1 Kurintus 15:54 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁵⁴ Bang ogonti'an-o koyuwan laid toko oono nu koyuwan wagu, om koyuwan suat so wonuo tu nga ogonti'an-o nu koyuwan musuat so surga, iya yo oono kotumanan nu nokosurat so Buuk nu Kinoringan nu, “Nodoog-o nu Kinoringan kiawi' alod-alod Niyo. Kopotoyan nga d'ado yo sono,” koo ri.

1 Kurintus 15:54 Iomraidhean Croise

Lukas 20:36

Nosiro yo po soko susuu'on nu Kinoringan, dai yo sono matoi koimbagu. Ourug nosiro nu anak nu Kinoringan so' linuli'an-o nosiro kiat so pinotoyan.

Ruum 1:23

Kiat nu ono, miningkoyod sono nosiro mongusaa' nu Kinoringan, iri miau musingkolaid, om mongusaa' nu tinindobuw, iri winaal-waal om kaanggid-anggid nu lobuw nu matoi-a, bombolog, kulos-kulos opat akod, om lulumoloi.

Ruum 2:7

Iri yo po lobuw sumundur momaal nu owarong, so' dadan umarap nosiro nu royowon om orumaton nu Kinoringan ong wagu om kaalap nu kowiawan musingkolaid so surga.

Ruum 6:12

Indadi, adang-o posimaidan koinginan oraai so koyuwan muyu no mogkuasa so kou.

Ruum 8:11

Bang mido-ido so kou Atod nu Kinoringan, iri minongoluli' so si Kristus kiat so pinotoyan, soko ono ya pudi koyuwan muyu nu matoi-o, wiawon-a Niyo.

2 Kurintus 4:11

Pagka mugogoma'on kai suat so si Yisus nu laid mai po miau, pokipopotoyan kai dadan, tayon ong oilaan nu lobuw nu miau si Yisus so koyuwan mai nu matoi tu ya.

2 Kurintus 5:4

Laid nu molak-polak toko po so koyuwan toko so wonuo tu, mingi'-ringi' toko so' sobana ko owogatan nu kosonsora'an. Okon-a ko mokipopatoi toko, nga moingin toko nu gonti'an koyuwan toko kiat so wonuo tu nu koyuwan wagu iri musingkolaid-i.

2 Tisalunika 1:10

Ourug ono ong kologa'an-o Niyo koimbagu. Tomod-o po Niyo mululi' so wonuo tu, tayon ong royowon om bontugon Iyo nu kiawi' lobuw poimaid so Iyo, om kou nga kowaid-a so nosiro, so' nopoimaid kou yo nu pontudukan mai so kou ri.

Pinointolang 20:14

Noopod iri, niada' yo sono kopotoyan om wonuo nu kopotoyan so raat nu apui. (Raat nu apui oono yo kopotoyan koinduo.)

Pinointolang 21:4

Piidon Niyo ramou nosiro no, om d'ado yo sono matoi, mongulid, tumangi', om sumakit. Onu yo po nu gulu ri, d'ado yo sono,” koo.