Apocalipsis 12:3 - Totonac Coyutla

³ Na̠ acxni­tiyá cuc­xilhpá aktum­li̠túm lanca li̠cá̠cni̠t li̠la­ca­huá̠n, cúc­xilhli tantum qui­tzis­tancán cumu la̠ lanca tzu­tzoko lu̠hua hua̠ntu̠ hua­nicán dragón, aktujún xak­xa̠ka xka­lhi̠y y kan­cá̠hu xaka­lókot, y nac aka­tunu xak­xa̠ka xacuí aka­tunu corona.

Apocalipsis 12:3 Iomraidhean Croise

Apocalipsis 12:1

Caj li̠puntzú cuc­xilhpá aktum lanca li̠cá̠cni̠t li̠la­ca­huá̠n nac akapú̠n: cha̠tum pusca̠t akmilij xli̠­lani̠t xtax­káket chi­chiní xta̠­chuná cumu lá̠m­para huá xli̠­lha­ka̠­nani̠t; nac xtantú̠n xlacya papá y nac xak­xa̠ka xacuí aktum corona hua̠ntu̠ xka­lhi̠y akcu̠tiy stacu.

Apocalipsis 12:13

Acxni̠ a̠má lanca tzu­tzoko lu̠hua hua̠ntu̠ hua­nicán dragón maklh­cá­tzi̠lh pi̠ xmaka­tla­ja­ca­ni̠­tanchá nac akapú̠n y xta­ma­ca̠c­ti̠­cani̠t hasta nac ca̠ti­yatni, nac ca̠ti­yatni tuncán tzú­culh putzas­ta̠lay a̠má pusca̠t hua̠nti̠ xma̠­la­ka­tun­cu­hui̠ni̠t actzu̠ cskata.

Apocalipsis 12:17

Caj xpa̠­la­cata hua̠ntu̠ qui̠­táx­tulh a̠má lanca dragón li̠huaca si̠tzí̠­nilh a̠má pusca̠t, huata alh ca̠la­ca­ta̠­qui̠y xli̠­hua̠k hua̠nti̠ xli̠­ta­la­ka­pasni, xli̠­hua̠k a̠ma̠ko̠lh cris­tianos hua̠nti̠ taca̠c­ni̠­naniy y taka­lha­kax­mata xli̠­ma̠­peksí̠n Dios, y aksti̠tum tali̠­la­má̠­nalh a̠má xta­chu­huí̠n Dios hua̠ntu̠ tiqui̠­li̠­chu­hui̠­nanchi Jesu­cristo.

Apocalipsis 12:4

Cstaján a̠má lanca tzu­tzoko dragón xuataácti̠lh pu̠lac­tutu xla­cata la̠ta tahui­lá̠­nalh stacu nac akapú̠n y antá pu̠tum ca̠ma­cá­chilh nac ca̠ti­yatni. Amá lanca tzu­tzoko lu̠hua tachó­kolh xma̠­la­ka­tancs antaní xmá a̠má pusca̠t hua̠nti̠ xma̠­la­ka­tun­cu­hui̠ma cskata, la̠qui̠ tuncán nala­ka­huay acxni̠ nala­ca­chín cskata.

Apocalipsis 12:7

Aca­li̠stá̠n cúc­xilhli pi̠ tzú­culh guerra nac akapú̠n, a̠má xapuxcu ángel Miguel xa̠hua xán­geles tzú­culh tata̠­ra̠t­la­huay a̠má lanca tzu­tzoko dragón lu̠hua xa̠hua xli̠­hua̠k hua̠nti̠ tata̠s­cuja, xlacán na̠ tzú­culh tata̠­la̠­la­ca­ta̠­qui̠y.

Apocalipsis 12:9

Amá lanca tzu­tzoko lu̠hua hua̠ntu̠ hua­nicán dragón, hua­tiyá a̠má akska­huiná lu̠hua hua̠ntu̠ maká̠n lama hua̠ntu̠ hua­nicán Diablo xa̠hua Akska­huiní, hua̠nti̠ xca̠ak­ska­huiy xli̠­hua̠k cris­tianos hua̠nti̠ tala­má̠­nalh nac ca̠quilh­ta­macú, pus xlá y xli̠­hua̠k xalak­tzanká̠n ángeles hua̠nti̠ xta­mak­ta̠yay, xlacán hua̠k antá ca̠ma­ca­chín­calh nac ca̠ti­yatni.

Apocalipsis 13:1

Aca­li̠stá̠n cuc­xilhpá pi̠ xta­cut­ma̠chi nac pupunú tantum li̠pe̠­cuánit qui­tzis­tancán, xka­lhi̠y aktujún xak­xa̠ka y kan­cá̠hu xaka­lókot. Nac kana­tunu xaka­lókot xka­lhi̠y aktum corona, y nac aka­tunu xak­xa̠ka xta­tzok­ta­hui­lani̠t lac­li̠xcáj­nit tachu­huí̠n hua̠ntu̠ xli̠­la­ca­ta̠­qui̠­má̠­calh y cala̠huá xquilh­cha̠­ni­má̠­calh Dios.

