Apocalipsis 10:5 - Totonac Coyutla

⁵ Amá ángel hua̠nti̠ tan­tu̠tu xli̠­tu̠tay xtantú̠n nac xkalhni pupunú y tan­tu̠tu nac xok­spú̠n tíyat, li̠ta­pe­ke­yá̠­hualh xpe­kes­tácat nac akapú̠n

Apocalipsis 10:5 Iomraidhean Croise

Hechos 14:15

—¡Xli̠­hua̠k hui­xinín li̠huana̠ cakax­páttit! ¿Túcu xpa̠­la­cata hui­xinín qui­la̠­li̠­pu̠lh­ca̠­yá̠hu cumu la̠ Dios? Aquinín na̠ caj lac­chix­cu­huí̠n chuná cumu la̠ hui­xinín, y aquinín caj cmi­ni̠tán ca̠hua­niyá̠n xla­cata pi̠ calak­ma­kántit xli̠­hua̠k min­tas­ma­ni̠ncán hua̠ntu̠ tla­hua­yá̠tit porque ni̠tu̠ li̠ma­cuán, y caj xma̠nhuá cali̠­pa̠­huántit a̠má cha̠stum Dios hua̠nti̠ ca̠ma̠­la­ca­tzu­qui̠ni̠t akapú̠n, ca̠ti­yatni xa̠hua pupunú y xli̠­hua̠k hua̠ntu̠ anán uú nac ca̠quilh­ta­macú.

Hechos 17:23

Luu aklhu̠hua ca̠t­la­hua­ni­ni̠­tátit anta­nícu ca̠la­ka­chix­cu­hui̠­yá̠tit, acxni̠ aquit xac­ca̠ucxilh­tla̠­huán ccha̠lh lacatum anta­nícu tla­hua­ni̠­tátit aktum xpu̠­si­culan pero antá ni̠tu̠ tanu̠ma tzincun, huata caj chiné tatzokni̠t nac pu̠santu: “Uú cla­ka­chix­cu­hui̠­yá̠hu a̠má Dios hua̠nti̠ para lámaj cahuá ni̠ cla­ka­pa­sá̠hu.” Pus hua̠n­tamá Dios hua̠nti̠ hui­xinín laka­chix­cu­huí̠­yá̠tit ma̠squi ni̠ laka­pa­sá̠tit, pus huá chú xta­chu­huí̠n aquit cli̠­chu­hui̠­nama y cmi­ni̠tán ca̠li̠­ma̠­kalh­chu­hui̠­ni̠yá̠n.

Romanos 1:20

Ma̠squi xli̠­ca̠na pi̠ Dios ni̠ tasiyuy o ni̠lay ucxilhcán, pero tla̠n laka­pascán para luu li̠huana̠ laca­pa̠s­taccán xli̠­hua̠k hua̠ntu̠ xlá tla­huani̠t. Xli̠­ca̠na pi̠ hasta la̠ta tima̠­la­ca­tzú­qui̠lh ca̠quilh­ta­macú luu laca­tancs ma̠lu­lokni̠t pi̠ xli̠­ca̠na huá Dios hua̠nti̠ kalhi̠y lanca li̠t­li­hueke cane̠c­xni­cahuá quilh­ta­macú. Huá xpa̠­la­cata cca̠­li̠­hua­niyá̠n pi̠ xli̠­hua̠k hua̠nti̠ li̠xcáj­nit tala­má̠­nalh ni̠ cati­ca̠­ma̠­tzan­ke̠­na­ní­calh para nata­huán pi̠ ni̠ xta­ca­tzi̠y eé tachu­huí̠n.

Hebreos 6:13

Amá maká̠n quilh­ta­macú acxni̠ Dios tima̠­lac­nú̠­nilh Abraham pi̠ huí hua̠ntu̠ xámaj ma̠x­qui̠y xta­cu­huiní ma̠n li̠quí­lhalh pi̠ nama̠­kan­taxti̠y, huá chuná li̠t­lá­hualh porque ni̠ti̠ anán a̠tunu Dios hua̠nti̠ tlak tali̠­pa̠hu la̠qui̠ huá nali̠­qui­lhán sinoque caj xma̠n huá sacstu lama xas­tacná Dios.

Apocalipsis 1:18

Aquit chu­nacú clama ma̠squi xli̠­ca̠na pi̠ quin­ti­mak­ní̠­calh, pero la̠nchú cka­lhi̠y latáma̠t cane̠c­xni­cahuá quilh­ta­macú y cka­lhi̠y xal­lave ca̠li̠ní̠n.

Apocalipsis 10:2

Amá ángel xchi­pani̠t nac xmacán mactum actzu̠ xatas­milin libro pero xma̠­la­ka­ke̠­cani̠t. Acxni̠ chilh nac ca̠ti­yatni xtan­tu̠s­tácat li̠ta­tú̠­talh nac pupunú y xtan­tu̠­xuqui li̠ta­tú̠­talh nac ca̠ti­yatni.

Apocalipsis 14:7

Y xli̠­hua̠k xliaka­pix­tli­hueke chiné xqui­lhuama: —Caca̠c­ni̠­na­nítit y cala­ka­chix­cu­huí̠tit Dios hua̠nti̠ lanca xla­ca­tzúcut, porque chú aya lak­cha̠ni̠t quilh­ta­macú la̠ta naca̠­ma̠­xo­ko̠ni̠y xli̠­hua̠k cris­tianos. Xma̠n huá cala­ka­chix­cu­huí̠tit la̠nca tali̠­pa̠hu Dios hua̠nti̠ ma̠la­ca­tzu­qui̠ni̠t ca̠quilh­ta­macú, akapú̠n, pupunú y xli̠­hua̠k lactzu̠ musni hua̠ntu̠ anán.

Apocalipsis 16:17

Xli̠­ka­lha­tujún ángel akxte­ke­má­kalh xcopa nac ca̠u̠ní̠n, y nac xpu̠­sa̠ntu Dios hua̠ntu̠ hui­lachá nac akapú̠n tax­tuchá aktum palha tachu­huí̠n hua̠ntu̠ chiné xqui­lhuama: —¡Chú aya hua̠k kan­tax­tu­ko̠lh hua̠ntu̠ xtalh­ca̠­ta­hui­lani̠t!

Apocalipsis 4:11

Xma̠n huix mini̠­niyá̠n nac­ca̠­ca̠c­ni̠­na­niyá̠n, nac­ca̠­la­ka­chix­cu­hui̠yá̠n y nac­ca̠­pa̠x­cat­ca­tzi̠­niyá̠n, porque kalhi̠ya lanca mili̠t­li­hueke y ca̠ma̠­la­ca­tzu­qui̠­ni̠ta xli̠­hua̠k hua̠ntu̠ anán; cumu huix chuná lacás­quinti ca̠ma̠­la­ca­tzuqui y hasta ca̠lacchú quilh­ta­macú chu­nacú taanán.

Apocalipsis 4:9

Ama̠­ko̠lh kalha­ta̠ti ángeles hua̠nti̠ xta­ta­siyuy cumu la̠ taka­lhín, la̠ta maka­tunu taca̠c­ni̠­naniy, tala­ka­chix­cu­hui̠y y tapa̠x­cat­ca­tzi̠niy Dios hua̠nti̠ lanca xla­ca­tzúcut huí nac xpu̠­ma̠­peksí̠n y xlianka­lhi̠ná lámaj,