Apocalipsis 10:1 - Totonac Coyutla

¹ Aca­li̠stá̠n chú cuc­xilhpá cha̠tum lanca tali̠­pa̠hu ángel hua̠nti̠ xta̠c­ta­ma̠chi nac akapú̠n hasta nac ca̠ti­yatni, xmima nac xlacni puc­lhni; nac xak­xa̠ka xuilá­nilh kantum li̠la­káti̠t cha̠­mac­xcúlit y xlacán luu li̠la­káti̠t xlak­skoy cumu la̠ chi­chiní, y xak­lhtantú̠n xta̠­chuná xta­siyuy cumu la̠ acxni̠ li̠pe̠cua take̠­ya̠­huay lhu̠hua lhcúya̠t.

Apocalipsis 10:1 Iomraidhean Croise

San Mateo 17:2

Acxni̠ chú aya xta­cha̠ni̠t nac xok­spún ke̠stí̠n caj sac­stucán xta­la­yá̠­nalh antá chú nac xla­ca­ti̠ncán a̠ma̠ko̠lh kalha­tutu xdis­cí­pulos xlá luu caj tunu tasí­yulh talak­pa­li̠­ko̠lh la̠ta lácu xta­siyuy anka­lhi̠ná. La̠ta nac xlacán luu li̠pe̠cua xma̠­la­ka­chi­xi̠nán cumu la̠ chi­chiní, y na̠chuná clháka̠t hua̠ntu̠ xlá clha­ka̠ni̠t luu slipua xta­siyuy xta̠­chuná cumu la̠ tax­káket.

San Lucas 21:27

Y xli̠­pu̠tum cris­tianos hua̠nti̠ tala­má̠­nalh nahuán nac ca̠quilh­ta­macú naquin­taucxilha aquit Xata­lac­sacni Chixcú pi̠ cta̠c­ta­ma̠chi nahuán nac akapú̠n nac xlacni puc­lhni, y na̠ nataucxilha pi̠ cli̠­mímaj nahuán xli̠­hua̠k qui­li̠­maka­tli­hueke, chu qui­li̠­ma̠­peksí̠n.

Hechos 26:13

Antá chú xacama aquit chu maka­pi­tzí̠n quincompañeros, actzú xuani̠t aya xac­cha̠­ná̠hu, luu tas­túnut xuani̠t, acxni̠ caj xamaktum lam minchá aktum tax­káket nac akapú̠n y qui­la­ca­ta­hua­ca­ko̠lh a̠má tax­káket, luu tli­hueke xuani̠t ni̠xa­chuná cumu la̠ chi­chiní.

Apocalipsis 1:7

¡Caca­tzí̠tit pi̠ Cristo mímaj nahuán nac xlacni puc­lhni! Y acxni̠ namín xli̠­hua̠k cris­tianos nataucxilha, hasta na̠ nataucxilha a̠ma̠ko̠lh hua̠nti̠ tamak­ni̠ni̠t y tata̠­pa̠lh­tú­culh; y xli̠­hua̠k cris­tianos xalac xli̠­ca̠­lanca ca̠quilh­ta­macú nata­li̠­pu­huaxni̠y y nata­lak­tasay acxni̠ nataucxilha pi̠ mima caj xpa̠­la­cata ni̠tlán hua̠ntu̠ xtat­la­hua­má̠­nalh. Xli̠­ca̠na pi̠ chuná ámaj qui̠­taxtuy.

Apocalipsis 18:1

Aca­li̠stá̠n cuc­xilhpá cha̠tum ángel hua̠nti̠ xta̠c­ta­ma̠chi nac akapú̠n hasta nac ca̠ti­yatni; u̠má ángel xka­lhi̠y lanca li̠t­li­hueke xa̠hua li̠ma̠­peksí̠n, y chilh xli̠­ca̠­lanca ca̠quilh­ta­macú macax­ka­ke­ko̠lh acxni̠.

Apocalipsis 18:21

Na̠ acxni­tiyá cúc­xilhli pi̠ cha̠tum tli­hue­kexní̠n ángel chex­tlá­hualh aktum lan­caxní̠n chí­huix xta̠­chuná cumu la̠ xachí­huix lanca molino, y lhkén máca̠lh nac pupunú, y chiné huá: Xta̠­chuná cumu la̠ lak­tzan­ka̠lh eé chí­huix na̠chuná pímpa̠t lak­tzan­ka̠ya huix lanca tali̠­pa̠hu ca̠chi­quí̠n Babi­lonia, y niaj ne̠c­xnicú catiucxilh­pa­rá­canti.

Apocalipsis 20:1

Aca­li̠stá̠n cúc­xilhli cha̠tum ángel pi̠ xta̠c­ta­ma̠chi nac akapú̠n, xlá xli̠­mima xal­lave a̠má pu̠lhmá̠n pu̠la̠­chi̠n cumu la̠ poso hua̠ntu̠ ni̠ kalhi̠y xtampú̠n, y makatu xmacán xli̠­chi­pa­ti̠­lhay kantum cha̠­lanca cadena.

Apocalipsis 4:3

Hua̠nti̠ xlacui a̠má lac­tá­hui̠lh xalac pu̠ma̠­peksí̠n, luu xta̠­chuná xlak­skoy cumu la̠ li̠la­káti̠t chí­huix hua̠ntu̠ hua­nicán jaspe, osuchí la̠ cor­na­lina chí­huix, y nac xli̠­kalh­lanca xli̠­mak­stiliy li̠la­káti̠t cha̠­mac­xcúlit hua̠ntu̠ luu tla̠n xta­siyuy kam­pa̠­katzi colores tlayaj xma̠­lak­xka­ke̠­nani̠t cumu la̠ lak­slipua chí­huix hua̠ntu̠ hua­nicán esmer­alda.

Apocalipsis 5:2

Caj xamaktum cúc­xilhli cha̠tum lanca tali̠­pa̠hu ángel hua̠nti̠ xli̠­pix­cha̠­lanca xka­lhas­qui­ni̠­nama: —¿Tícu cahuá namac­la­yá̠hu hua̠nti̠ mini̠niy nax­ti̠­tac­ti̠niy hua̠ntu̠ li̠sel­lar­tla­hua­cani̠t u̠má libro la̠qui̠ tla̠n nama̠­la­ka­pi­tziy?

Apocalipsis 8:13

Aca­li̠stá̠n chú cúc­xilhli tantum lanca picha̠hua hua̠ntu̠ xkos­pu̠lay nac ca̠u̠ní̠n y ckáx­matli la̠ta xli̠­pix­cha̠­lanca xchu­hui̠­nama y chiné huá: —¡Koxu­tacú tita­huán a̠ma̠ko̠lh cris­tianos hua̠nti̠ tala­má̠­nalh nac ca̠quilh­ta­macú! Porque la̠n ámaj min tapa̠tí̠n acxni̠ nata­ma̠­sa̠ni̠y xtrom­pe­tajcán a̠ma̠ko̠lh kalha­tutu ángeles hua̠nti̠ tatzanka̠y nia̠ tama̠­sa̠ni̠y trom­peta.