Yosua 9:4 - ICIGHAN BIBILO

⁴ ve kôr ayom, ve za er er ve mba mbatyomov nahan; ve tôô aba a tse sha ujaki vev, man akpa a ikôv a wain a tse a anden a i cinge a kpaa,

Yosua 9:4 Iomraidhean Croise

Genese 34:13

Tsô ônov mba Yakob gema ôr kwagh a Shekem man ter na Hamor sha ayom, sha ci u a vihi Dina anngô ve u kwase yô.

Upasalmi 119:83

Gadia m hingir er ka ikpa i sha mnyi nahan, nahan kpaa akaawan a Ou hungul mo ga.

Mateu 10:16

Nenge, M ngu tindin ne er iyôngo ken atô u ugbaseela nahan; yô, lu nen mbafankwagh er iyô nahan man wang er mkungum nahan.

Mateu 9:17

Man shi mba hee zar u wain u he ken akpaakôvough a tse ga, gadia á er nahan yô, akpa la aa pav, zar u wain ua haa kera, akpa la kpaa aa saa ishe. Kpa mba hee zar u wain u he ken akpa a he, nahan ve uhar cii vea lu her dedoo.

Marku 2:22

Man shi ma or nan hee zar u wain u he ken akpaakôvough a tse ga, gadia á er nahan yô, zar u wain la ua pav akpa la, ua saa ishe kua akpa la cii; kpa mba hee zar u wain u he ken akpa a he je.

Luka 16:8

Tsô ter la wuese wanakiriki u nengen un sha inyar u lu or u mimi ga la, sha ci u a er kwagh sha kwaghfan yô, gadia sha kov ve yô, ônov mba ken tar u ainge ne ve hemba ônov mba ken iwanger kwaghfan.

Yosua 9:12

Bredi wase ne iyange se tôô un acivin hen uya asev sha ci u kwaghyan u gbenda, sha iyange i se due sha u van hen a ven ne, nenge hegen a uma, hingir akpoghol akpoghol;

Yosua 9:13

akpa a wain ne kpaa yan se iv a la, lu a he je, nenge hegen a ande; akondo ase ne kpaa kua akôv a ase a hingir a been iyol sha ci u gôgôzende wase.

Yosua 9:3

Kpa zum u ior mba Gibeon ve ungwa kwagh u Yosua er a Yeriko kua Ai la yô,

Yosua 9:5

man akôv a tse a i sôr a gege kuma iyol, ve wa shin angahar, shi ve lu a akondo a tse iyol kpaa; bredi ve u yan gbenda cii uma, hingir akpoghol akpoghol.