Yosua 6:6 - ICIGHAN BIBILO

⁶ Tsô Yosua, wan u Nun, yila upristi, kaa a ve er: Tôô nen areki u ikuryan, upristi utaankaruhar ve̱ tôô ikoriyôngo itiankarihiar, ve̱ hemen areki u TER.

Yosua 6:6 Iomraidhean Croise

Ekesodu 25:14

Shindi igbough mbila ken ahye a ken ambusu a areki la, sha u tôôn areki a min.

Aerenakaa A Mbaapostoli 9:1

Yô, er Saulu lu suwen u tan kume sha mbahenen mba Ter man shi u wuan ve kpaa yô, a za hen zegepristi

Yosua 24:11

Ne per Yordan, ne va hen Yeriko; ior mba Yeriko nôngo ityav a ven kua Mbaamor man Mbaperishi man Mbakanaan man Mbahiti man Mbagirgashi man Mbahivi kua Mbayebushi; kpa M na ve sha ikev yen.

Yosua 3:3

ve kaa ior er: Zum u né nenge areki u ikuryan u TER, Aôndo wen, man Mbalevi mba ve lu upristi mba ve tee un la yô, mough nen hen ijiir i ne hee ne, dondo nen sha mi.

Yosua 3:6

Shi Yosua ôr kwagh a upristi, kaa er: Tôô nen areki u ikuryan, hemen nen ior, per nen. Tsô ve tôô areki u ikuryan ve hemen ior.

Yosua 6:13

Upristi utaankaruhar mba ve tôô ikoriyôngo itiankarihiar ve hemen areki u TER la, ve lu tôngon ikor zan; mbautyav hemen; mba ken ijime dondo sha areki u TER, upristi lu tôngon ikor zan.

Yosua 6:5

Tsô zum u vea tôngo ikoriyôngo tuee yô, man zum u né ungwa imo a ikor i tôngon yô, ior cii ve̱ genger imo, ve̱ gbidye ivaa taver taver, tsô gilgar una yôhôl, ior cii ve̱ nyôr hanma or nana̱ nyôr sha ishigh ki nan jighilii.

Yosua 6:7

Shi a kaa ior er: Kar ningir nen gar, mbautyav ve̱ kar ve̱ hemen areki u TER.

Yosua 6:8

Tsô, shighe u Yosua ôr kwagh a ior yô, upristi utaankaruhar mba ve tôô ikoriyôngo sha ishigh ki TER la, ve kar sha hemen, ve tôngo ikor la, areki u ikuryan u TER dondo sha a ve.

1 Samuel 4:3

Zum u ior hide hen afo yô, mbatamen mba Iserael pine er: Ka nyi man TER A er Mbafiliti ve hembe se nyian nahana? Yô, sé za tôô nen areki u ikuryan u TER ken Shilo, sé va nen a mi heen, a̱ va nyôr hen atô wase, a̱ yima se sha ikev i mbaihomov asev.