Yuda 1:19 - ICIGHAN BIBILO

¹⁹ Ka mban je ve lu van a mbampav ye, ka mba ken iyol, mba a Jijingi ga.

Yuda 1:19 Iomraidhean Croise

Anzaakaa 18:1

Or u nan dugh iyol i nan kposo yô, ka isharen i nan iyol i nan, nan keren ye, nahan nan mough num a kwaghfan u mimi cii.

Yesaia 65:5

mba ve kaan er: Tile keela, de manger a mo ga, gayô i tsegham a tsegha je. Mban yô, kam mnyim ken ihinga je, usu u u shi hian didi.

Esekiel 14:7

Gadia hanma or u Iserael, shin u ken ikurior igen i i lu shir ken Iserael, u nan pav a Mo, nan nyer a akombo a nan ken ishima i nan, shi nan ver kwagh u nan gbev mbu nôngon u iferkwagh i nan sha ishigh ki nan, man nana va hen profeti sha u nana pinem kwagh yô, Mo Ter Me kaa nan imo sha mi, Mo iyol yam je;

Hosea 4:14

Me kera tsaha ônov enev mba kasev sha ijimba ve ga, man kasev mba ônov enev sha idya ve kpaa ga; gadia nomso ayol a ve kpaa mba zan hen udyambakasev ken iuv, man mba ne nagh a udyambakasev mba ken ayou a akombo la imôngo; ior mba ve lu a mkav ga yô, á tim ve kera.

Hosea 9:10

M tser a Iserael er atam a kon u wain ken desereti nahan; M nenge a uter enev er atam a tsutswa a vian sha kon u tur sha m-um na u hiihii la yô; kpa ve va hen Baal-peor ve tsegha ayol a ve sha ci u kwagh u kunya la, nahan ve hingir kwagh ndôhôrshima vough er kwagh u a doo ve ishima la nahan.

Mbaromanu 8:9

Kpa ne yô, ne mba ken iyol ga, ka ken jijingi ne lu ye aluer Jijingi u Aôndo tema ken a ven yô. Kpa aluer or nana lu a Jijingi u Kristu ga yô, nan ngu u Na ga.

1 Mbakorinte 2:14

Kpa or u nan lu ken uma u sha marami la tsô yô, nan ngohol akaa a jijingi u Aôndo ga, gadia ka nan akaa a ibume, nan fatyô u kaven a kpaa ga, gadia mba kar a sha inja i jijingi.

1 Mbakorinte 6:19

Shin ne fa er iyol yen i lu tempel u Icighan Jijingi u A lu ken a ven u ne ngohol Un her Aôndo la gaa? Ne kera mba kwagh wen ayol a en ga.

Mbaheberu 10:25

Se̱ de bundu nen mbamkohol asev mba aduaav er mbagenev ve eren nahan la ga, kpa sé taver nen asema ayol a ase, i̱ seer eren nahan er ne nenge iyange la i lu mgbôghom yô.

Yakobu 3:15

Heera yô, ka kwaghfan u a dugh Sha la ga, kpa ka u taregh shi ka u iyolough shi ka u ujijingi mba bov tsô.