Apocalipsis 13:2

Umá lanca li̠la­ka­putza qui­tzis­tancán hua̠ntu̠ aquit cúc­xilhli, luu xta̠­chuná xta­siyuy cumu la̠ tantum lanca la̠páni̠t, pero xtan­tu̠ní̠n xta̠­chuná xta­siyuy cumu la̠ xla oso, y xquilhni xta­siyuy cumu la̠ xla león. Amá lanca tzu­tzoko dragón lu̠hua má̠x­qui̠lh xli̠t­li­hueke xa̠hua xli̠­ma̠­peksí̠n la̠qui̠ nama̠­pek­si̠nán.

Apocalipsis 13:4

Lhu̠hua hua̠nti̠ tala­ka­chix­cú­hui̠lh a̠má lanca tzu­tzoko lu̠hua porque huá má̠x­qui̠lh li̠t­li­hueke xa̠hua li̠ma̠­peksí̠n a̠má lanca qui­tzis­tancán; na̠chuná tala­ka­chix­cú­hui̠lh a̠má lanca qui­tzis­tancán, y chiné xta­huán: —Xli̠­ca̠na pi̠ ni̠ti̠ anán a̠tunu xli̠t­li­hueke cumu la̠ eé lanca qui­tzis­tancán, xa̠huachí ¿tícu cahuá tla̠n nala­ca­ta̠­qui̠y?

Apocalipsis 15:1

Aca­li̠stá̠n cuc­xilhpá aktum lanca li̠cá̠cni̠t li̠la­ca­huá̠n nac akapú̠n: cca̠úcxilhli kalha­tujún ángeles hua̠nti̠ xta­li̠­mi­má̠­nalh pu̠lac­tujún a̠huatá ti̠pa̠­katzi tapa̠tí̠n hua̠ntu̠ xámaj li̠akas­puta xta­si̠tzi Dios.

Apocalipsis 16:13

Aca­li̠stá̠n cúc­xilhli pi̠ nac xquilhni a̠má lanca tzu­tzoko lu̠hua hua̠ntu̠ hua­nicán dragón, xa̠hua nac xquilhni a̠má li̠xcáj­nit qui­tzis­tancán, chu nac xquilhni a̠má aksa­ni̠ná pro­feta tatax­tuchi pu̠lac­tutu lac­li̠xcáj­nit espí­ritu hua̠ntu̠ xta­ta­siyuy cumu la̠ chí­cheklh.

Apocalipsis 17:12

’Amá kan­cá̠hu aka­lókot hua̠ntu̠ huix úcxilhti, huá tali̠­taxtuy kalha­cá̠hu reyes hua̠nti̠ nia̠ tatzucuy tama̠­pek­si̠nán nac ca̠quilh­ta­macú; pero caj xma̠n aktum hora cumu la̠ a̠má lanca li̠xcáj­nit qui­tzis­tancán nata­ka­lhi̠y li̠ma̠­peksí̠n y nata­ma̠­pek­si̠nán cumu la̠ reyes.

Apocalipsis 17:16

Amá kan­ká̠hu aka­lókot hua̠ntu̠ úcxilhti nac xak­xa̠ka li̠xcáj­nit qui­tzis­tancán taamá̠­nalh tasi̠­tzi̠­makán a̠má laka­huiti pusca̠t caj la̠ta xta­si̠­tzicán, nata­ma̠­lak­xtuko̠y xli̠­ta­ca̠xta̠y y xalh­tan­tala nata­mak­xteka, aca­li̠stá̠n nata­tzucuy talac­put­xhuay xli̠hua, y hua̠ntu̠ ni̠ nata­huako̠y nata­tzucuy talac­lhcu­yu­huili̠y.

Apocalipsis 17:7

Pero ángel qui­huá­nilh: —Ni̠ luu aka­tiyuj cali̠la hua̠ntu̠ úcxilhti, porque aquit camá̠n ma̠la­ca­pu̠­tun­cu­hui̠­niyá̠n hua̠ntu̠ hua­ni­putún tamá pusca̠t hua̠nti̠ úcxilhti xa̠hua a̠má lanca li̠xcáj­nit qui­tzis­tancá hua̠ntu̠ kalhi̠y aktujún xak­xa̠ka y kan­cá̠hu xaka­lókot hua̠ntu̠ ke̠hui pusca̠t.

Apocalipsis 19:12

Umá chixcú li̠pe̠cua xla­kaskoy xla­kas­tapu xta̠­chuná cumu la̠ lhcúya̠t, y nac xak­xa̠ka xacuí aklhu̠hua corona y antá xtalh­ca̠ni̠t aktum tacu­huiní hua̠ntu̠ ni̠para cha̠tum tícu xla­ka­pasa caj xma̠n huá sacstu xca­tzi̠y túcu hua­ni­putún.

Apocalipsis 20:2

Umá ángel chí­palh a̠má lanca tzu­tzoko dragón lu̠hua hua̠nti̠ maká̠n quilh­ta­macú lama hua­tiyá a̠má hua̠nti̠ hua­nicán Akska­huiní, y li̠huana̠ li̠chi̠­huí­li̠lh cadena, chuná lí̠lh­ca̠lh pi̠ nata­chi̠­ta­huilay aktum mi̠lh ca̠ta.