Yosua 8:1 - ICIGHAN BIBILO

¹ Tsô TER kaa a Yosua er: De cie ga, de luun a mciem iyol kpaa ga; kua a mbautyav cii a we imôngo; yô, mough, kôndo sha Ai; nenge, tor u Ai kua ior nav man gar na, kua tar na cii, M na u sha ikev;

Yosua 8:1 Iomraidhean Croise

Upasalmi 27:1

TER ka iwanger yam man myom wam kpaa, ka an je me cia? TER ka agee a uma wam, ka an je nana wam mciem iyolo?

Upasalmi 44:3

Gadia lu sha sanker ve ayol a ve, ve ngohol tar la ga, man lu ikasewe ve, i war ve kpaa ga, kpa lu uwegh Ough ku yanegh a ikasewe You man iwanger i ishigh You, sha ci u doo U a ve yô.

Upasalmi 46:11

TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 43:2

Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Yeremia 46:27

Kpa we yô, de cie ga, wanakiriki Wam Yakob; ishima i̱ de nyian we ga, we Iserael, gadia nenge, Me yima u ken ica je, man vor wou kpaa ken tar u u lu uikangen ker la; Yakob una hide, ishima ia yôhôl un, una mem kpaa, ma or nana kera ta un mciem iyol ga.

Yeremia 49:3

Vaa, we Heshebon, gadia i tim Ai kera; ngor nen mliam ônkasev mba Raba, ta nen akondo uya, zungwe nen, yevese nen hurugh hurugh, her atô u ugar mba ishulev; gadia á yem a Milkom uikangen a upristi nav man atiator a na imôngo.

Daniel 2:21

ka Un A gem ashighe man a-an ye; ka A dugh utor shi A ver utor; ka A na mbafankwagh mfe, man mba ve lu a mkav yô, A na ve kwaghfan.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Mateu 8:26

A kaa a ve er: Ka nyi ne cie, ne mba ne lu a anjighjigh u nan kpeghee ne? Tsô A mough, A yange ahumbe man zegemnger, maa hingir ving ci ca cii.

Duteronomi 1:21

Nenge, TER, Aôndo wou, gema tar la na u; kôndo, ngohol nen u, er TER, Aôndo u uter ou, A kaa u nahan; de cie ga, de yen ishima kpaa ga.

Duteronomi 31:8

Ka TER Una hemen we ye; Una lu a we, Una kende u ga, Una undu u kpaa ga; de cie ga, de luun a mciem iyol kpaa ga.

Duteronomi 7:18

Yô, de cie ve ga; umbur kwagh u TER, Aôndo wou, lu er a Farao kua Igipiti cii la;

Duteronomi 7:21

Ishima i̱ de te u kwe sha ci ve ga; gadia TER, Aôndo wou, ngu u hen atô, ka Aôndo u hemban man u cier iyol.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Yosua 10:7

Tsô Yosua mough hen Gilgal kôndo, un kua mbautyav cii a na imôngo, man anomaior a fan ityav cii kpaa.

Yosua 10:8

TER kaa a Yosua er: De cie ve ga, gadia M na ve sha ikev you; ma nomsoor ve môm nan ngu, u nana cihi nana tile u sha ishi ga.

Yosua 2:24

Ve kaa a Yosua er: Mimi je, TER na tar la cii sha ikev yase, mba ve tem ken tar la mba gbidyen ikarikase iyol sha ci u cian se.

Yosua 6:2

TER kaa a Yosua er: Nenge, M na Yeriko a tor na kua anomaior a utya a na sha ikev you.

Yosua 7:9

Gadia Mbakanaan man mba ve tem ken tar ne cii vea ungwa gwa yô, vea va kase se, vea ese iti yase sha won kera; tsô Ú er nan a Iti You i hembana?