Apocalipsis 18:16 - Totonac Coyutla

¹⁶ huata chiné nata­huán: ¡Koxutá tamá lanca tali̠­pa̠hu ca̠chi­quí̠n! Luu xta̠­chuná xta­siyuy cumu la̠ cha̠tum li̠la­káti̠t pusca̠t hua̠nti̠ li̠huana̠ xli̠­ta­ca̠x­ta̠­yani̠t lacuán y lak­li̠­la­káti̠t xalino lháka̠t. y lak­li̠­la­káti̠t color xapu̠s­ta­pu̠hua xa̠hua xatzu­tzoko, y na̠ xli̠­ta­ca̠x­ta̠­yani̠t xalac­ta­pa­ra̠xlá xli̠­ta­ca̠xta̠y cumu la̠ oro, perlas, xa̠hua lak­li̠­la­káti̠t lac­slipua chí­huix.

Apocalipsis 18:16 Iomraidhean Croise

Apocalipsis 17:3

Y la̠ta xEspíritu Dios xqui­ma̠­la­ca­hua̠­ni̠ma, a̠má ángel quí­le̠lh hasta nac desierto, antá cúc­xilhli cha̠tum pusca̠t hua̠nti̠ xke̠hui tantum lanca tzu­tzoko qui­tzis­tancá, u̠má li̠xcáj­nit qui­tzis­tancá xka­lhi̠y aktujún xak­xa̠ka y kan­cá̠hu xaka­lókot, y nac xli̠­lanca xmacni xta­tzok­ta­hui­lani̠t lac­li̠xcáj­nit tachu­huí̠n hua̠ntu̠ xli̠­la­ca­ta̠­qui̠­má̠­calh Dios.

Apocalipsis 17:4

Amá pusca̠t hua̠nti̠ xuilá­nilh li̠xcáj­nit qui­tzis­tancán xli̠­lha­ka̠­nani̠t lacuán y lak­li̠­la­káti̠t lháka̠t xapu̠s­ta­pu̠hua xa̠hua xatzu­tzoko, lhu̠hua xka­lhi̠y xli̠­ta­ca̠xta̠y hua̠ntu̠ xla oro, xla perlas y lak­li̠­la­káti̠t lak­slipua chí­huix. Xchi­pani̠t pa̠tum copa xla oro anta­nícu xta­ju̠ma xli̠­hua̠k hua̠ntu̠ lac­li̠xcáj­nit y ni̠ liucxilh­putu, y xli̠­hua̠k hua̠ntu̠ li̠xcáj­nit tala̠­ka­lhí̠n hua̠ntu̠ li̠maka­pa̠­xu­huay xmacni.

Apocalipsis 18:18

y acxni̠ taúcxilhli pi̠ xta̠­ya­ma̠chá xajini la̠ta clhcu­ta­hui­lama a̠má ca̠chi­quí̠n xta­li̠­pu­hua̠ncán talak­tá­salh y xli̠­hua̠k xliaka­pix­tli­hue­kecán chiné tzú­culh tahuán: —Pá̠xcat huan­ko̠lh u̠má lanca ca̠chi­quí̠n, ¿nícu nata̠k­sa̠hu aktum­li̠túm ca̠chi­quí̠n hua̠ntu̠ xta̠­chuná xali̠­la­káti̠t cumu la̠ u̠má xuani̠t?

Apocalipsis 18:19

Y la̠ta xta­lak­li̠­pu­hua­má̠­nalh tzú­culh taacta­huacay tíyat y xli̠­pix­tli­hue­kecán chiné xta­huán: ¡Pa̠xcat huan­ko̠lh u̠má lanca tali̠­pa̠hu ca̠chi­quí̠n! Porque caj huá xpa̠­la­cata ma̠squi luu lac­rrico tatáx­tulh xli̠­hua̠k a̠ma̠ko̠lh xpu̠­chi­naní̠n barcos hua̠nti̠ tas­cuj­má̠­nalh nac pupunú. ¡Pero chú tamá ca̠chi­quí̠n caj laca­puntzú lak­tzan­ka̠­ko̠lh!