Apocalipsis 11:9 - Totonac Coyutla

⁹ Y aktutu quilh­ta­macú a̠íta̠t maj nahuán xti­yat­li̠­huacán nac tiji, y cris­tianos cani̠­huaj xalaní̠n y ti̠pa̠­katzi tachu­huí̠n hua̠ntu̠ tali̠­chu­hui̠nán natamín taucxilha, y ni̠ cati­ta­má̠s­ta̠lh quilh­ta­macú naca̠­ma̠c­nu̠cán nac tíyat.

Apocalipsis 11:9 Iomraidhean Croise

San Mateo 7:2

Porque Dios na̠chuná naca̠­pu­tza̠­na­niyá̠n min­ta­la̠­ka­lhí̠n chuná cumu la̠ huix xca̠­pu­tza̠­na­niya xta­la̠­ka­lhi̠ncán min­ta̠­cris­tianoscán; y chuná cumu la̠ ca̠ma̠x­qui̠ya xta­xo­ko̠ncán min­ta̠­cris­tianoscán xlá na̠chuná nama̠x­qui̠yá̠n min­ta­xokó̠n.

Apocalipsis 10:11

Caj xamaktum ckáx­matli pi̠ chiné qui­hua­ní­calh: —Huix juerza nali̠­chu­hui̠­nam­pa­raya hua̠ntu̠ Dios ca̠ma̠­ca­tzi̠­ni̠­putún pi̠ taamá̠­nalh taok­spulay cris­tianos xala ca̠quilh­ta­macú la̠tachá túcuya̠ lac­lanca pu̠la­tama̠n, xa̠hua ca̠chi­qui̠ní̠n, xa̠hua ma̠pek­si̠­naní̠n, ma̠squi la̠tachá túcuya̠ xta­chu­hui̠ncán xlacán tali̠­chu­hui̠nán.

Apocalipsis 11:11

Pero acxni̠ ti̠tax­tu­ko̠lh a̠má aktutu quilh­ta­macú a̠íta̠t, Dios ca̠ma̠­la­cas­ta­cuáni̠lh a̠ma̠ko̠lh cha̠tiy xak­chu­hui̠­naní̠n, xlacán tatá̠­qui̠lh y tatá̠­yalh, y xli̠­hua̠k cris­tianos hua̠nti̠ taúcxilhli la̠n tape̠­cuáxni̠lh.

Apocalipsis 13:7

Na̠ ma̠x­quí̠­calh quilh­ta­macú xla­cata pi̠ caca̠t­lá­hualh guerra a̠ma̠ko̠lh cris­tianos hua̠nti̠ tali̠­pa̠­huán Dios y caca̠­maka­tlá­jalh, xa̠huachí na̠ ma̠x­quí̠­calh quilh­ta­macú caca̠akchí­palh xli̠­hua̠k cris­tianos xalac ca̠quilh­ta­macú la̠tachá nícu xalaní̠n, y túcuya̠ tachu­huí̠n tali̠­chu­hui̠nán.

Apocalipsis 17:15

Angel qui­hua­nipá: —Amá chú­chut hua̠ntu̠ huix úcxilhti anta­nícu okspu̠hui a̠má laka­huiti pusca̠t, huá li̠taxtuy xli̠­hua̠k cris­tianos xala ca̠quilh­ta­macú la̠tachá nícu xalaní̠n y túcuya̠ tachu­huí̠n hua̠ntu̠ tali̠­chu­hui̠nán, o tícuya̠ lac­lanca ma̠pek­si̠­naní̠n ca̠ma̠­peksi̠y, o la̠tachá túcuya̠ xta­hui­latcán.

Apocalipsis 5:8

Y acxni̠ xlá chí­palh a̠má libro, a̠ma̠ko̠lh kalha­ta̠ti ángeles hua̠nti̠ xta­siyuy cumu la̠ taka­lhí̠n, xa̠hua puxa­ma­ta̠ti lak­ko̠lún tala­ka­ta­tzo­kós­talh a̠má Cristo hua̠nti̠ li̠taxtuy xbor­rego Dios, hua̠k xta­chi­pani̠t xli̠t­lak­nicán hua̠ntu̠ hua­nicán arpa y pa̠tunu copa xla oro antá xta­ju̠ma mu̠csun ciensus, hua̠ntu̠ li̠taxtuy xta­kalh­ta­hua­kacán hua̠nti̠ xli̠­ca̠na tali̠­pa̠­huán y tata­pek­si̠niy Dios.

Apocalipsis 5:9

Y mac­xtum xta­li̠­quilh­tli̠­má̠­nalh u̠má xasa̠sti taquilh­tlí̠n: Xli̠­ca̠na pi̠ caj xma̠n huix mini̠­niyá̠n namak­lhti̠­nana tamá xatas­milin libro y nax­ti̠­tac­ti̠­niya hua̠ntu̠ li̠ke̠s­la­macani̠t, porque huix hua̠k má̠t­la̠nti hasta tama̠sta mak­ní̠­canti, la̠qui̠ caj xpa̠­la­cata min­kalhni hua̠ntu̠ staj­má­kanti chuná tla̠n ca̠lak­ma̠xtu la̠tachá tícuya̠ cris­tiano la̠tachá nícu xalaní̠n xli̠­ca̠­lanca ca̠quilh­ta­macú y ma̠squi ti̠pa̠­katzi xta­chu­hui̠ncán hua̠ntu̠ tali̠­chu­hui̠nán, la̠qui̠ xma̠n huá Dios nata­ta­pek­si̠niy.