Yosua 6:21 - ICIGHAN BIBILO

²¹ Ve tim akaa a ken gar la sha zwa u sanker ca ca, nomso kua kasev, man mbayev kua ior mba been iyol, man ibua man iyôngo kua ujaki.

Yosua 6:21 Iomraidhean Croise

1 Utor 20:42

A gema a kaa a na er: TER ngu kaan nahan er: Er u de or u M ver un Mer a̱ tim, a osough we sha ikev yô, uma wou una lu sha ityough ki uma na, ior ou kpaa sha ityough ki ior nav.

Yeremia 48:18

Hungwa sha iengem you la, we wankwase u u tem sha Dibon, tema hen inya i tseghe tseghe; gadia or u a tim Moabi la va ta num sha a we, a tim ayouautya ou a taver.

Duteronomi 13:16

Kohol ishar i ker cii, haa hen atô u tembe na, nande gar la sha usu kua ishar na jimin cii, sha ci u TER, Aôndo wou, a̱ hingir tihialôgh gbem sha won, i̱ de kera shi maan un mayange ga.

Duteronomi 2:34

Se ngohol agar a na cii hen shighe la, se tim hanma gar purututu, nomsombaiorov mba keregh man kasev man mbayev mba kiriki kpaa se de or môm nan war ga,

Duteronomi 7:16

Man ú tim akuraior cii a TER, Aôndo wou, Una gema a, Una na sha ikev you la; ishe you i̱ de zungu ve mhôônom ga, man de civir mbaaôndo vev ga, gadia á va hingir kwagh u hônon we min.

Yosua 10:28

Sha iyange la je Yosua ngohol Makeda, hemba un sha zwa u sanker, kua tor na; a tim un ci ca cii kua mbaumav mba ve lu ker cii, a shi ma or môm kimi ga; a er a tor u Makeda er lu er a tor u Yeriko nahan.

Yosua 10:39

a hemba un kua tor na, man agar a na cii; ve hemba ve sha zwa u sanker, ve tim mbaumav mba keregh ci ca cii, a kera shi ma or ga; Er lu er a Heberon nahan, kape er a Debir kua tor na kpaa la; er lu er a Libena kua tor na nahan kpaa.

Yosua 11:11

Ve wua mbaumav mba ve lu ken a na cii sha zwa u sanker, ve tim ve ci ca cii, kwagh u ôôn môm shi ker ga; a nande Hasor sha usu kpaa.

Yosua 11:14

Ishar i sha agar la cii kua ilev mbi a, Mbaiserael ya, hingir akaa a ve; kpaa ve wua hanma or sha zwa u sanker zan zan je ve tim ve, ve shi ma kwagh u ôôn ken a ga.

Yosua 8:2

er a Ai kua tor na er u er a Yeriko kua tor na nahan; kpa ishar na kua ilev nav kura nen sha ci u ayol a en; ver mbautyav mbagenev ve̱ yer ken ijime i gar la.

Yosua 8:22

Mba ken gar mbala kpaa due ta num sha a ve; ve hingir hen atô u Mbaiserael, mbagenev ken vegher ne mbagenev ken vegher la; ve hemba ve, ve kera de mô ve môm war ga.

Yosua 9:3

Kpa zum u ior mba Gibeon ve ungwa kwagh u Yosua er a Yeriko kua Ai la yô,

Mpase U Yohane 18:21

Tsô ortyom u Sha ugen u taver iyol tôô iwen er zegenase nahan kende shin zegemnger, kaa er: Kape á mgbegha zegegar u Babilon kera sha agee, á kera zua a na ga je ne.

1 Samuel 15:3

Hegen yô, za, za ta num sha Amaleki, tim akaa a ve lu a mi cii, mhôônom ma de ker u a ve ga. Wua nomsoor kua kwase, wanye kua wanikundan u man atumba, bua kua iyôngo, man rakumi kua jaki kpaa.

1 Samuel 15:8

A kôr Agagu tor u Amaleki la uma, kpa a tim ior mbagenev purututu cii sha zwa u sanker.