Yuda 1:25 - ICIGHAN BIBILO

²⁵ Aôndo u mtswen, Oryiman wase ken Yesu Kristu Ter wase ne, iengem i̱ lu i Na kua shagba man agee man tahav, je er kwagh lu a vande lun ga man hegen kpaa zan zan gbem sha won. Amen.

Yuda 1:25 Iomraidhean Croise

1 Kroniku 29:11

We TER, U kuma ivesen man agee man iengem man mhembe man icivir, akaa a Sha man a shin tar cii ka a Ou; We TER, U kuma u teman tor, U ngu ityough sha akaa cii.

Upasalmi 104:24

Kpash! TERE, ityom You ngi atô kposo kposo, U er i cii sha kwaghfan, tar iv a akaa a U gbe la.

Upasalmi 147:5

Ter wase hemba cii, A taver agee kpaa, mfe Na ngu a ikighir ga.

Upasalmi 78:20

Nenge, A gbidye vande, tsô mngerem due kpishi, uikuwan sar avenge; Una shi á fatyô u nan ruam kpaa? Una na ior Nav inyama?

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Luka 1:47

jijingi wam kpaa ngu ember ken Aôndo, Oryiman wam.

YOHANE 4:22

Ne mba civir kwagh u ne fe un ga yô, se yô; se mba civir kwagh u se fe un yô; gadia myom ka hen Mbayuda a dugh ye.

YOHANE 5:44

Ne er nan man ne na jighjigh, ne mba ne rumun icivir i her ayol a en la, kpa icivir i i dugh her Aôndo u A lu tswen yô, ne keren ga?

Mbaromanu 11:33

Kpash! Mze u ikpelaakaa man mfe man kwaghfan u Aôndo ve za kweng ne! Ajir a ôron a Na gande u timen sha mi, igbenda Na kpaa i gande u tôvon tsôô!

Mbaromanu 11:36

Gadia akaa cii ka her a Na a dugh, man ka sha a Na a lu her, shi ka sha a Na a lu veren ishigh kpaa ye. Un yô, icivir i̱ lu i Na gbem sha won. Amen.

Mbaromanu 16:27

Aôndo u A lu a kwaghfan Un tswen ne, iengem i̱ lu i Na ken Yesu Kristu gbem sha won. Amen.

Mbaefese 1:8

u A ne ken vese wuee la ken hanma mfe kua mkav kpaa.

Mbaefese 3:10

Ka sha u hegen nongo u Kristu u̱ pase mbatarev man mbautahav mba sha ajiir a Sha la ve̱ fa kwaghfan u Aôndo u a dumbur la,

Mbaefese 3:21

Icivir i̱ lu i Na ken nongo u Kristu man ken Kristu Yesu sha ikov ikov gbem sha won.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

1 Timoteu 2:3

Ka kwagh u doon man shi kwagh u á rumun un sha ishigh ki Aôndo Oryiman wase.

Titu 2:10

ve̱ de iin ga, ve̱ eren akaa cii sha jighjigh doo doo sha u vea hingir kwagh u hweegh sha ityesen i Aôndo Oryiman wase sha akaa cii.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Titu 3:4

Kpa zum u mhôônom ma kôron man dooshima u Aôndo Oryiman wase va ande yô,

Mbaheberu 13:8

Yesu Kristu ngu inja i môm tsô, nyen kua nyian zan zan gbem sha won.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

2 Peteru 1:1

Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.

Mpase U Yohane 1:6

man A gema se er se̱ hingir tartor, se̱ hingir upristi sha ci u Aôndo Na man Ter Na her kpaa. Un yô, iengem i̱ lu i Na kua tahav kpaa gbem sha won. Amen.