Yosua 9:1 - ICIGHAN BIBILO

¹ Tsô zum u utor cii mba ve lu yande Yordan, sha tar u iwoogh man ken tar u pev, man hen kpe u zegemnger u tamen cii, sha ishigh ki Lebanon, ka Mbahiti man Mbaamor man Mbakanaan man Mbaperishi man Mbahivi man Mbayebushi, ve ungwa gwa yô,

Yosua 9:1 Iomraidhean Croise

2 Samuel 24:7

ve va hen garutya u Tiru, man agar a Mbahivi cii kua a Mbakanaan; nahan ve va nyôr ken Bersheba u a lu vegher u Imbusutariyan i Yuda la.

Ekesodu 23:23

Gadia Ortyom Wam Una hemen we gbenda Una za nyôr a we hen Mbaamor man Mbahiti man Mbaperishi man Mbakanaan man Mbahivi man Mbayebushi. Me tim ve kera kpaa.

Ekesodu 23:31

Me ver akighir a tar wou á hii hen Zegemnger u Nyian je zan zan á za ar hen zegemnger u Mbafiliti, shi á hii ken desereti zan zan á za ar hen ifi u Uferati, gadia Me gema mba ve tem ken tar la, Me na ve sha ikev you; ú zenda ve sha ishigh you kera.

Ekesodu 3:17

man shi M kaa Mer: Me due a ven ken ican i ken Igipiti, Me yem a ven ken tar u Mbakanaan man Mbahiti man Mbaamor man Mbaperishi man Mbahivi man Mbayebushi, tar u atumbabua man iyough ve dumbur ker la.

Ekesodu 34:11

Ver ishima sha kwagh u M we u nyian ne; nenge, M zenda Mbaamor sha ishigh you kera kua Mbakanaan man Mbahiti man Mbaperishi man Mbahivi man Mbayebushi kpaa.

Numeri 13:29

Mbaamaleki tema ken tar u Imbusutariyan la; Mbahiti man Mbayebushi kua Mbaamor gema tema sha iwo; Mbakanaan gema haa vegher u shin zegemnger man hen kpe u Yordan.

Numeri 34:6

Ikighir tar yen vegher u shin ityôtar yô, ka Zegemnger u Tamen la, hen kpe na; ka ikighir tar yen i shin ityôtar je la.

Duteronomi 1:7

yô, hembe yem nen ken tar u iwoogh u Mbaamor, man ken ajiir a a dondo a u cii, ken Araba man ken tar u iwoogh, man tar u shin upev man ken Imbusutarimese la man hen kpe u Zegemnger, ka tar u Mbakanaan man Lebanon zan zan za ar hen ifi u tamen, ka ifi u Uferati je la.

Duteronomi 3:25

Shi de, m̱ nenge tar u dedoo u yande Yordan la, uwo u doon ashe la man Lebanon.

Duteronomi 4:49

man Araba cii yande Yordan vegher u sha ityoughkitaregh zan zan za ar hen zegemnger u Araba shin soughsough u Pisega.

Duteronomi 7:1

Zum u TER, Aôndo wou, Una nyôr a we ken tar u u ze sha u za ngohol u la yô, man Una zenda akuraior kpishi sha ishigh you kera, ka Mbahiti man Mbagirgashi man Mbaamor man Mbakanaan man Mbaperishi man Mbahivi man Mbayebushi, akuraior ataankarahar a a hembe u iyenge man agee kpaa yô,

Yosua 1:15

zan zan TER Una na anmgbianev enev mmem er A ne ne nahan, man ve kpaa ve̱ ngohol tar u TER, Aôndo wen, A lu nan ve la; tsô né hide né va ken tar wen u Mose, wanakiriki u TER, lu na ne yande Yordan vegher u iyange i dugh la.

Yosua 1:4

Hii hen ikôngough kin man Lebanon ne, zan zan ar hen zegeifi u Uferati, tar u Mbahiti cii zan zan ar hen zegemnger vegher u iyange i mir la, á lu ikighirtar yen.

Yosua 10:23

Ve er nahan, ve dugh utor mba utaan mbala ken bar, ve na un; ka tor u Yerusalem man tor u Heberon man tor u Yarmuti man tor u Lakishi kua tor u Egelon je la.

Yosua 11:17

hii hen uwo u Halaki u kôndon zan sha Seir zan zan ar hen Baal-gadi shin pev u Lebanon shin itine i uwo u Hermon; a kôr utor vev cii, a hemba ve, a wua.

Yosua 13:5

man tar u Mbagebal man Lebanon cii vegher u iyange i dugh la, hii hen Baal-gadi shin itine i uwo u Hermon zan zan za ar sha gbenda u karen zan Hamati la,

Yosua 15:12

Ikighir i ken vegher u shin ityôtar yô, i lu Zegemnger u Tamen man ikighir na. Ingin ka ikighirtar i ônov mba Yuda, ningir cii, sha icombor ve.

Yosua 22:4

Hegen yô, TER, Aôndo wen, na anmgbianev enev mmem, er lu kaa ve yô; gema nen, hide nen hen utenti enev, hen tar u dyako wen, u Mose wanakiriki u TER a ne nen yande Yordan la.

Yosua 22:7

Mose vande nan vegherkwe u Manase u môm dyako ken Bashan; kpa vegherkwe ugen la yô, Yosua na ve a anmgbianev vev imôngo yande Yordan vegher u shin ityôtar. Zum u Yosua na ve gbenda u yemen hen utenti vev la yô, a ver ve doo doo,

Yosua 23:4

Nenge, m kar ne akuraior a a shi ne, hingir dyako u ikwe yen, hii hen Yordan je, kua akuraior cii a m tim la, zan zan za ar hen Zegemnger u Tamen vegher u shin ityôtar la.

Yosua 24:11

Ne per Yordan, ne va hen Yeriko; ior mba Yeriko nôngo ityav a ven kua Mbaamor man Mbaperishi man Mbakanaan man Mbahiti man Mbagirgashi man Mbahivi kua Mbayebushi; kpa M na ve sha ikev yen.

Yosua 3:10

Shi Yosua kaa er: Ka sha kwagh ne man né fa er Aôndo u uma A lu a ven ye, man Una zenda Mbakanaan man Mbahiti man Mbahivi man Mbaperishi man Mbagirgashi man Mbaamor kua Mbayebushi sha ishigh yenegh kera, mimi je.

Yosua 3:17

Upristi mba ve tee areki u ikuryan u TER, tile dông sha tareghnyaagh shin atô u Yordan, tsô Mbaiserael cii per sha tareghnyaagh zan zan ior cii per Yordan bee ca ca.

Yosua 5:1

Tsô zum u utor mba Mbaamor cii mba ve lu yande Yordan, vegher u shin ityôtar la, kua utor mba Mbakanaan cii mba ve lu hen kpe u Zegemnger la, ve ungwa gwa u TER tôndo mngerem ma Yordan sha ishigh ki Mbaiserael zan zan se per yô, ishima shoughom ve ker, ma ishima i taver kera lu ker a ve ga, sha ci u Mbaiserael.

Yosua 6:27

Kape TER lu a Yosua la; gwa na samber ken tar la cii.

Yosua 9:7

Tsô ior mba Iserael kaa a Mbahivi mbala er: Alaghga ijiir yen ngi hen atô wase, nahan sé er nan sé ya ikur a vene?