Yosua 7:24 - ICIGHAN BIBILO

²⁴ Tsô Yosua kua Mbaiserael cii a na imôngo, ve tôô Akan wan u Sera kua azurfa la man ikondo i cirin iyol la man ijenzenaria la man ônov nav mba nomso man mba kasev man ibua na man ujaki nav man iyôngo na man tenti na kua akaa a a lu a mi cii, ve va a ve hen pev u Akor.

Yosua 7:24 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

Yobu 20:15

Nan mena inyaregh kpa shi nan sua ki kera; Aôndo Una dugh ki ken iyav mbu nan kera.

Ekesodu 20:5

De gur ve inya ga, shi de civir ve kpaa ga; gadia Mo TER, Aôndo wou, M ngu Aôndo u gban iwuhe; M tsahan mbayev sha ci u iferkwagh i uter zan zan ikov itiar man inyiin kpaa i mba ve kerem ihom;

Anzaakaa 15:27

Or u nan ye mtsera u bo yô, ka nan nzughul a ya u nan, kpa or u nan vende inyaregh ki yamen ishô la yô, nana lu uma.

Orpasenkwagh 5:13

Zegekwagh u vihin ugen ngu u m nenge a mi shin tar: inyaregh ki or ka nan koso la, ki gema ki hingir kwagh u vihin mlu u nan;

Yesaia 65:10

Sharon una hingir ijiir i akumauile yan toho her, man pev u Akor kpaa una lu ijiir i akumabua yaven her, sha ci u ior Av mba ve keren Mo yô.

Hosea 2:15

Keela Me na un ishule na i ikon i wain man Me gema pev u Akor una hingir un hunda u ishimaverenkeghen; una na mrumun keela er sha ayange a iyev nav man er sha iyange i a due ken tar u Igipiti la nahan.

Yosua 15:7

ikighirtar la due shin pev u Akor kôndo za ar sha Debir gema yem vegher u ken imbusutarimese, hen Gilgal u a lu sha ishigh ki mkende u Adumim u a lu uwagh vegher u ken imbusutariyan la; ikighir la kar zan zan za ar hen mngerem ma En-shemese, za kure hen En-rogel;

Yosua 22:20

Zum u Akan wan u Sera er kwaghbo sha kwagh u i tswer i we un ifan la yô, iyugh kera va sha mkohol u ior i Iserael cii gaa? Kera lu un tseegh tim sha isholibo na ga.

Yosua 6:18

Ne kpaa kura nen iyol sha kwagh u i te icin sha mi la, i̱ de kera lu u zum u né tsegha un yô, né gema né tôô kwagh sha akaa a i te icin sha mi la ga; sha kwagh ne nea gema afo a Iserael aa hingir a ifan iyol, man né er a ican kpaa.

Yosua 6:21

Ve tim akaa a ken gar la sha zwa u sanker ca ca, nomso kua kasev, man mbayev kua ior mba been iyol, man ibua man iyôngo kua ujaki.

Yosua 7:1

Kpa Mbaiserael per tindi sha kwagh u i te icin sha mi la; gadia Akan wan u Karmi, wan u Sabedi, wan u Sera u ken kwe u Yuda, a tôô kwagh sha akaa a i te icin sha mi la; nahan ishima vihi TER a Mbaiserael tsung.

Yosua 7:23

Ve tôô a her atô u tenti, ve va a mi hen Yosua man hen ior mba Iserael cii; ve ver a sha ishigh ki TER.

Yosua 7:26

Tsô ve kohol awen, ve ta zegetihi sha a na; nga her zan zan nyian; nahan TER gema de ishima Na i vihin tsung la. I ii ijiir la iti er Pev u Akor, zan zan nyian.