Yuda 1:9 - ICIGHAN BIBILO

⁹ Kpa Mikael ortyom u Sha u tamen la, zum u a lu nôngon a diabolo, lu kpelan ikom i Mose la yô, a kera cihi a ôr un ijir i sha mtoho ga, kpa a kaa er: Ter A̱ tsaha u.

Yuda 1:9 Iomraidhean Croise

1 Kroniku 12:17

Nahan Davidi due za kegh ve gbenda, a kaa a ve er: Aluer nea va her a mo sha bem sha u va wasen mo yô, ishima yam ia var a ven; kpa aluer nea va sha u va nengen mker, nan mo sha ikev i mbaahendanev av, er ma ibo i lu sha ave am kpaa ga yô, Aôndo u uter asev A̱ nenge kwagh la, man A̱ yange ne.

Ekesodu 22:28

De toho Aôndo ga, shi de tem kwaghbo sha ortaregh u nongo wou kpaa ga.

Daniel 10:13

Kpa ortaregh u tartor u Pershia la hendan a mo ayange ikundu kar môm; nenge, Mikael, u môm ken mbatarev mba vesen va wasem; nahan m shi her a utor mba Pershia.

Daniel 10:21

Nahan kpaa me ôr u kwagh u i nger ken Ruamabera u mimi la, ma or u tavershima u wasen mo u nôngon a ve nan ngu ga, saa Mikael ortaregh wen.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Sekaria 3:2

TER kaa a Satan er: TER A̱ yange u, we Satan; een, TER u A tsough Yerusalem la, A̱ yange u; ngun kera ka ityôndo i i sase duen a mi ken usu gaa?

Marku 15:29

Mba ve lu karen her yô, ve ôr akaa a dang sha a Na, ve gba jingir ityouv, kaan er: We u U hembe tempel, shi U maa un ayange atar ne,

Duteronomi 34:6

A ii un shin pev la, ken tar u Moabi sha ishigh ki Bete-peor; zan zan nyian, ma or fa uwar na ga.

1 Mbatesalonika 4:16

Gadia Ter iyol Na Una sen Sha sha ikenge i kaan, sha imo i ortyom u tamen, sha mkaa u ikpamkor i Aôndo, tsô mba ve kpe ken Kristu la vea vande nderen.

1 Peteru 3:9

De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô.

2 Peteru 2:11

Mbatyomov mba Shaav yô, shin er ve hembe ve iyoltaver man agee nahan kpaa, mba za senden ve ityough a Ter sha ilyahan ga.

Mpase U Yohane 12:7

Tsô ityav gba Sha, Mikael kua mbatyomov nav lu nôngon a darakon. Darakon a mbatyomov nav kpaa lu nôngon,