1 Kurintus 3:12 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹² Kuwai ya lobuw moningompus momaal nu waloi oono momakai nu omas, pirok om watu boorogo, om kuwai ya momakai nu oruoi oompu' soko kayu, kutad, intawa raami.

1 Kurintus 3:12 Iomraidhean Croise

Lagu 119:72

Ukum nitaak Mu no boorogo po ko' kiawi' omas om pirok so wonuo tu.

Lagu 19:10

Boorogo po pontudukan Niyo oono ko' omas luun-luun, om koinginan po nu lobuw ko' paa' nu munsong d'ado gawul.

Pontudukan 16:16

Owarong po kikoilaan om kipongoorotian ko' kiomas om kipirok ko.

Pontudukan 30:6

Bang ruangan mu totongaron Niyo no, ungotan ko Niyo om pokowuduton ko sono.

Pontudukan 8:10

Pilio yo pontudukan ku tu kaalib po ko' pirok bana, om poogoto yo pongoilaan-o kaalib po ko' omas luun-luun.

Pinongoorapan 20:30

Om kuwai ya so kou lobuw potuturan nu abar okon ko bana. Waalon nosiro soko ono tayon ong kowaid so nosiro lobuw nopoimaid-o so si Yisus.

Ruum 16:17

Oo su kosusulodan ku, mindamo aku so kou nu ingati muyu yo. Adang kou yo maid-waid so moomontuduk owudut nu moingin poputotondiang so kou om mongoraag nu koimaidan muyu so Tuhan. Nosiro yo po dai mongowaid nu pontudukan obana, iri nituduk so kou ri.

1 Kurintus 3:11

So' notantu yo nu Kinoringan nu si Yisus Kristus-o su otoop soko pasok ponimpuunan nu waloi Niyo, om d'ado sondiang otoop kopongoganti' so Iyo.

1 Kurintus 3:13

Kiawi' gogoma'on ido soido nu lobuw, osiou-a ong kologa' yo koimbagu si Kristus, so' bang oompu' yo, osiou sono ombo su otaan. Soko ono ya ong kologa'an ni Kristus, osiou sono ombo gogoma'on owarong om oraai.

2 Kurintus 2:17

Muinong kai nu kosuangan nu lobuw, iri mokigaji tomod paabar nu tinongaran nu Kinoringan. Nga pagka Kinoringan-o su minonuu' so kai, otulid-a inowoon mai mugogoma'on nu ono om d'ado ya sala' mai so Iyo, so' kopuido kai yo so si Kristus.

2 Kurintus 4:2

Okon-a ko oraai poomurogama' mai nu ono nu osusut om koiyu'-iyu', om dai kai ya mongaakal nu lobuw intawa mominda nu tinongaran nu Kinoringan mongowaid nu koinginan mai kondiri. Ala' nai', potuturan kai nu pontudukan obana, om ono yo ko' nipotondu' mai so ido soido kogoyaan mai, tayon mai ong opikiran nosiro nu owarong kai ya so ponokodan nu Kinoringan.

Kulusi 2:8

Koingat-ingato muyu yo su' dai kou kowaid-waid nu pontudukan d'ado kosudaan, so' kiawi' pontudukan oono okon ko kiat dii si Kristus, nga ombo yo nu kiat so lobuw, om kiat so komoinatan mogkuasa so pilolongkop nu wonuo tu.

1 Timutius 6:3

Isai potuduk nu sondiang ko pontudukan obana ni Tuhan Yisus Kristus, om pontudukan suat so koinginan nu Kinoringan,

2 Timutius 2:20

Iri yo po gonggamon so waloi nu lobuw doyaan okon-a ko kiawi' omas om pirok winaal, nga kuwai ya nu kayu om dokuton winaal. Gonggamon omas om pirok oono pokayon ong murami-rami, nga bang gonggamon kayu om tana' dokuton winaal oono, opakai-a dadan.

2 Timutius 3:13

Nga lobuw oraai om moongaakal, sumundur po bana kooraai nosiro. Mongoborunsut nosiro nu lobuw om nosiro kondiri oburunsutan-a.

2 Timutius 3:7

Kowoinoyan oono dadan mokitudukon, nga dai insan kotondu' ong ombo su pontudukan obana kiat so Kinoringan.

2 Timutius 4:3

Olulut ko yo montuduk so nosiro, so' ong wagu dai yo sono moingin lobuw mongorongou nu pontudukan obana, ala' nai' mongowaid nu koinginan nosiro kondiri om mongimpug nu moomontuduk nu pontudukan owarong korongou-rongowan.

Ibrani 13:9

Ikod kou yo kiwaid nu ono yo po pontudukan sondiang ko' pontudukan obana nokotuduk-o nai so kou. Owarong po ong pobosagon toko koimaidan toko niungkiat so samod nu Kinoringan okon ko niungkiat so kogoyaan toko maid-waid-a nu adat nu dai kowasa mongokan nu itu om ono, iri d'ado kosudaan.

1 Pitrus 1:7

Tomod-o po posimaid so kou koirasa nu kosusaan, nga pointolang nu bana-bana ya ka poimaid kou so si Yisus ko' dai. Insan omas-o ya su musiba', nga nisubo ya so apui su' luun-luun sono omas. Koimaidan muyu boorogo po ko' omas. Indadi subai kinaman-a su' makin po sono opiot, om runat loga'an ni Yisus Kristus koimbagu, royowon, orumaton om bontugon kou sono so' obana ya koimaidan muyu no.

Pinointolang 2:14

Soko ono pona, kuwai po tinu-tinu oinsala' Ku so kou. Tinu-tinu koyuwan so kou mongowaid nu nituduk ni Biliam. Tinudukan ni Biliam si Raja Balak nu gama' mongingol nu lobuw Israil momaal nu koraayan nu mongokan nu niusaa' so tinindobuw om sumundal.

Pinointolang 21:18

Rinding iiri winaal kiat so watu otaas ingoranan aspur. Bandar-i winaal kiat so omas luun-luun, soko soromin oturopusan monsiou.

Pinointolang 3:18

Pagka soko ono, montuduk Aku so kou nu pomoli kou yo nu omas tuui so Aku, ono yo omas luun-luun su' kumaya kou so ponokodan Ku. Om pomoli kou nu pokakas oputi' tuui so Aku su' dai kou yo sono oiyu'an. Om pomoli kou yo nu ubat nipiid so mato muyu su' kosiou kou.