:17

Pagka soko iri, miano yo sono si Ananias so waloi iiri, mosuwo yo iyo, om topopi yo niyo palad niyo ri dii si Saulus maid nu mutangar nu, “Oo sulod Saulus! Si Yisus, iri nosiou mu so pomponowan mu ri, Iyo yo su minonuu' so aku mian tuui so ikau, su' kosiou ko koimbagu, om kuosaan ko nu Atod nu Kinoringan,” koo.

Pinongoorapan 9:3

Laid niyo manou-panou mian so Damsik, nokorani-rani so bandar-i, ina' po om pokikilap onawau kiat so langit linumiwut dii so iyo.

Pinongoorapan 9:5

Sumombuto yo si Saulus nu, “Isai ko ka Tuhan?” koo. Sumombuto yo bongut iiri nu, “Aku yo si Yisus, indoraayon mu no.

Ruum 1:1

Oo su kosusulodan minolak so bandar Ruum, iri kosomodan nu Kinoringan om pinaau Niyo sumiliw nu lobuw songapan Niyo. Aku, si Paulus poowit nu surat iitu nai so kou. Aku yo po uripon ni Yisus Kristus, om pinili' aku yo nu Kinoringan ourug nu pinongoorapan potuturan nu Abar Owarong kiat so Iyo.

Ruum 1:5

Kinoringan-o su minonuu' so si Yisus nu mongurug so aku nu pinongoorapan Niyo. Moingin Iyo ong mutangar aku maid nu kuasa kiat so Iyo mongingol nu lobuw okon ko Yaudi poimaid so si Kristus om mongowaid nu pontudukan Niyo.

Ruum 11:13

Mongaabar aku so kou ongo lobuw okon ko Yaudi, nu aku yo su pinongoorapan pinili' nu Kinoringan potuturan nu tinongaran Niyo nai so kou. Om sobana ko mongowaid aku nu gogoma'on nisuu' Niyo s'aku oono,

1 Kurintus 1:1

Surat iitu kiat so aku, si Paulus, iri pinili' nu Kinoringan sumiliw nu pinongoorapan ni Yisus Kristus, musuat nu koinginan Niyo, om kiat so sulod toko si Sustinis.

1 Kurintus 10:29

Kuanon ku yo po, okon ko kousiba' nu pomikiran nu inawo muyu, nga pomikiran nu inawo niyo. Nga kalu kuwai wokon mongoduat nu, “Bang kowasa aku ya momaal nu onu yo po koinginan ku, nokuro su opogosan aku po nu pomikiran nu inawo nu lobuw dai po opiot koimaidan?

1 Kurintus 10:30

Bang mongunsopot aku ya so Kinoringan nu ookanon nipolak so aku no, dai musuat ong insola'on aku po nu lobuw ong mongokan aku nu ono,” koo.

1 Kurintus 11:16

Bang kuwai sumagka' nu tinangar ku oono, soko itu nisambut ku: Toko yo po songapan nu Kinoringan, d'ado yo koopotan sondiang ko ono.

1 Kurintus 3:6

Aku yo su soko populo, om si Apulus soko monuntug nu sungoi, nga Kinoringan-o su potuu' nu ono.

1 Kurintus 9:19

Bang moingin aku, kopomaal aku nu onu-onu ya koinginan ku. Soko ono pona, kondiri ku ya sinumiliw nu uripon nu kiawi' lobuw, om minsuw nu kogoyaan nosiro, tayon ku ong osuang lobuw oingolan ku poimaid so si Yisus Kristus.

2 Kurintus 10:7

Pikiro muyu yo onu ya obana. Bang kuwai so kou monokod nu otatap poimaid nu songapan iyo ni Kristus, subai monokod-a nu kai nga songapan-a ni Kristus.

2 Kurintus 11:5

So pomikiran ku, d'ado ya kinoboba'an ku so lobuw montuduk nu owudut nai so kou, ono tokodon muyu nu “pinongoorapan d'ado kaalib” oono.

2 Kurintus 6:1

Pagka moomugogoma'on kai suat so Kinoringan, mindamo kai so kou nu, kodi muyu yo pokomaai-maayi koworongan nu Kinoringan so kou,

Galatia 1:1

Oo su kosusulodan ku inong poimaid so wonuo nu Galatia, itu yo surat kiat so aku si Paulus, niloga' ku nai so kou. Aku om kiawi' kosusulodan inong poimaid tuui mindamo so Kinoringan Amo toko om si Yisus Kristus Tuhan toko, su' d'ado ya pupus mongoborakat om posanang nu inawo muyu. Aku yo po pinaau sumiliw nu pinongoorapan ni Yisus. Nga okon-a ko lobuw su inungkiaton nu kopogboya'an ku oono, om okon-a ko lobuw su minomili' so aku, nga si Yisus Kristus om Kinoringan, iri minongoluli' so si Yisus Kristus kiat so pinotoyan su minomili' so aku.

Galatia 5:1

Nokolabus toko yo kosiono kiat so ponguriponan mongowaid nu Ukum ni Musa, so' pinolabus toko yo ni Kristus! Pagka soko ono, kimati muyu yo. Adang-o sono posimaidan lobuw monosog so kou koimbagu soko uripon kuminam dadan mongowaid nu Ukum ni Musa.

1 Tisalunika 2:6

Om dai kai insan mokiroyowon so kou intawa so lobuw wokon.

1 Timutius 2:7

Ono yo ko' pinili' aku nu Kinoringan ourug nu pinongoorapan, om sinuu' aku Niyo montuduk nu kodau oono. Kiawi' tinangar ku oono bana ya. Pinili' aku Niyo tayon ong mian aku montuduk so lobuw okon ko Yaudi om poimaid nosiro sono nu pontudukan oono.

2 Timutius 1:11

Ono yo ko' pinili' aku nu Kinoringan sumiliw nu pinongoorapan om moomontuduk paabar nu Abar Owarong,