Yosua 7:15 - ICIGHAN BIBILO

¹⁵ Tsô or u i tese nan, nan lu a kwagh u i te icin sha mi la, á nande nan sha usu, kua akaa a a lu a nan cii, gadia nan aver ikuryan i TER, shi nan er kwagh u ibume ken Iserael kpaa.

Yosua 7:15 Iomraidhean Croise

Genese 34:7

Ônov mba Yakob kpaa, zum u ve za ungwa kwagh la yô, ve hide ken toho; ve mba nomso mbala, asema vihi ve, kwagh vihi ve tsung, sha u a er kwagh u ibume ken Iserael, er a yav a wan u Yakob yô, kwagh la doo u ma i er nahan ga.

2 Samuel 13:13

Mo yô, me za yer kunya wam hana? Man we kpaa, ú hingir gbilinor ken Iserael je. Yô, shi ôr kwagh a tor tsô, gadia una nyume u mo ga.

Yosua 7:11

Iserael er isholibo; een, ve aver ikuryan Yam je, i M ye a ve la; een, ve tôô kwagh sha akaa a i te icin sha mi la; iv kpaa ve ii, icugh kpaa ve tsugh man ve ver un ken ikav vev je.

Yosua 7:16

Tsô Yosua mough pepe pepe, va a Iserael sha ikwe sha ikwe; i tese kwe u Yuda;

Mbaajiriv 20:10

sé tsuwa ior pue ken hanma deri, ken ikwe i Iserael cii, man deri ken dubu, man dubu ken dubu pue, ve̱ za ve̱ za tôô kwaghyan sha ci u ior; shighe u vea hide yô, sé za or iyev sha Gibea u Benyamin sha ci u kwaghbo u vihin u ve er ken Iserael la cii.

Mbaajiriv 20:5

Tsô ior mba Gibea mough num a mo, ve kase ya u m lu ker la tugh; ka mo je ve lu nôngon u wuan ye, man ve nzughul a kpankwase wam zan zan maa a kpe.

Mbaajiriv 20:6

Tsô m tôô kpankwase wam, m bur un aci, m tindi a mi ken tar u dyako u Iserael cii; gadia ve er daangkwagh man kwaghbo u vihin ken Iserael yum.

1 Samuel 26:21

Tsô Saulu kaa er: M er kwaghbo; hide wan wam Davidi, gadia me kera er u kwagh u vihin mayange ga, sha er uma wam a lu u a inja yum nyian nahan; nenge m bume, m nzughul kwagh kpishi je.