Yosua 7:11 - ICIGHAN BIBILO

¹¹ Iserael er isholibo; een, ve aver ikuryan Yam je, i M ye a ve la; een, ve tôô kwagh sha akaa a i te icin sha mi la; iv kpaa ve ii, icugh kpaa ve tsugh man ve ver un ken ikav vev je.

Yosua 7:11 Iomraidhean Croise

2 Utor 18:12

gadia ve wa iko sha imo i TER, Aôndo ve, ga, kpa ve vihi ikuryan Na, ka akaa a Mose wanakiriki u TER wa tindi sha mi cii je la, ve venda u ungwan un man u eren sha mi kpaa.

2 Utor 5:24

Er a va ar sha igungu yô, a ngohol mbi sha ikev ve, a koso mbi ken iyou; tsô a na mbayev mbala gbenda, ve hide.

Yesaia 24:5

Tar iyol i u je kpaa u hôngor sha ci u mba ve tem sha u la; gadia ve per atindi, ve wa aeren a sha ba iko ga, ve vihi ikuryan i tsôron.

Yeremia 31:32

kpa ia kera lu sha inja i ikuryan i M ya a uter vev ayange a M kôr ve uwegh sha u duen a ve ken tar u Igipiti la ga—ikuryan Yam i ve vihi la, shin er M lu ter ve je nahan kpaa, kape TER A kaa ne.

Hosea 6:7

Kpa ve vihi ikuryan er Adam nahan; ka heera ve er a Mo dang ye.

Levitiku 5:15

Aluer hanma or nana er kwagh sha mimin ga, nana er isholibo abu, nana nzughul sha akaa a i tsegh a sha ci u TER yô, nana̱ va na TER nagh sha nomiyôngo shin kpev u a lu a ihogholough iyol ga yô, u a kom sha ishe i u we, sha ushekel mba azurfa yô, i̱ lu shekel u icighanjiir la, sha ci u nagh ku iboogh;

Habaku 2:6

Mban cii vea ver ishor sha a na gaa, man vea wa un asôngo gaa, man injakwaghôron er: Kwagh á tser un u a kohol akaa a a lu a na ga ne— ka zan zan hanma shighe je?—man a kange ikav iyol sha akaa a ityungugh.

Sekaria 5:4

Me na ia due, kape TER u akum a Sha A kaa ne, ia nyôr ken iyou i ormbaiv man ken iyou i or u bumun iti Yam sha aie; ia tema ken atô u iyou i nan, ia nande i puru a ikpande i i kua awen a i kpaa.

Mateu 22:21

Ve kaa a Na er: Ka u Shisar je. Tsô A kaa a ve er: Na nen Shisar akaa a a lu a Shisar yô, Aôndo kpaa na nen Un akaa a a lu a Aôndo yô.

Aerenakaa A Mbaapostoli 5:9

Kpa Peteru kaa a na er: Ka nyi i ne je ve ne zough zwa sha u né kar Jijingi u Ter nahana? Yô, nenge ase, angahar a mba ve ii nomu, ngara hen hunda la, shi vea tôô u vea due a we kpaa.

Duteronomi 17:2

Aluer á kohol or u ken a we, ken hanma gar wou u TER, Aôndo wou, Una na u la, a lu nomsoor shin kwase nana lu eren ma iferkwagh sha ishigh ki TER, Aôndo wou, nana vihi ikuryan Na,

Mbaheberu 4:13

Ma kwagh u i gbe sha won kpaa ngu myer sha ishigh Nagh ga, akaa cii nga gbar gbar, i tar a tar a kpaa sha ashe a Wen u kwagh a zough se a Na la.

Yosua 23:16

Aluer nea vihi ikuryan i TER, Aôndo wen, A ye a ven la, né yem né za civir mbaaôndo mbagenev, né gure ve inya yô, ishima ia vihi TER a ven, né tim ken tar u dedoo u A ne u ne, fese je.

Yosua 7:1

Kpa Mbaiserael per tindi sha kwagh u i te icin sha mi la; gadia Akan wan u Karmi, wan u Sabedi, wan u Sera u ken kwe u Yuda, a tôô kwagh sha akaa a i te icin sha mi la; nahan ishima vihi TER a Mbaiserael tsung.

Yosua 7:10

Tsô TER kaa a Yosua er: Mough sha, ka nyi u yav u cir ishigh inya nahana?

Mbaajiriv 2:20

Nahan ishima vihi TER a Iserael; A kaa er: Er ikurior ne i vende ikuryan Yam i M ya a uter vev la, shi ve we imo Yam iko kpaa ga yô,

1 Samuel 14:38

Nahan Saulu kaa er: Kporom nen heen, ne mbavesen cii, time nen, fa nen henpe kwaghbo ne a lu nyian yô.